2 Chronicles 24

Mien Bible (Thai Script) © Thailand Bible Society, 2007

← Chapter 23 Jump to: Chapter 25 →

1โยอาด ฝาว เหว่ย โหฒว ฮู่ง วั้ว หฒั่น, นิ่น เญย หฮญัง-เจ๊ย ตุ๊ เสี่ย หฮญัง. นิ่น เยียม เยลูซาเลม กุ๊น เฝย เหฒียบ หฮญัง. นิ่น เญย มา, บั๋ว เห่ว สิบียา, เซ เบเอเชบา ฒี่ง เญย เมี่ยน.

2ตะฟ่าน เยโฮยาดา ไซ เมี่ยน เฒี่ยง เจี๊ยน เญย เฒี่ยง โห่, หฒิว เฒี้ยว หมั่ง, โยอาด โหฒว ตุ๊ หอบ.

3เยโฮยาดา เถง นิ่น ล์อ อี เต้า เอ๊า. นิ่น หย่า ตุ๊ ตอน ตุ๊ เซียะ เญย.

4ฆะฮ้า โยอาด ตี่ง เฮญี้ยว หฒ่อ หฒั่ง เฒี้ยว เญย เปย๊า.

5นิ่น เห่ว ไซ เมี่ยน เหธา เลวี เมี่ยน กั๊บ ฒุ้น ฯฒฯ ก๊อง บั๋ว นิ่น บัว, “เม่ย บัว อ๋อย หฒุ มี่ง เถา ยูดา เญย นอมๆ ฒี่ง เซียว อิสะลาเอน หฒวัง เมี่ยน เญย โฑว-ฒิ่น เหว่ย หฮญังๆ หล่ง หฒ่อ เม่ย บัว เญย ทิน-ฮู่ง เญย เปย๊า. เม่ย บัว หย่า อ๋อย หฒุ เซี้ยบๆ เญย เบ่น น้าย เต๋ย สี่.” มป่า เลวี เมี่ยน ไม้ ก๊าน โหฒว.

6ฮู่ง เตี๋ย ฯฒฯ เห่ว เยโฮยาดา ต้ม ไซ เมี่ยน ต้าย, ก๊อง บั๋ว นิ่น, “เม่ย เหว่ย หาย ติ่ว ไม้ เห่ว เลวี เมี่ยน ธ้วด มี่ง เซียว ยูดา เหธา เยลูซาเลม ฒี่ง เญย เมี่ยน หฮญังๆ ธ้วด เญย โฑว-ฒิ่น? น้าย เซ เฒี้ยว เญย โปว, โมเซ, เหธา กั๊บ ฒุ้น เญย อิสะลาเอน เมี่ยน ตี่ง อ๋อย หฒุ ธ้วด เหว่ย หฒ่อ แล์ง แหง่ง หว่า เญย ด๊บ-ลิ่ว.”

7วั้ว เต้า หว่าย ไห่ เญย มเซียะ ตอน, อาทาลิยา, เญย ตอน บัว ป์อง เปียะ หฒั่ง ทิน-ฮู่ง เญย เปย๊า แอ๋ง เฒาะ ฝูง ปุน เฒี้ยว เญย ธีง-เหฑ่ง กะน้าย หล่ง เหว่ย บาอัน เฒี่ยน.

8ฮู่ง เตี๋ย ฯฒฯ เหฌี่ย หลี่ง. นิ่น บัว ฯฒฯ โหฒว นอม ฟาง อัน เจี๊ยน หฒั่ง เฒี้ยว เญย เปย๊า กะเหญี่ย แหมง, นิด หลาด แก้ง.

9ม่าย เฝียน ฒุ่น ก๋อม ยูดา เหธา เยลูซาเลม, บั๋ว เมี่ยน ธ้วด โฑว-ฒิ่น หฒิว ทิน-ฮู่ง เญย โปว, โมเซ, เยียม เต่ย-ปูง-ฮวาง พ้าย อิสะลาเอน เมี่ยน ฝูง ญ่าน ต้าย ปุน เฒี้ยว.

10หฒวัง เปย๊ย เฒ้ย เหธา เหยียด ฒู้ง แปะ ฝีง เฌียน-โย่ว ไห่. นิ่น บัว ต้อ นิ่น บัว เญย โฑว-ฒิ่น ต้าย ตั๊บ วั้ว นอม ฟาง เถา ธ้วด ฑ่อย เหฑ่ง.

11เลวี เมี่ยน หาย หฒั่น ต้อ วั้ว นอม ฟาง มี่ง ฮู่ง เตี๋ย เญย เจียน วั้ว, นิ่น บัว ปวัด ม่าย ญ่าน ธั้ม นอ, ฮู่ง เตี๋ย เญย โซว-ปิ๊ว เหธา ต้ม ไซ เมี่ยน เญย เจียน ฯฒฯ ต้าย โต๋ ญ่าน ธ้วด แอ๋ง ต้อ ฟาง ต้าย อัน โล์-ต๋อง. นิ่น บัว ฮนอย เจี๋ย ฮนอย ฮนั้ง น้าย นอ โหฒว, ฯฒฯ เซียว ตุ๊ ญ่าน ธั้ม.

12ฮู่ง เตี๋ย เหธา เยโฮยาดา เฒาะ น้าย เต๋ย ญ่าน ต้าย จิว ปุน หฒ่อ หฒั่ง เฒี้ยว เญย เปย๊า เญย กุ๊น กง เมี่ยน. นิ่น บัว ธี้ง หละเปย๊ย-หฒั่ง เหธา เดี๋ยง-หฒั่ง เหว่ย หฒ่อ หฒั่ง เฒี้ยว เญย เปย๊า, หย่า ธี้ง เฮลียะ-หฒั่ง เหธา ต้ง หฒั่ง ต้าย หฒ่อ เฒี้ยว เญย เปย๊า.

13กง-เมี่ยน เจี้ยน โหฒว กง ฯฒฯ หฒ่อ หลง เจี๊ยน ฝาว. นิ่น บัว หฒ่อ หฒั่ง ทิน-ฮู่ง เญย เปย๊า ฮนั้ง โล์ วั้ว นอ, หย่า โหฒว ว้วน ฮนั้ง ฒิ่น ด่าง นอ.

14โหฒว เหฒียง เหฑ่ง, นิ่น บัว ต้อ เหฒ่ง เญย ญ่าน มี่ง เถา ฮู่ง เตี๋ย เหธา เยโฮยาดา เญย หฑะเฮมียน. นิ่น บัว หล่ง น้าย เต๋ย ญ่าน โหฒว หฒั่ง เฒี้ยว เญย เปย๊า เญย จา-ต๋อง เหว่ย ฟู-สู เหธา ฝ่ง ห่อ ปั๊ว เหฒี่ย เญย เจ๊า. นิ่น บัว โหฒว หฑ่อม เยี้ยน เหธา หล่ง เจียม หล่ง ญ่าน เญย จา-สี่. ตะฟ่าน เยโฮยาดา หธ่อ เยียม เสย หฒั่ง เญย เฒี่ยง โห่ นิ่น บัว หฒั่นๆ เยียม หฒั่ง เฒี้ยว เญย เปย๊า ฝ่ง ห่อ ปั๊ว เหฒี่ย.

15เยโฮยาดา เญย หฮญัง-เจ๊ย ฮลัง, โก๋ ไห่ อ๊ะ. นิ่น เกวย เสย เญย เฒี่ยง โห่ นิ่น ตุ๊ เหยียด แป๊ะ ฟ่า เหฒียบ หฮญัง.

16นิ่น บัว หฒัง นิ่น เยียม ดาวิด เญย ฒี่ง, หฒวัง ฮู่ง เญย บุด๋ง, เหว่ย หฒุ นิ่น เยียม อิสะลาเอน โหฒว คู้ สี่, หย่า เหว่ย ทิน-ฮู่ง เหธา ทิน-ฮู่ง เญย เปย๊า โหฒว หลง.

17เยโฮยาดา เกวย เสย ลิ์ว, ยูดา เญย เจียน ต้าย ป๋าย ฮู่ง เตี๋ย. ฮู่ง เตี๋ย หย่า หมวัง นิ่น บัว ก๊อง เญย หว่า.

18นิ่น บัว ฯฒฯ กวั่ง เฒี้ยว, นิ่น บัว เญย อง-ถาย เญย ทิน-ฮู่ง เญย เปย๊า, หฒั่ง อาเซลา เฒี่ยน เญ์ย เญย ฝัง เหธา กั้น หญู่ง หมิ่ว-ฝัง. หลาย นิ่น บัว ฮนั้ง น้าย นอ ป์าม ฒุ์ย, ยูดา เหธา เยลูซาเลม หฒุ ทิน-ฮู่ง เฉีย เจี์ย, โน์ว นิ่น บัว.

19มป่า ทิน-ฮู่ง พ้าย โต่ว หว่า เมี่ยน ต้าย เยียม นิ่น บัว บุด๋ง, อ๋อย ต้อ นิ่น บัว หฑวน ต้าย ล์อ เฒี้ยว. โต่ว หว่า เมี่ยน โหฒว ฒอง-เหฒง ก๊อง นิ่น บัว ต่อง เญย ต๋อง, มป่า นิ่น บัว ไม้ หมวัง.

20โหฒว เกา, ทิน-ฮู่ง เญย สีง ลี่ง เหฌี่ย ต้าย เยียม เยโฮยาดา ไซ เมี่ยน เญย ตอน, เสคาลิยา. นิ่น ฯฒฯ โซ้ว เจี๊ยน แปะ ฝีง เญย หฑะเฮมียน ก๊อง, “ทิน-ฮู่ง ฮนั้ง น้าย นอ ก๊อง, ‘เม่ย บัว เหว่ย หาย ติ่ว ป์าม เฒี้ยว เญย เล์ย-หลัด? เหว่ย น้าย เม่ย บัว ไม้ ไฮ่ ตุ๊ หลง. หลาย เม่ย บัว กวั่ง เฒี้ยว, นิ่น หย่า กวั่ง เม่ย บัว อ๊ะ.

21มป่า นิ่น บัว ธ่าง ล่าง ต๊า หฒะเอ๋ย ห่อย เสคาลิยา. หฒวัง เมี่ยน ฯฒฯ หฒิว ฮู่ง เตี๋ย พ้าย เญย หว่า เยียม หฒั่ง เฒี้ยว เญย เปย๊า, หลาด กะญั์ว, หล่ง หละเปย๊ย ฒง ไต่ นิ่น.

22ฮนั้ง หน่าย, โยอาด ฮู่ง ไม้ จั๋ง เสคาลิยา เญย เตีย, เยโฮยาดา, ฒิ่น ด่าง เถง นิ่น เญย เอน-ฒี่ง. นิ่น ฒู้ง เฒาะ เยโฮยาดา เญย ตอน ไต๋. อ๋อย ไต่ วั้ว หฒั่น, เสคาลิยา ก๊อง, “โท้ เฒี้ยว หมั่ง แอ๋ง เถง จ๊าว วิน.”

23เถา หฮญัง-เตว๊ย, ซีเลีย เมี่ยน เญย จุน-แปง ต้าย เบ๊าะ ยูดา เหธา เยลูซาเลม หย่า ไต๋ เหฑ่ง แปะ ฝีง บุด๋ง เญย หฒวัง เปย๊ย เฒ้ย. ธ้าง ต้าย เญย เหยียด ฒู้ง ฒิ่น ฒ่อย นิ่น บัว ฝูง มี่ง เถา ดามัดกัด ฒี่ง เญย ฮู่ง วั้ว.

24ไม้ กุ๊น ซีเลีย เญย จุน-แปง กวั้น โหฒะ เญย, เฒี้ยว เฒาะ ยูดา เญย ต้ม จุน-แปง กวั้น จิว ปุน เยียม นิ่น บัว เญย ปั์ว-เดี๊ย. หลาย ยูดา เมี่ยน กวั่ง เฒี้ยว, นิ่น บัว เญย อง-ถาย เญย ทิน-ฮู่ง, โยอาด หฒุ ตี่ง ฒุ์ย.

25ซีเลีย เญย แปง ถุย โยอาด เญย เฒี่ยง โห่, นิ่น หฒุ มุน เซียง เญย. นิ่น เญย เจียน ต๊า หฒะเอ๋ย ห่อย นิ่น เหว่ย หฒุ นิ่น ไต๋ เยโฮยาดา ไซ เมี่ยน เญย ตอน. นิ่น เปว๋ย เจี๊ยน โหธว เญย เฒี่ยง โห่ นิ่น บัว ฯฒฯ ไต๋ นิ่น อ๊ะ. นิ่น ฯฒฯ ไต่ หมี่ อ๊ะ, หฒัง เจี๊ยน ดาวิด เญย ฒี่ง, มป่า ไม้ หฒัง เยียม ฮู่ง เญย โฒ้ว-เก้ม.

26ต๊า หฒะเอ๋ย ห่อย ฮู่ง เตี๋ย วั้ว เต๋ย เซ อัมโมน เมี่ยน มเซียะ ตอน, ซิเมอัด เญย ตอน, สาบาด, เหธา โมอับ เมี่ยน มเซียะ ตอน, ซิมลิด เญย ตอน, เยโฮซาบาด.

27โยอาด เญย ตอน บัว เญย เจ๊า-โหล่ว, ก๊อง นิ่น วั้ว เต๋ย ฒิ่น โฮ์ เญย หว่า ธั้ม, เหธา หฒ่อ หฒั่ง ทิน-ฮู่ง เญย เปย๊า เญย เจ๊า เฟี้ย เจี๊ยน พ้อ ฮู่ง โต้ว ตาน เญย โซว. นิ่น เญย ตอน, อามาซิยา, หฑิบ เจี๊ยน นิ่น โหฒว ฮู่ง.

← Chapter 23 Jump to: Chapter 25 →