2 Chronicles 17

Mien Bible (Thai Script) © Thailand Bible Society, 2007

← Chapter 16 Jump to: Chapter 18 →

1อาสา เญย ตอน, เยโฮซาฟัด, หฑิบ เจี๊ยน นิ่น เญย เตีย โหฒว ฮู่ง. นิ่น เหธย กั้น เฮ้น เหว่ย บู้ง อิสะลาเอน.

2นิ่น ปุน แปง เยียม เจี๊ยน ยูดา เญย เหยียด ฒู้ง เว่ย ว้วน เญย ฒี่ง, หย่า ปุน แปง เยียม ว้วน เญย ต๋อง เหว่ย เปว ยูดา เต่ย. นิ่น หย่า ปุน แปง เยียม นิ่น เญย เตีย, อาสา, ธ้าง ต้าย เญย เอฟาอิม เต่ย.

3เฒี้ยว เหธา เยโฮซาฟัด เยียม, เหว่ย หฒุ ต้าว ตั้ง วั้ว หฒั่น นิ่น ฮนั้ง นิ่น เญย อง-ถาย, ดาวิด, ยั่ง เญย เจ๊า. นิ่น ไม้ ล์อ บาอัน เฒี่ยน.

4นิ่น ล์อ นิ่น เญย เตีย เญย ทิน-ฮู่ง, เอย เจี๊ยน นิ่น เญย หลี่ง, ไม้ หฒวด อิสะลาเอน เมี่ยน โหฒว เญย สี่.

5เหว่ย น้าย, เฒี้ยว เหลียบ กั๊วะ ว้วน เยียม เยโฮซาฟัด เญย ปั์ว-เดี๊ย. ยูดา เญย หฒวัง เมี่ยน ฯฒฯ ต้อ ฒี่ง เหญ่ย ฝูง ปุน เยโฮซาฟัด. นิ่น ฯฒฯ หฒะเก้ง! ปุ๊ด ฒ่อย อ๊ะ, หย่า ตุ๊ เมี่ยน ท่าย.

6นิ่น อะเฮน้ย ยั่ง เฒี้ยว เญย เจ๊า. นิ่น ฒู้ง เฒาะ ฆอย ยูดา เต่ย เยียม ฮลัง หฒั่ง เฒี่ยน เญย ต๋อง เหธา อาเซลา เฒี่ยน เญ์ย เญย ฝัง.

7นิ่น โหฒว ฮู่ง ตะฟาม หฮญัง วั้ว หฮญัง, นิ่น พ้าย นิ่น เญย เจียน, เบนฮาอิน, โอบาดี, เสคาลิยา, เนทันเอน เหธา มีคายา มี่ง ยูดา เญย นอมๆ ฒี่ง หฌาว แปะ ฝีง.

8แอ๋ง ม่าย เลวี เมี่ยน เหธา นิ่น บัว มี่ง. ม่าย เซไมอา, เนทานิยา, เสบาดิยา, อาสาเฮน, เซมิลาโม้ด, เยโฮนาทัน, อาโดนียา, โทบียา เหธา โท้บอาโดนิยา. แอ๋ง ม่าย เอลีซามา เหธา เยโฮลัม ไซ เมี่ยน เหธา เจี๊ยน นิ่น บัว มี่ง.

9นิ่น บัว ต้อ เจี๊ยน เฒี้ยว เญย เล์ย-หลัด โซว มี่ง ก๋อม ยูดา เญย นอมๆ ฒี่ง หฌาว แปะ ฝีง.

10เฒี้ยว ปุน เว่ย ก๋อม เญย กั๊วะ กั้ม เหฑีย ยูดา ฯฒฯ ไม้ ก๊าม มี่ง เหธา เยโฮซาฟัด เบ๊าะ จ๋า.

11ม่าย เต๋ย ฟีลิสะเตีย เมี่ยน ต้อ กะน้าย ต้าย โหฒว ฒี่ง เหญ่ย, แอ๋ง ต้อ ญ่าน ต้าย โหฒว โฑว-ฒิ่น. อาหลับ เมี่ยน หย่า ฝูง เสี่ย ธิน เธี้ยด แป๊ะ เต้า ปะกี ยู่ง โก๊ว.

12เยโฮซาฟัด กุ๊น โหฒว กุ๊น เฮ้น. นิ่น เหธย เว่ย ว้วน เญย แปง-เธี้ยง เหธา เซียว กะน้าย เญย ฒี่ง.

13นิ่น หย่า เซียว กะน้าย ธั้ม! เญย เยียม ยูดา เญย ฒี่ง. นิ่น หย่า ม่าย เบ๊าะ จ๋า เฮ้น เญย แปง เยียม เยลูซาเลม.

14หฒิว นิ่น บัว เญย ปู้ง ป่วน ม่าย, ยูดา ฝีง กุ๊น เหยียด ธิน เต้า แปง เญย แปง-เปย๊ย. ต้ม แปง-เปย๊ย, อัดนา, ต้อ ปัว สิน เต้า เบ๊าะ จ๋า เฮ้น เญย แปง.

15เจี๋ย มี่ง วั้ว เต้า เซ ต้ม แปง-เปย๊ย, เยโฮฮานัน, เหธา อี สิน เหฮยียด หว่าน เต้า แปง.

16เจี๋ย มี่ง วั้ว เต้า, สิกลี เญย ตอน, อามัดยา. นิ่น ธ้วด ฟิม โหฒว เหว่ย ฟู-สู เฒี้ยว. นิ่น ต้อ อี สิน เต้า เบ๊าะ จ๋า เฮ้น เญย แปง.

17เยียม เบนยามิน ฝีง ต้าย ม่าย เต้า เฮ้น ไห่ เญย แปง, เอลียาดา, เหธา เจี๊ยน อี สิน เต้า ต้อ เจี๊ยน ท้อง-ป้าย เหธา จวัง-หฒิน เญย แปง.

18เจี๋ย มี่ง วั้ว เต้า เซ เยโฮซาบาด เหธา เหยียด สิน เหฮยียด หว่าน เต้า ต้อ เจี๊ยน เบ๊าะ จ๋า เญย หวัวะ กิ่น เญย แปง.

19น้าย เต๋ย เมี่ยน เซ ฟู-สู ฮู่ง เตี๋ย เญย เมี่ยน. แอ๋ง ม่าย ต้ง ฮู่ง เตี๋ย ปุน เยียม ก๋อม ยูดา เญย เว่ย ว้วน เญย ฒี่ง วั้ว เต๋ย แปง.

← Chapter 16 Jump to: Chapter 18 →