2 Chronicles 27

Mien Bible (Thai Script) © Thailand Bible Society, 2007

← Chapter 26 Jump to: Chapter 28 →

1โยทาม ฝาว เหว่ย โหฒว ฮู่ง วั้ว หฒั่น, นิ่น เญย หฮญัง-เจ๊ย ตุ๊ หญี่ เหฒียบ ฮม์ หฮญัง. นิ่น เยียม เยลูซาเลม กุ๊น เหฒียบ หลัวะ หฮญัง. นิ่น เญย มา เญย บั๋ว เห่ว เยลูซา, เซ สาโดก เญย เซียะ.

2หฒิว เฒี้ยว หมั่ง, นิ่น โหฒว ตุ๊ หอบ ฮนั้ง นิ่น เญย เตีย, อุดซียา นอ, ธ้วด ลิ์ว นิ่น ไม้ ฮนั้ง นิ่น เญย เตีย ป์อง เปียะ หฒั่ง เฒี้ยว เญย เปย๊า ปั๊ว ฮูง. มป่า แปะ ฝีง หธ่อ เอย เจี๊ยน หว่าย เญย หฒะเอ๋ย โหฒว.

3โยทาม แอ๋ง เหธย เจี์ย หฒั่ง เฒี้ยว เญย เปย๊า วั้ว เจี๋ย เญย แก้ง. เยียม โอเฟน เต่ย เญย ฒี่ง หลาด นิ่น หย่า หฒ่อ ธั้ม เญย.

4นิ่น เยียม ยูดา เญย บง-ไอ๊ ต๋อง เหธย ฒี่ง หย่า เยียม เดี๋ยง-หล่ม เญย ต๋อง เหธย เว่ย ว้วน เญย ต๋อง เหธา ล่าว.

5โยทาม มี่ง เหธา อัมโมน เมี่ยน เญย ฮู่ง เบ๊าะ จ๋า หย่า เบ๊าะ ฮี่ง หมี่ อ๊ะ. วั้ว หฮญัง อัมโมน เมี่ยน ธ้วด อี ธิน เหยียด แป๊ะ จ้อย ญ่าน, เบย้า วิด เหยียด สิน เหยียด หว่าน ท้ง, เบย้า บาลี เหยียด สิน เหธา เหยียด หว่าน ท้ง ปุน นิ่น. ตะเหญ่ย เหธา ตะฟาม หฮญัง หย่า ธ้วด ฟี่ ฮนั้ง เญย.

6โยทาม เฮ้น เจี๊ยน ฝาว เหว่ย หฒุ นิ่น เยียม เฒี้ยว เญย หฑะเฮมียน เหฒียบ ฒัวะ เญย โหฒว.

7โยทาม โหฒว เญย สี่, เลี่ยม นิ่น เบ๊าะ เญย เหยียด ฒู้ง จ๋า, เหธา โหฒว เหฒ่ง เหฌี่ย เญย สี่, เฟี้ย เจี๊ยน เยียม อิสะลาเอน เหธา ยูดา เญย ฮู่ง โต้ว ตาน.

8นิ่น ฝาว เหว่ย โหฒว ฮู่ง วั้ว หฒั่น นิ่น เญย หฮญัง-เจ๊ย ตุ๊ หญี่ เหฒียบ ฮม์ หฮญัง. นิ่น หย่า เยียม เยลูซาเลม ฒี่ง กุ๊น เหฒียบ หลัวะ หฮญัง.

9โยทาม เกวย เสย หมี่ อ๊ะ, หย่า หฒัง เจี๊ยน ดาวิด เญย ฒี่ง. นิ่น เญย ตอน, อาหัด, หฑิบ เจี๊ยน นิ่น โหฒว ฮู่ง.

← Chapter 26 Jump to: Chapter 28 →