bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
2 Kings 15
2 Kings 15
Kamba (MBIVILIA ŨVOO MŨSEO)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Mwakanĩ wa mĩongo ĩlĩ na mũonza wa kũsumbĩka kwa Yelovoamu mũsumbĩ wa Ĩsilaeli, Usia mwana wa Amasia, nĩwatw'ĩkie mũsumbĩ wa Yuta.
2
Atw'ĩkie mũsumbĩ e na ũkũũ wa myaka ĩkũmi na thanthatũ, na asumbĩka myaka mĩongo ĩtano na ĩlĩ e Yelũsalemu. Inyia wake eetawa Yekolia kuma Yelũsalemu.
3
Usia nĩweekaa maũndũ ala mamwendeeasya Mwĩai Ngai, o tondũ Amasia ĩthe wake weekaa.
4
Ĩndĩ kũndũ kwoo kũla mathaithĩaa iĩmanĩ ĩũlũ kũyaanangwa; andũ nĩmaendeeie kũthemba na kũvĩvĩsya ũvani kw'o.
5
Mwĩai Ngai nĩwaeteie Usia ũwau wa mangũ ekala e mũwau nginya kũkw'a. Nĩwekalaa nyũmbanĩ yake yĩ ũtee e weka. Yothamu mwana wake nĩwe waũngamĩe maũndũ nyũmbanĩ ya kĩ-ũsumbĩ, na nĩwe watongoesye andũ ma nthĩ ya Yuta.
6
Maũndũ ala angĩ Usia weekie yĩla wasumbĩkĩte, maandĩkĩtwe Ĩvukunĩ ya Maũndũ ma Mavinda ma Asumbĩ ma Yuta.
7
Usia nĩwakwie na athikwa vala asumbĩ mathikawa Ndũanĩ ya Ndeviti. Yothamu mwana wake nĩwatw'ĩkie mũsumbĩ ĩtina wake.
8
Mwakanĩ wa mĩongo ĩtatũ na nyanya wa kũsumbĩka kwa Usia mũsumbĩ wa Yuta, Nzekalia mwana wa Yelovoamu nĩwatw'ĩkie mũsumbĩ wa Ĩsilaeli. Asumbĩkie myei thanthatũ e Samalia.
9
Nzekalia nĩwavĩtĩisye Mwĩai Ngai o tondũ aaĩthe make meekie. Nĩweekie naĩ ila Yelovoamu mwana wa Nevati weekie atuma andũ ma Ĩsilaeli meka naĩ.
10
Salumu mwana wa Yavesi nĩwavangĩie Nzekalia mũvango mũthũku. Nĩwamũvithũkĩie e mbee wa andũ amũaa na asumbĩka ĩtina wake.
11
Maũndũ ala angĩ Nzekalia weekie yĩla wasumbĩkĩte, maandĩkĩtwe Ĩvukunĩ ya Maũndũ ma Mavinda ma Asumbĩ ma Ĩsilaeli.
12
Kwoou watho wa Mwĩai Ngai nĩweanĩie ũla waneenete na Yeũ akamwĩa, “Nzyawa syaku kũvika nzyawa ya kana ikatw'ĩka asumbĩ ma Ĩsilaeli.”
13
Mwakanĩ wa mĩongo ĩtatũ na kenda wa kũsumbĩka kwa Usia mũsumbĩ wa Yuta, Salumu mwana wa Yavesi nĩwatw'ĩkie mũsumbĩ wa Ĩsilaeli. Asumbĩkie mwei ũmwe e Samalia.
14
Nĩvo ĩndĩ Menaemu mwana wa Ngandi waumie Tilisa athi Samalia na amũvithũkĩa amũaa, na atw'ĩka mũsumbĩ ĩtina wake.
15
Maũndũ ala angĩ Salumu weekie yĩla wasumbĩkĩte, vamwe na mũvango mũthũku ũla waseũvisye, maandĩkĩtwe Ĩvukunĩ ya Maũndũ ma Mavinda ma Asumbĩ ma Ĩsilaeli.
16
Ĩvindanĩ yĩu Menaemu nĩwaumie ndũanĩ ya Tilisa, na avithũkĩa ndũa ya Tivisa. Nĩwokitie andũ onthe ala matwĩe ndũanĩ ĩsu, vamwe na ala maĩ vakuvĩ nayo, nũndũ nĩmaleete kwĩnengane ũtonyinĩ wake amasumbĩke. O ta ũu nĩwatembũangie mavu ma aka onthe ala maĩ aito.
17
Mwakanĩ wa mĩongo ĩtatũ na kenda wa kũsumbĩka kwa Usia mũsumbĩ wa Yuta, Menaemu mwana wa Ngandi nĩwatw'ĩkie mũsumbĩ wa Ĩsilaeli. Asumbĩkie myaka ĩkũmi e Samalia.
18
Nĩwavĩtĩisye Mwĩai Ngai. Ĩvindanĩ yonthe yĩla wasumbĩkĩte, nĩweekaa naĩ ila Yelovoamu mwana wa Nevati weekaa, na atuma andũ ma Ĩsilaeli meka naĩ.
19
Nĩvo ĩndĩ Vulu mũsumbĩ wa Asuli wavithũkĩie nthĩ ya Ĩsilaeli, na Menaemu amũnenga kĩlo ngili mĩongo ĩtatũ na inya sya silĩva nĩ kana amũtetheesye kũsumbĩka nthĩ ya Ĩsilaeli.
20
Menaemu aumĩthisye andũ ma Ĩsilaeli mbesa isu na vinya; andũ onthe ala athwii maumasya silĩva wa ta nyusu kĩlo. Nĩvo ĩndĩ Vulu wasyokie nthĩ yake.
21
Maũndũ ala angĩ onthe Menaemu weekie yĩla wasumbĩkĩte, maandĩkĩtwe Ĩvukunĩ ya Maũndũ ma Mavinda ma Asumbĩ ma Ĩsilaeli.
22
Menaemu nĩwakwie na athikwa, na Vekaia mwana wake asumbĩka ĩtina wake.
23
Mwakanĩ wa mĩongo ĩtano wa kũsumbĩka kwa Usia mũsumbĩ wa Yuta, Vekaia mwana wa Menaemu nĩwatw'ĩkie mũsumbĩ wa Ĩsilaeli. Asumbĩkie myaka ĩlĩ e Samalia.
24
Vekaia nĩwavĩtĩisye Mwĩai Ngai, o tondũ Yelovoamu mwana wa Nevati weekie, na atuma andũ ma Ĩsilaeli meka naĩ.
25
Ũmwe wa atongoi ma asikalĩ make, ũla weetawa Veka mwana wa Lemalia, nĩwavangĩie Vekaia mũvango mũthũku. Nĩwoosie aũme mĩongo ĩtano kuma Ngileati, na mamũaĩa Samalia mwakonĩ mũlũmu ũla wĩ nthĩnĩ wa nyũmba ya kĩ-ũsumbĩ, e na Alikovu na Alie. Ĩtina wa ũu Veka nĩwatw'ĩkie mũsumbĩ ĩtina wake.
26
Maũndũ ala angĩ Vekaia weekie yĩla wasumbĩkĩte, maandĩkĩtwe Ĩvukunĩ ya Maũndũ ma Mavinda ma Asumbĩ ma Ĩsilaeli.
27
Mwakanĩ wa mĩongo ĩtano na ilĩ wa kũsumbĩka kwa Usia mũsumbĩ wa Yuta, Veka mwana wa Lemalia nĩwatw'ĩkie mũsumbĩ wa Ĩsilaeli. Asumbĩkie myaka mĩongo ĩlĩ e Samalia.
28
Nĩwavĩtĩisye Mwĩai Ngai o tondũ Yelovoamu mwana wa Nevati weekie, na atuma andũ ma Ĩsilaeli meka naĩ.
29
Ĩvindanĩ ya kũsumbĩka kwa Veka mũsumbĩ wa Ĩsilaeli, Tikilathi-vileseli mũsumbĩ wa Asuli, nĩwakwatie ndũa sya Ĩyoni, Aveli-mbethi-maaka, Yanoa, Ketesi, Asoli, Ngileati, Kalilii na nthĩ ya Navutalĩ. Nĩwakwatie andũ ma isio isu amatwaa nthĩ ya Asuli me ove.
30
Mwakanĩ wa mĩongo ĩlĩ wa kũsumbĩka kwa Yothamu mwana wa Usia mũsumbĩ wa Yuta, Osea mwana wa Ela nĩwavangĩie Veka mũvango mũthũku. Nĩwamũvithũkĩie amũaa na atw'ĩka mũsumbĩ ĩtina wake.
31
Maũndũ ala angĩ Veka weekie yĩla wasumbĩkĩte, maandĩkĩtwe Ĩvukunĩ ya Maũndũ ma Mavinda ma Asumbĩ ma Ĩsilaeli.
32
Mwakanĩ wa kelĩ wa kũsumbĩka kwa Veka mwana wa Lemalia mũsumbĩ wa Ĩsilaeli, Yothamu mwana wa Usia nĩwatw'ĩkie mũsumbĩ wa Yuta.
33
Atw'ĩkie mũsumbĩ e na ũkũũ wa myaka mĩongo ĩlĩ na ĩtano. Asumbĩkie vandũ va myaka ĩkũmi na thanthatũ e Yelũsalemu. Inyia wake eetawa Yelusa mwĩĩtu wa Nzatoki.
34
Yothamu nĩweekaa maũndũ ala mamwendeeasya Mwĩai Ngai, o tondũ Usia ĩthe wake weekaa.
35
Ĩndĩ kũndũ kũla andũ mathaithĩaa iĩmanĩ ĩũlũ kũyaanangwa. Andũ nĩmaendeeie kũthemba na kũvĩvĩsya ũvani kw'o. Yothamu nĩwaakie ĩngĩ Mũvĩa wa Ĩũlũ wa Ĩkalũ.
36
Maũndũ ala angĩ Yothamu weekie yĩla wasumbĩkĩte, maandĩkĩtwe Ĩvukunĩ ya Maũndũ ma Mavinda ma Asumbĩ ma Yuta.
37
Ĩvindanĩ ya kũsumbĩka kwa Yothamu, Mwĩai Ngai nĩwambĩĩie kũtũma Lesini mũsumbĩ wa Silia, na Veka mwana wa Lemalia mũsumbĩ wa Ĩsilaeli makavithũkĩe nthĩ ya Yuta.
38
Yothamu nĩwakwie na athikwa mbũanĩ ila syathikawa asumbĩ Ndũanĩ ya Ndeviti. Aasu mwana wake nĩwatw'ĩkie mũsumbĩ ĩtina wake.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
Recommended Reading
Commentary
2 Kings Commentaries
→
Devotional
2 Kings Devotional Guide
→
Get This Bible
Kamba (MBIVILIA ŨVOO MŨSEO) Study Bible
→