bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
2 Kings 6
2 Kings 6
Kamba (MBIVILIA ŨVOO MŨSEO)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
1
Mũthenya ũmwe nguthu ya athani nĩyeeie Elisa atĩĩ, “Vandũ vala tũmbanĩaa twĩ naku nĩ vanini mũno ũkethĩa vaitwĩanĩe.
2
Tũnenge mwanya tũthi Ũsĩnĩ wa Yolotani tũkateme mĩtĩ, nĩ kana twĩyakĩe vandũ vatwĩanĩe kwĩkala.” Elisa nĩwasũngĩie amea, “Endai.”
3
Ũmwe woo nĩweeie Elisa atĩĩ, “Mwa ũka tũendany'e.” Elisa nĩwasũngĩie asya, “Nĩngũendany'a nenyu.”
4
Nĩwaendanisye namo. Yĩla mavikie Ũsĩnĩ wa Yolotani, nĩmambĩlĩĩilye kũtema mĩtĩ.
5
Ũmwe woo aendee kũtema mũtĩ, ĩthoka yake nĩyasingilile yavota kĩw'ũnĩ. Nĩwakayie asya, “Ĩiaa! Mũnene wakwa, nĩĩka ata? Ĩthoka yĩu nĩvoyete mũndũ!”
6
Elisa nĩwamũkũlilye atĩĩ, “Yavotela va?” Yĩla mũndũ ũsu woonisye Elisa vala ĩthoka yĩu yavotela, Elisa nĩwatemie mũtĩ awĩkya vo, na atuma ĩthoka yĩu yĩthambalala.
7
Elisa nĩweeie mũndũ ũsu, “Yumye kĩw'ũnĩ.” Mũndũ ũsu nĩwatambũũkisye kw'oko kwake na ayosa.
8
Ĩvinda yĩmwe, mũsumbĩ wa Silia nĩwakwatisye kaũ na Ĩsilaeli. Nĩwaoanisye na anini make na anyuva vandũ va kwamba maeema make.
9
Elisa nĩwatũmanie vala ve mũsumbĩ wa Ĩsilaeli amwĩa, “Ĩsũvĩe ndũkatate kũthengeea vau, nũndũ Asilia nĩmatheete vo.”
10
Kwoou mũsumbĩ wa Ĩsilaeli nĩwatũmanie vala ve andũ ma vandũ vau nĩ kana mesũvĩe, namo mekala meyũmbanĩtye. Vandũ va mavinda meana ũndũ mũna, Elisa nĩwamanyĩthasya mũsumbĩ ũndũ Asilia meyũmbanĩtye kwĩka, na kwoou mũsumbĩ ayĩkala esũvĩĩte.
11
Mũsumbĩ wa Silia nĩwathatiw'e mũno nĩ ũndũ ũsu. Nĩweetie anini make na amakũlya atĩĩ, “Ndavyei nũũ katĩ waitũ ũtavasya mũsumbĩ wa Ĩsilaeli maũndũ maitũ?”
12
Ũmwe nĩwasũngĩie asya atĩĩ, “Mũnene wakwa mũsumbĩ, vai ũmwe katĩ waitũ wĩ ngalĩkonĩ ya mũsumbĩ wa Ĩsilaeli. Ĩndĩ Elisa, mwathani ũla wĩ Ĩsilaeli, nĩwe ũtavasya mũsumbĩ wa Ĩsilaeli maũndũ onthe ala ũneenaa; o na ala ũneeneaa nyũmbanĩ yaku ya kũkoma.”
13
Mũsumbĩ nĩweeaie asya, “Endai mũmanthe vala ũĩ nĩ kana nĩtũme andũ makamũkwate.” Yĩla wataviw'e kana Elisa aĩ Ndothani,
14
nĩwatũmie nguthu nene ya asikalĩ me na mbalasi na makasya ma kaũ mathi vo. Nĩmavikie ndũanĩ ĩsu ũtukũ na mamĩlingĩla.
15
Ũnĩ ũsu kwakya tene, yĩla mũthũkũmi wa Elisa wookĩlile na aumaala, nĩwoonie Asikalĩ ma Silia me na mbalasi na makasya ma kaũ melingĩlĩte ndũa. Nĩwasyokie vala ve Elisa na aneena aseng'ete asya, “Asi! Mũnene wakwa twĩĩka ata?”
16
Elisa nĩwamũsũngĩie amwĩa atĩĩ, “Ndũkakĩe. Ala twĩ namo nĩ aingĩ kwĩ ala me namo.”
17
Nĩvo ĩndĩ Elisa wavoyie ayasya, “Ame Mwĩai Ngai, salukya metho make nĩ kana one!” Mwĩai Ngai nĩwasũngĩie mboya ya Elisa na asalukya metho ma mũthũkũmi ũsu. Mũthũkũmi ũsu nĩwasyaisye oona iĩma syusĩe mbalasi na makasya ma kaũ ma mwaki, melingĩlĩte Elisa ngalĩko syonthe.
18
Yĩla Asilia matheeie makwate Elisa, Elisa nĩwavoyie Mwĩai Ngai asya atĩĩ, “Nĩngũũvoya, tw'ĩkĩthya andũ aa ilalinda.” Kwoou Mwĩai Ngai nĩwatw'ĩkĩthisye andũ asu ilalinda o tondũ Elisa wavoyie.
19
Nĩvo ĩndĩ Elisa waendie vala maĩ na amea atĩĩ, “Mũatĩĩe nzĩa ĩla ĩte yo; ĩno ti yo ndũa ĩla mũũmantha. Ngatĩĩai na nĩngũmũtwaa vala ve mũndũ ũla mũũmantha.” Elisa nĩwamatongoeisye amatwaa ndũanĩ ya Samalia.
20
Mamina kũlika ndũanĩ ya Samalia, Elisa nĩwavoyie Mwĩai Ngai asya, “Ame Mwĩai Ngai, salukya metho moo nĩ kana mone.” Mwĩai Ngai nĩwasũngĩie mboya ya Elisa, na asalukya metho moo masisya meethĩa me ndũanĩ ya Samalia katĩ.
21
Yĩla mũsumbĩ wa Ĩsilaeli woonie Asilia asu, nĩwakũlilye Elisa atĩĩ, “Mũnene wakwa, nĩmoae? Nĩmoae?”
22
Elisa nĩwamũsũngĩie amwĩa atĩĩ, “Ndũkamoae. We nĩwaĩlĩte kũaa na ũvyũ kana ĩtumo andũ ala ũminĩte kũkwata ta ovwa? Manenge lĩu maye na kĩw'ũ manyw'e, na ũimaeka masyoke vala ve mũnene woo.”
23
Kwoou mũsumbĩ wa Ĩsilaeli nĩwaseũvĩisye andũ asu mboka nene, na yĩla maminie kũya na kũnyw'a, nĩwamaekie masyoka vala ve mũnene woo. Kuma ĩvindanĩ yĩu na kũendeea, Asilia nĩmaekie kũlika kĩsionĩ kya nthĩ ya Ĩsilaeli.
24
Ĩtina wa maũndũ asu, Mbeni-aatati, mũsumbĩ wa Silia nĩwatongoeisye asikalĩ make ma kaũ onthe, mathi meelingĩla ndũa ya Samalia.
25
Nũndũ wa kwĩlingĩlwa kũu, nĩveethĩiwe yũa ĩnene ndũanĩ ya Samalia nginya weethĩa mũtwe wa ĩng'oi wĩthoow'a mbesa sya silĩva mĩongo nyanya, na ngulamu maana elĩ sya mai ma mavũĩ methoow'a silĩva ĩtano.
26
Mũthenya ũmwe, yĩla mũsumbĩ wa Ĩsilaeli wesĩlĩte ũkũtanĩ wa ndũa ĩsu ĩũlũ, mũndũ mũka ũmwe nĩwaneenie na wasya mũnene asya, “Ame mũnene wakwa mũsumbĩ, ndethye!”
27
Mũsumbĩ nĩwamũsũngĩie amwĩa atĩĩ, “Ethĩwa Mwĩai Ngai ndeũkũtethya, nyie nĩkumĩsya ũtethyo va? Nyie ndonya ũkũnenga ũtethyo mwaũ? Nĩwumya kĩvũĩonĩ kana nĩwumya vala vavivĩawa nzavivũ?”
28
Mũsumbĩ nĩwakũlilye mũndũ mũka ũsu atĩĩ, “Thĩna waku nĩ mwaũ?” Mũndũ mũka ũsu nĩwamũsũngĩie amwĩa, “Mũndũ mũka ũũ anambĩie, ‘Ete mwana waku tũye ũmũnthĩ, na ũnĩ tũiya ũla wakwa.’
29
Kwoou nĩtũnauie mwana wakwa twamũya. Mũthenya ũla ũnaatĩĩe nĩnĩnamwĩie, ‘Ete mwana waku nĩ kana tũmũye.’ Ĩndĩ mũndũ mũka ũũ nũnavithie mwana wake.”
30
Yĩla mũsumbĩ weewie ũndũ mũndũ mũka ũsu wamwĩie, nĩwatembũangie ngũa syake asaanĩw'e. Andũ nĩmasyaisye mũsumbĩ esĩlĩte ũkũtanĩ ĩũlũ, na moona kana ekĩĩte ngũa ngaamu sya makunia nthĩnĩ wa ngũa ila weekĩte.
31
Mũsumbĩ nĩwaneenie na wasya mũnene asya, “Ngai nĩambũae ethĩwa Elisa mwana wa Savati ndetilwa mũtwe mũthenya ũũ ũte mũthelu!”
32
Kwoou mũsumbĩ nĩwatũmie mũndũ akaete Elisa. Ũu ũendee, Elisa ekalĩte mũsyĩ kwake e na atumĩa ala mamũthokee. Mũndũ ũla watũmĩtwe nĩ mũsumbĩ alatye Elisa atanamba kũvika, Elisa nĩweeie atumĩa asu atĩĩ, “Mũaani ũsu nũtũmĩte mũndũ oke kũmbũaa! Avika vaa, vingai mũomo na mũiketĩkĩle alike nyũmba, o na mũsumbĩ mwene e ĩtina wake okĩte amũatĩĩe.”
33
O aendee kũneena na atumĩa asu, mũsumbĩ nĩwavikie vala Elisa waĩ na asya atĩĩ, “Mwĩai Ngai nĩwe ũtũetee thĩna ũũ! Ndonya kũendeea kũmwĩkwatya ata?”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25