bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
2 Kings 17
2 Kings 17
Kamba (MBIVILIA ŨVOO MŨSEO)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
1
Mwakanĩ wa ĩkũmi na ĩlĩ wa kũsumbĩka kwa Aasu mũsumbĩ wa Yuta, Osea mwana wa Ela nĩwatw'ĩkie mũsumbĩ wa Ĩsilaeli. Asumbĩkie myaka kenda e Samalia.
2
Nĩwavĩtĩisye Mwĩai Ngai, ĩndĩ ti ũndũ asumbĩ ala masumbĩkĩte mbee wake meekaa.
3
Salimaneseli mũsumbĩ wa nthĩ ya Asuli nĩwookie kũvithũkĩa Osea. Osea nĩweethĩiwe e ungu wa Salimaneseli na nĩwamumĩasya koti.
4
Ĩndĩ ĩvinda yĩmwe, Osea nĩwatũmanie kũla kwĩ Soo mũsumbĩ wa Misili amũkũlĩtye amũtetheesye. Osea nĩwaekie kumĩsya Salimaneseli koti, o tondũ weekaa kĩla mwaka. Yĩla Salimaneseli wamanyie ũu, nĩwakwatie Osea na amũvingĩa yela.
5
Nĩvo ĩndĩ Salimaneseli mũsumbĩ wa Asuli wavithũkĩie nthĩ yonthe ya Ĩsilaeli, na athi Samalia amĩlingĩla vandũ va myaka ĩtatũ.
6
Mwakanĩ wa kenda wa kũsumbĩka kwa Osea, mũsumbĩ wa Asuli nĩwakwatie ndũa ya Samalia, na akwata andũ onthe ma Ĩsilaeli amatwaa Asuli me ove. Nĩwaiie amwe moo ndũanĩ ya Aalaa, na aia angĩ kĩsionĩ kĩtawa Ngosani vakuvĩ na Ũsĩ wa Avoli, na atwaa angĩ ndũanĩ sya Metia.
7
Maũndũ asu onthe meekĩkie nũndũ andũ ma Ĩsilaeli nĩmavĩtĩisye Mwĩai Ngai, Ngai woo, ũla wamaumisye nthĩ ya Misili, kuma ũtonyinĩ wa Valao mũsumbĩ wa Misili. Nĩmathaithaa ngai ingĩ na
8
nĩmeekaa maũndũ ala mbaĩ ila Mwĩai Ngai walũngilye maendee kũlika nthĩ ya Kanaani syeekaa, na nĩmaatĩĩaa syĩthĩo ila syaĩ inambĩlĩĩlw'a nĩ asumbĩ ma Ĩsilaeli.
9
Andũ ma Ĩsilaeli nĩmavĩtĩisye Mwĩai Ngai kwa kwĩka mevithĩte maũndũ ala matamwendeeasya. Nĩmeeyakĩie kũndũ kwa kũthaithĩa ndũanĩ syoo syonthe; ndũanĩ ila nini na ila nene mbiĩĩe.
10
Nĩmenzĩlile itũĩ sya ũthaithi, na ituĩ sya ngai nga ya mũvw'anano yĩtawa Asela ĩũlũ wa kĩla kalĩma katũlu, na ungu wa kĩla mũtĩ wĩ matũ maingĩ.
11
Nĩmavĩvĩisye ũvani kũndũnĩ kũu kwa kũthaithĩa, o tondũ mbaĩ ila Mwĩai Ngai walũngilye syauma nthĩ ya Kanaani maendee kũlika vo syeekaa. Nĩmeekie maũndũ mathũku ala matumie Mwĩai Ngai athata.
12
Nĩmathaithaa ngai sya mĩvw'anano, o na kau Mwĩai Ngai nĩwaneenete namo akamea, “Mũyaĩlĩte kwĩka ũu.”
13
Mwĩai Ngai nĩwatũmĩte athani na andũ ala methĩawa na mawoni ma ma maũndũ makakany'e andũ ma Ĩsilaeli na ma Yuta na kũmea atĩĩ, “Ekai kwĩka maũndũ mathũku. Atĩĩai mĩao na motw'ĩo makwa kwĩanana na mĩao yonthe ĩla neeaĩe aaũmae menyu, na maũndũ ala natũmie athũkũmi makwa athani mamũtavye.”
14
Ĩndĩ andũ ma Ĩsilaeli mayaaĩthĩwa me ewi; nĩmoomisye ngoo ta aaũmae moo, ala maleile kũthaitha Mwĩai Ngai, Ngai woo.
15
Nĩmaleile kũatĩĩa motw'ĩo ma Mwĩai Ngai; mayaaĩanĩsya ũtianĩo ũla waseũvisye na aaũmae moo, na mavũthya ũkany'o wake. Nĩmathaithaa ngai sya mana sya mĩvw'anano, namo matw'ĩka andũ ma mana. Nĩmeekaa maũndũ ala andũ ma mbaĩ ila syatwĩe vakuvĩ namo meekaa. Mwĩai Ngai nĩwameaĩĩte kana mayaĩlĩte kwĩka maũndũ ala meekawa nĩ mbaĩ isu.
16
Nĩmaleile kũatĩĩa mĩao yonthe ya Mwĩai Ngai, Ngai woo, na meeseũvĩsya ngai ilĩ sya mũvw'anano sya kyũma kĩtwekethye iilyĩ tũsalũ, na kĩtuĩ kya ngai nga yĩtawa Asela. Nĩmathaithaa ndata sya matunĩ, na ngai ĩla yĩtawa Mbaali.
17
Nĩmathembeie ngai ingĩ ana moo na eĩtu moo methĩwe nthembo ya kũvĩvw'a. O ta ũu nĩmaendaa kũaũsya na kwĩka maũndũ ma mowe, na kwĩnengane kwĩka maũndũ ala matamwendeesya Mwĩai Ngai, na kwoou matuma athata.
18
Kwoou Mwĩai Ngai nĩwathatiw'e mũno nĩ andũ ma Ĩsilaeli na amavetanga mbee wake. No mbaĩ ya Yuta yatialile.
19
Andũ ma mbaĩ ya Yuta o na mo mayaatĩĩa mĩao ya Mwĩai Ngai, Ngai woo; meekie maũndũ ala andũ ma Ĩsilaeli meekaa.
20
Mwĩai Ngai nĩwaleile andũ ma Ĩsilaeli onthe, amakany'a na amanengane ũtonyinĩ wa amaitha moo nginya amavetanga mbee wake.
21
Mwĩai Ngai amina kũaany'a Ĩsilaeli na Yuta, andũ ma Ĩsilaeli nĩmatw'ĩkĩthisye Yelovoamu mwana wa Nevati mũsumbĩ woo. Yelovoamu nĩwatumie maeka kwĩw'a Mwĩai Ngai, na atuma malika naĩnĩ nthũku.
22
Andũ ma Ĩsilaeli nĩmaendeeie kwĩka naĩ syonthe ila Yelovoamu weekaa; mayaaeka kwĩka naĩ isu,
23
nginya Mwĩai Ngai amavetanga kuma mbee wake, o tondũ wamatavĩtye kwĩsĩla kũla kwĩ athũkũmi make onthe athani. Kwoou andũ ma Ĩsilaeli nĩmaumiw'e nthĩ yoo matwawa Asuli me ove. Kũvika o na ũmũnthĩ matũaa kũu.
24
Mũsumbĩ wa Asuli nĩwaumisye andũ Mbavilonĩ, Kutha, Ava, Amathi na Sevalivaimu, na amatwaa makatũe ndũanĩ sya Samalia vandũ va andũ ma Ĩsilaeli. Andũ ma nthĩ isu nĩmoosie Samalia mamĩmesya na matũa ndũanĩ syayo.
25
Mamina kũtũa kũu ya mbee mayathaithaa Mwĩai Ngai, na kwoou nĩwamaeteie mĩnyambũ yooaa amwe moo.
26
Mũsumbĩ wa Asuli nĩwataviw'e kana andũ asu matũie ndũanĩ sya Samalia mayeesĩ mĩao ya ngai ya nthĩ ĩsu, na kwoou ngai ĩsu nĩyatũmĩte mĩnyambũ ĩkambĩĩa kũmoaa.
27
Nĩvo ĩndĩ mũsumbĩ wa Asuli weeaie asya atĩĩ, “Tũmai ũmwe wa athembi ala mwaumisye Samalia asyoke akatũe kw'o, na aimanyĩsya andũ mĩao ya ngai ya nthĩ ĩsu.”
28
Kwoou ũmwe wa athembi ala matavĩtwe kuma Samalia nĩwookie na atũa Mbethi-eli, na amanyĩsya andũ ũndũ maĩlĩte kũthaitha Mwĩai Ngai.
29
Ũu wĩ o vo, andũ ma kĩla mbaĩ nĩmeeseũvĩisye ngai syoo, na masia nyũmbanĩ sya kũndũ kwoo kũla mathaithĩaa iĩmanĩ ĩũlũ, kũla andũ ma Samalia maseũvĩtye. Kĩla mbaĩ yaseũvisye ngai ya ndũa ĩla yatũĩte.
30
Andũ ma Mbavilonĩ maseũvisye ngai yĩtawa Sukothi-mbenothi, andũ ma Kutha maseũvya ngai yĩtawa Nelikali, andũ ma Amathi maseũvya ngai yĩtawa Asima,
31
Aavi maseũvya ngai syĩtawa Niviasi na Talitaki; Asevalivaimu nĩmathembaa syana syoo syĩthĩwe nthembo sya kũvĩvw'a, kũla kwĩ ngai syoo syĩtawa Atalameleki na Anameleki, ngai sya Sevalivaimu.
32
O ta ũu andũ asu nĩmathaithaa Mwĩai Ngai, na manyuva kuma andũnĩ moo andũ ma mĩthemba yonthe, mathũkũme ta athembi kũndũnĩ kwoo kwa kũthaithĩa, na kumya nthembo kwondũ woo ithembeonĩ isu.
33
Andũ asu nĩmathaithaa Mwĩai Ngai, ĩndĩ nĩmathaithaa ngai syoo ene kwĩanana na maũndũ ala meekawa nĩ mbaĩ sya nthĩ ila maumĩte.
34
Kũvika o na ũmũnthĩ andũ asu mekaa o maũndũ ala meekaa. Maithaithaa Mwĩai Ngai, na mayĩatĩĩaa mĩao, motw'ĩo, na myamũlo, kana mwĩao ũla Mwĩai Ngai weeaĩie nzyawa sya Yakovo, ũla weetie Ĩsilaeli.
35
Yĩla Mwĩai Ngai waseũvisye ũtianĩo na andũ ma Ĩsilaeli, nĩwameaĩie amea atĩĩ, “Mũikaathaithe ngai ingĩ kana kũikumanĩa, kana kũithũkũma, kana kũithembea.
36
Ĩndĩ nyie Mwĩai Ngai, ũla namumisye nthĩ ya Misili na ũtonyi mũnene na vinya, ninyie mwaĩlĩte kũthaitha. Ninyie mwaĩlĩte kũkumanĩa na kũthembea.
37
O ta ũu kĩla ĩvinda mwaĩlĩte kwĩanĩasya motw'ĩo na myamũlo na mĩao ĩla namũandĩkĩie; mũikaathaithe ngai ingĩ,
38
na mũikaaũlwe nĩ ũtianĩo ũla natianĩie nenyu.
39
Thaithaai Mwĩai Ngai, Ngai wenyu na akamũtangĩĩa kuma ũtonyinĩ wa amaitha menyu.”
40
Ĩndĩ andũ asu mayaaĩthukĩĩsya; nĩmaendeeie kwĩka maũndũ moo ala meekaa tene.
41
Kwoou andũ asu mathaithaa Mwĩai Ngai, na o ta ũu maithaitha ngai syoo sya mĩvw'anano. Kũvika o na ũmũnthĩ nzyawa syoo iendeeaa kwĩka ũndũ aaũmae moo meekaa.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25