bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
2 Kings 7
2 Kings 7
Kamba (MBIVILIA ŨVOO MŨSEO)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
1
Elisa nĩwamũsũngĩie amwĩa atĩĩ, “Ĩthukĩĩsye ũndũ Mwĩai Ngai ũkwasya: Ũnĩ ĩvinda ta yĩĩ, mũvĩanĩ wa ndũa ya Samalia, ũkeethĩa kĩlo itatũ sya nganũ ĩla nzeo vyũ, kana kĩlo thanthatũ sya nganũ ĩla yĩtawa mbaale, syĩthoow'a mbesa ĩmwe ya silĩva.”
2
Mũsikalĩ ũla waĩkĩĩawa mũno nĩ mũsumbĩ nĩwaneenie akũlya Elisa atĩĩ, “O na ethĩwa Mwĩai Ngai akaete ngetha ya mbaa mbeke kuma ĩtunĩ, ũndũ ũsu ũkatonyeka?” Elisa nĩwamũsũngĩie amwĩa, “We ũkawona na metho maku, ĩndĩ ndũkaya o na ũmwe wa lĩu ũsu.”
3
Vaĩ andũ ana maĩ na ũwau wa mangũ ala mekalaa mũvĩanĩ wa ndũa ya Samalia. Nĩmaneenie ene kwa ene masya atĩĩ, “Twĩĩkala vaa nginya tũkw'e nĩkĩ?
4
Vai vata tũlike ndũanĩ, nũndũ ve nzaa na nĩtũũkw'ĩĩa vo. Twaendeea kwĩkala vaa no tũũkw'a. Kwoou nĩtũthi vala Asilia mambĩte maeema twĩnengane vala maĩ. Malea kũtũaa, nĩtũkũendeea kwĩkala thayũ, ĩndĩ matũaa, no ũu.”
5
Kwoou, yĩla kwambĩlĩĩlye kũtuka, andũ asu nĩmaendie vala Asilia mambĩte maeema. Ĩndĩ yĩla mavikie vo, meethĩie vate mũndũ.
6
Mwĩai Ngai aĩ anatuma Asilia mew'a wasya ũilyĩ ta wa nguthu nene ya asikalĩ ma kaũ me na mbalasi na makasya ma kaũ. Kwoou Asilia nĩmasũanĩie kana mũsumbĩ wa Ĩsilaeli aĩ anaĩva mũsumbĩ wa Aititi na mũsumbĩ wa Misili nĩ kana moke kũmavithũkĩa.
7
Kwoou wĩoo ũsu Asilia nĩmasembie makĩa maikoawe, matia maeema moo, mbalasi na mang'oi; matiie syĩndũ syoo o ũndũ syailyĩ.
8
Yĩla ala andũ ana mawaĩte mangũ mavikie maeemanĩ ala maĩ ndee, nĩmalikile ĩeemanĩ yĩmwe. Nĩmaĩe na manyw'a kĩla kyaĩ vo, moosa silĩva, thaavu na ngũa, makua mathi na maivitha. Nĩmasyokie malika ĩeemanĩ yĩngĩ moosa syĩndũ, na o ta ũu mathi maivitha.
9
Nĩvo ĩndĩ maneenie ene kwa ene masya atĩĩ, “Ũũ tũkwĩka ti ũseo. Ũmũnthĩ nĩ mũthenya wĩ na ũvoo mũseo, na tũyaĩlĩte kũvindya. Tweeteela nginya kĩoko, tũilea kũĩvĩthw'a ũndũ ũsu. Tũthi oyu tũtekweteela tũtavany'e kwa mũsumbĩ.”
10
Kwoou nĩmaendie na meeta asikalĩ ala masungaa mũvĩa wa ndũa ya Samalia na mamea atĩĩ, “Nĩtũendie vala Asilia mambĩte maeema, ĩndĩ tũinethĩa mũndũ kana kwĩw'a wasya wa mũndũ vo. Kĩla twĩthĩie no mbalasi mbove, mang'oi move, na maeema moo mailyĩ o ũndũ mamatiie mailyĩ.”
11
Asikalĩ asu ma kũsunga mũvĩa nĩmatavanisye ũvoo ũsu, naw'o watavanw'a nyũmba kwa mũsumbĩ.
12
Ĩvindanĩ yĩu kwaĩ o ũtukũ, ĩndĩ mũsumbĩ nĩwaumie ũkomonĩ wake na eea anini make atĩĩ, “Nĩngũmũtavya ũndũ Asilia mavangĩte. Nĩmesĩ kana twĩ na nzaa. Kwoou nĩmaumĩte vala mambĩte maeema makathi kwĩvitha ithekanĩ. Mesũanĩa kana nĩtũkuma vaa ndũanĩ tũthi kũmantha lĩu, na ĩndĩ maitũkwata twĩ thayũ na mailika ndũanĩ.”
13
Ũmwe katĩ wa anini ma mũsumbĩ nĩwaneenie asya atĩĩ, “Eka tũtũme andũ amwe me na mbalasi itano katĩ wa ila itialĩte ndũanĩ. Andũ asu meĩthĩwa me o mũisyonĩ wa kũkw'a, o ta andũ ala angĩ onthe ma Ĩsilaeli ala meũtiwa vaa. Kwoou eka tũmatũme makasisye ũndũ kwĩkĩkie.”
14
Nĩmanyuvie andũ amwe, na mũsumbĩ amatũma me makasyanĩ elĩ ma kaũ. Nĩwameaĩie mathi makasisye ũndũ asikalĩ ma kaũ ma Silia meekĩte.
15
Andũ asu nĩmaatĩĩie Asilia nginya Ũsĩnĩ wa Yolotani. Nzĩanĩ ĩsu yonthe nĩmeethĩie ngũa ivalũkangĩte nthĩ, na syĩndũ ingĩ ila Asilia mekĩtye mekalaatĩte mũno makĩĩte. Kwoou andũ asu matũmĩtwe nĩmasyokie, na matavya mũsumbĩ ũndũ meethĩie.
16
Nĩvo ĩndĩ andũ ma Samalia maendie vala Asilia mambĩte maeema na moosa mũtavo. Kwoou o tondũ Mwĩai Ngai waĩtye, kĩlo itatũ sya nganũ ĩla nzeo vyũ, kana kĩlo thanthatũ sya nganũ ĩla yĩtawa mbaale, syathooaw'a mbesa ĩmwe ya silĩva.
17
Mũsumbĩ wa Ĩsilaeli aĩ ananenga ũla mũsikalĩ wamũĩkĩĩe mũno wĩa wa kũsunga mũvĩa wa ndũa. Mũsikalĩ ũsu nĩwakinyangĩiwe nĩ andũ vau mũvĩanĩ na akw'a, kwĩanana na ũndũ Elisa waĩtye vau mbeenĩ yĩla mũsumbĩ waendie kwake.
18
Elisa aĩ aneea mũsumbĩ kana ĩvindanĩ ta yĩu mũthenyanĩ ũla waatĩĩe, kĩlo itatũ sya nganũ ĩla nzeo vyũ, kana kĩlo thanthatũ sya nganũ ĩla yĩtawa mbaale, ikeethĩwa iithoow'a mbesa ĩmwe ya silĩva.
19
Mũsikalĩ ũsu aĩ anasũngĩa Elisa akamwĩa atĩĩ, “O na ethĩwa Mwĩai Ngai akaete ngetha ya mbaa mbeke kuma ĩtunĩ, ũndũ ũsu ũkatonyeka?” Nake Elisa amũsũngĩĩte akamwĩa, “We ũkawona na metho maku, ĩndĩ ndũkaya o na ũmwe wa lĩu ũsu.”
20
Ũu nĩw'o weekĩkie; akinyangĩiwe nĩ andũ vau mũvĩanĩ wa ndũa akw'a.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25