bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Judges 10
Judges 10
Kamba (MBIVILIA ŨVOO MŨSEO)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
1
Ĩtina wa kĩkw'ũ kya Avimeleki, Tola mwana wa Vua, mwĩsũkũũe wa Ndoto nĩwookie kũtangĩĩa andũ ma Ĩsilaeli. Tola aĩ mũndũ wa mbaĩ ya Isakali na atwĩe Samili ndũa ĩla yĩ nthĩ yĩ ĩima ya Evalaimu.
2
Aĩ mũsili wa andũ ma Ĩsilaeli vandũ va myaka mĩongo ĩlĩ na ĩtatũ. Ĩtina wa ũu, Tola nĩwakwie na athikwa ndũanĩ ya Samili.
3
Ĩtina wa Tola, Yaili kuma ndũanĩ ya Ngileati nĩwatw'ĩkie mũsili wa andũ ma Ĩsilaeli vandũ va myaka mĩongo ĩlĩ na ĩlĩ.
4
Aĩ na ana mĩongo ĩtatũ ala makuawa nĩ mang'oi mĩongo ĩtatũ. Maĩ na ndũa mĩongo ĩtatũ kũu nthĩ ya Ngileati. Ndũa isu o nayu syĩtawa motũi ma Yaili.
5
Yaili nĩwakwie na athikwa ndũanĩ ya Kamoni.
6
Andũ ma Ĩsilaeli nĩmamũvĩtĩisye Mwĩai Ngai ĩngĩ kwa kũthaitha ngai sya Mbaali na Asetalothi. O ta ũu nĩmathaithie ngai sya andũ ma Silia, Sitoni, Moavi, Amimoni na Vilisitia. Nĩmamũleile Mwĩai Ngai na maeka kũmũthaitha.
7
Kwa kĩtumi kĩu, Mwĩai Ngai nĩwathatiw'e nĩ andũ ma Ĩsilaeli mũno; na aeka masindwe nĩ Avilisiti na Aamimoni,
8
ala mamavinyĩĩie na mamathĩny'a mũno mwakanĩ ũsu. Kwa ĩvinda ya myaka ĩkũmi na nyanya, nĩmathĩnisye andũ onthe ma Ĩsilaeli ala matwĩe nthĩ ya Aamoli ĩla yĩ ngalĩko ya wumĩlonĩ wa syũa ya Ũsĩ wa Yolotani kĩsionĩ kya nthĩ ya Ngileati.
9
Aamimoni nĩmaingie Ũsĩ wa Yolotani mathi kũkita andũ ma mbaĩ sya Yuta, Mbengyameni na Evalaimu, na kwoou andũ ma Ĩsilaeli maĩ thĩnanĩ mũnene.
10
Nĩvo ĩndĩ andũ ma Ĩsilaeli mamwĩkaĩlile Mwĩai Ngai mayasya atĩĩ, “Nĩtũkũvĩtĩsye nũndũ nĩtwakũtiie we Ngai waitũ, na twathaitha ngai ya Mbaali.”
11
Mwĩai Ngai nĩwamakũlilye atĩĩ, “Yĩla andũ ma Misili, Aamoli, Aamimoni, Avilisiti,
12
Asitoni, Aamaleki na Amaoni mamũthĩnasya nenyu mwambĩkaĩla, nĩmũkũlya, nũndũ nyie ndaamũtangĩĩa kuma vala maĩ?
13
Ĩndĩ ũu wĩ o vo, nĩmwandiie na mwambĩĩa kũthaitha ngai ingĩ; yu ndimũtangĩĩa ĩngĩ.
14
Endai mũkekaĩle ngai ila mũnyuvĩte. Ngai isu imũtangĩĩae mwalika mathĩnanĩ.”
15
Ĩndĩ andũ ma Ĩsilaeli meea Mwĩai Ngai atĩĩ, “Nĩtũvĩtĩtye. Twĩke ũndũ ũkwona ũtwaĩlĩte, ĩndĩ twĩkwĩsũva ũtũtangĩĩe oyu.”
16
Nĩvo ĩndĩ maekanie na ngai ngeni ila maĩ nasyo na mambĩĩa kũthũkũma Mwĩai Ngai. Mwĩai Ngai ndaĩ atonya kũendeea kwona thĩna wa andũ ma Ĩsilaeli.
17
Asikalĩ ma Aamimoni nĩmeeyũmbanisye kũthi kaũnĩ na mathi kwambĩla maeema moo Ngileati. Namo andũ ma Ĩsilaeli moombana na mambĩla maeema moo Misiva ndũanĩ yĩ Ngileati.
18
Me vau, andũ ma Ĩsilaeli vamwe na atongoi ma mbaĩ syoo nĩmakũlanilye ene kwa ene atĩĩ, “Nũũ ũla wĩtongosya kwambĩĩa kaũ na Aamimoni? Ũla wĩtongosya nĩwe ũkethĩwa e mũtongoi wa andũ onthe ala matwĩe Ngileati.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21