bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Judges 6
Judges 6
Kamba (MBIVILIA ŨVOO MŨSEO)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
1
Andũ ma Ĩsilaeli nĩmavĩtĩisye Mwĩai Ngai ĩngĩ, nake Mwĩai Ngai amanengane ũtonyinĩ wa andũ ma nthĩ ya Mitiani vandũ va myaka mũonza.
2
Andũ ma Mitiani maĩ na vinya mũno, na kwoou andũ ma Ĩsilaeli nĩmaendie kũmevithĩla ngunganĩ na kũndũ kũngĩ kũla maĩ matonya kwĩvitha iĩmanĩ.
3
Kĩla ĩvinda andũ ma Ĩsilaeli mavanda syĩndũ mĩũndanĩ, andũ ma Mitiani, Aamaleki na ala matwĩe ngalĩko ya wumĩlonĩ wa syũa nĩmamavithũkĩaa.
4
Nĩmambaa maeema moo nthĩ ya andũ ma Ĩsilaeli na mayananga syĩndũ syonthe ila mbande kũtheea kũthi kũvika Ngasa. Nĩmoosaa malondu onthe, ng'ombe na mang'oi onthe; mayatialĩlasya andũ ma Ĩsilaeli kĩndũ o na kĩmwe kya kwĩtethya.
5
Amaitha asu mookaa maingĩvĩte ta ngie, maingĩte indo syoo na makakua maeema. Andũ asu na ngamĩle syoo mayaĩ matalĩka. Nĩmavithũkĩaa andũ ma Ĩsilaeli na mayananga syĩndũ syoo.
6
Andũ ma Ĩsilaeli nĩmathĩniw'e mũno nĩ andũ ma Mitiani nginya mesa kũmwĩkaĩla Mwĩai Ngai amatetheesye.
7
Yĩla andũ ma Ĩsilaeli mamwĩkaĩlile Mwĩai Ngai, nũndũ wa kũthĩnw'a nĩ andũ ma Mitiani,
8
Mwĩai Ngai nĩwamatũmĩie mwathani. Mwathani ũsu nĩweeie andũ ma Ĩsilaeli atĩĩ, “Ũũ nĩw'o Mwĩai Ngai, Ngai wa Ĩsilaeli ũkwasya: ‘Nyie nĩnamumisye nthĩ ya Misili, kũla mwekalaa mwĩ ngombo.
9
Nĩnamũvonokisye kuma ũtonyinĩ wa andũ ma Misili, na kuma andũnĩ ala mokitaa nenyu mwĩ nthĩ ĩno. Nĩnamalũngilye o mũendee kũlika, na namũnenga nthĩ yoo.
10
Nĩnamũtavisye kana ninyie Mwĩai Ngai, Ngai wenyu na kana mũyaĩlĩte kũthaitha ngai sya Aamoli, ene ma nthĩ ĩla yu inyw'ĩ mũtwĩe; ĩndĩ inyw'ĩ mwalea kũmbĩthukĩĩsya.’ ”
11
Mũlaĩka wa Mwĩai Ngai nĩwookie ũtũinĩ wa Ovala na ekala ungu wa mũtĩ wa mwalonĩ wa mũndũ weetawa Yoasi kuma mbaĩnĩ ya Avieseli. Ngitioni mwana wa Yoasi avũaa nganũ evithĩte vala nzavivũ syavivĩawa nĩ kana andũ ma Mitiani maikamwone.
12
Mũlaĩka wa Mwĩai Ngai nĩwamumĩlĩĩle Ngitioni e vau na amwĩa atĩĩ, “Mwĩai Ngai e vamwe naku, we mũndũ ngũmbaũ na wĩ ũtonyi!”
13
Nake Ngitioni amwĩa atĩĩ, “Mũnene, kwaeka ngũkũlye, ethĩwa Mwĩai Ngai e vamwe naitũ, maũndũ aa onthe matũkwatĩte nĩkĩ? Na maĩva ala mawĩa make onthe ma kũseng'ya ala aaũmae maitũ matũtavasya ĩũlũ wamo mayasya, ‘Mwĩai Ngai nĩwatumisye nthĩ ya Misili?’ Ĩndĩ yu Mwĩai Ngai nũtũekete na akatuma twĩthĩwa ungu wa andũ ma Mitiani.”
14
Nĩvo ĩndĩ Mwĩai Ngai weeaĩie Ngitioni amwĩa atĩĩ, “Enda na vinya waku w'onthe ũkatangĩĩe andũ ma Ĩsilaeli kuma andũnĩ ma Mitiani. Nyie mwene ninyie ngũũtũma.”
15
Ngitioni nĩwasũngĩie asya, “Mwĩai Ngai, nyie ndonya ata kũtangĩĩa andũ ma Ĩsilaeli? Andũ ma mũsyĩ wakwa nĩmo onzu vyũ katĩ wa andũ ma mbaĩ ya Manase na ĩngĩ ninyie mũnini andũnĩ ma mũsyĩ wa nau!”
16
Mwĩai Ngai nĩwamũsũngĩie amwĩa atĩĩ, “Nĩngwĩthĩwa vamwe naku na ũkamina andũ ma Mitiani onthe me vamwe.”
17
Nake Ngitioni eea Mwĩai Ngai atĩĩ, “Ethĩwa yu nyie nĩnonete ũseo mbee waku, mbony'e kyama nĩ kana nĩmanye kana nue ũũneena nakwa.
18
Ndũkaume vaa nginya nĩsyoke na ngĩete nthembo nĩmyumĩsye mbee waku.” Mwĩai Ngai amwĩa, “Nĩngweteela nginya ũthi na ũisyoka.”
19
Ngitioni nĩwaendie nyũmba kwake na aua katena ka mbũi. Nĩwauie mĩkate ĩte mbota na mũtu wa kĩlo ĩkũmi. Nĩweekĩie nyama isu kĩkavũnĩ naw'o ũ suvu awĩkĩa mbisũnĩ na aitwaa vala ve mũlaĩka wa Mwĩai, ũla wailyĩ ungu wa mũtĩ wa mwalonĩ, na amũnenga.
20
Mũlaĩka wa Mwĩai Ngai nĩweeaĩie Ngitioni amwĩa atĩĩ, “Ilĩĩla nyama isu na mĩkate ĩsu ĩuĩtwe ĩte mbota ĩvianĩ yĩĩ na ũisyĩtĩkĩsya suvu.” Ngitioni nĩweekie ũu.
21
Nĩvo ĩndĩ mũlaĩka wa Mwĩai Ngai watinie nyama isu, vamwe na mĩkate ĩsu yauĩtwe ĩte mbota na mũthya wa ndata ĩla wakwete na kw'oko kwake. Mwaki nĩwaumie ĩvianĩ yĩu na wavĩvya nyama isu na mĩkate ĩsu yauĩtwe ĩte mbota. Ĩtina wa ũu, mũlaĩka wa Mwĩai Ngai nĩwaaie Ngitioni aeka kũmwona.
22
Ngitioni nĩwamanyie kana ũsu eĩ mũlaĩka wa Mwĩai Ngai na aseng'ete asya atĩĩ, “Mwĩai Ngai Mũsumbĩ! Nĩnoona mũlaĩka waku metho kwa metho!”
23
Ĩndĩ Mwĩai Ngai eea Ngitioni atĩĩ, “Ĩthĩwa na mũuo. Ndũkakĩe. Ndwĩkw'a.”
24
Ngitioni nĩwaakĩie Mwĩai Ngai kĩthembeo vau na akĩta, “Mwĩai Ngai nĩ mũuo.” Kĩthembeo kĩu o na ũmũnthĩ kĩ Ovala ndũanĩ ya andũ ma Avieseli.
25
Ũtukũ ũsu, Mwĩai Ngai nĩwaneenie na Ngitioni amwĩa atĩĩ, “Osa kasalũ kamwe ka ĩthe waku, kasalũ kala ka kelĩ na kena ũkũũ wa myaka mũonza. Ananga kĩthembeo kya ĩthe waku kĩla wakĩe Mbaali na ũitemanga mũvw'anano wa ngai yĩtawa Asela ũla wĩ ũtee wa kĩthembeo kĩu.
26
Mbakĩe nyie Mwĩai Ngai, Ngai waku kĩthembeo kĩseo ĩũlũ wa kĩvumbu kĩĩ. Ũitũmĩa ngũ kuma kĩtuĩnĩ kya Asela kĩla watemanga, mbumĩsye kala kasalũ ka kelĩ kethĩwe nthembo ya kũvĩvw'a.”
27
Ngitioni nĩweetie athũkũmi make ĩkũmi na eeka ũndũ Mwĩai Ngai wamwĩĩte. Nũndũ nĩwakĩaa mũno andũ ma mũsyĩ wake na andũ ma ndũa ĩsu, eekie ũndũ ũsu ũtukũ vandũ va kũwĩka mũthenya.
28
Yĩla andũ ma ndũa ĩsu maamũkie ũnĩ ũsu kwakya tene, nĩmeethĩie kĩla kĩthembeo kya Mbaali kĩ kyanange na kĩla kĩtuĩ kya mũvw'anano wa ngai ya Aseli kyaĩ ũtee wa kĩthembeo kĩ kĩtemange. O ta ũu nĩmeethĩie kala kasalũ ka kelĩ kathembeiwe kĩthembeonĩ kyaĩ kyakiwe mĩtũkĩ!
29
Nĩmakũlanilye ene kwa ene, “Nũũ ũla wĩkie ũndũ ũũ?” Ĩtina wa kũatĩĩa mũno nĩ kana mamanye ũla wĩkie ũu, nĩmataviw'e meewa, “Ngitioni mwana wa Yoasi nĩwe wĩkie ũu.”
30
Andũ ma ndũa ĩsu nĩmaneenie na Yoasi mamwĩa atĩĩ, “Umaalya mwana waku vaa. No nginya tũmũae nũndũ nĩwanangie kĩthembeo kya Mbaali na atemanga kĩtuĩ kya mũvw'anano wa Asela kĩla kĩĩ ũtee wakyo.”
31
Ĩndĩ Yoasi nĩwaneenie na andũ ala mamwĩlingĩlĩte me na woo amakũlya atĩĩ, “Inyw'ĩ nĩmũũngamĩte kũtetea ngai ya Mbaali? Mwĩenda kũmũkitĩa? Mũndũ o na wĩva ũla ũkũmũtetea nũkũawa kĩoko kya ũnĩ kĩte kĩviku. Ethĩwa Mbaali nĩ ngai, ekai we mwene etetee; kĩthembeo kyake nĩkyo kyanangiwe.”
32
Kuma ĩvinda yĩu nĩmeetie Ngitioni Yelumbaali, nũndũ Yoasi aisye “Ekai Mbaali etetee, nũndũ kĩthembeo kyake nĩkyo kyanangiwe.”
33
Andũ onthe ma Mitiani, Aamaleki na andũ ma mbaĩ ila syatũaa weũnĩ nĩmoombanie vamwe, mainga Ũsĩ wa Yolotani na mamba maeema moo mwandanĩ wa Yesileeli.
34
Veva wa Mwĩai Ngai nĩwookie ĩũlũ wa Ngitioni na wamũtongoesya, nake avuva soo ete andũ ma mũsyĩ wa Avieseli nĩ kana mamũatĩĩe.
35
Nĩwatũmie andũ mathi kĩsionĩ kyonthe kya andũ ma mbaĩ ya Manase ngalĩko syelĩ moke mamũatĩĩe. O ta ũu nĩwatũmie andũ angĩ mathi andũnĩ ma mbaĩ ya Aseli, ya Nzevuluni na ya Navutalĩ; o namo asu nĩmookie na meethĩwa na ngwatanĩo nake.
36
Nĩvo ĩndĩ Ngitioni waneenie na Ngai amwĩa atĩĩ, “Ethĩwa ũkatangĩĩa andũ ma Ĩsilaeli kwĩsĩla vala nĩĩ o tondũ ũneenete,
37
yu nĩngwia w'ĩa ũũ wa ĩlondu vaa kĩvũĩonĩ kya nganũ; ethĩwa ũnĩ kwakya w'ĩa ũũ ũkeethĩwa na ĩmwe, na vala wilĩĩlwe vayĩthĩwa ve vanyiau, nĩvo nĩmanya kana we nũũtangĩĩa andũ ma Ĩsilaeli kwĩsĩla vala nĩĩ o tondũ ũneenete.”
38
Ũu nĩw'o weekĩkie. Ngitioni nĩwaamũkie ũnĩ ũsu kwakya tene na aviva ĩmwe yĩla yaĩ ũla w'ĩanĩ wa ĩlondu vauma kĩw'ũ kĩtonya kusũsya mbakũli.
39
Ngitioni nĩweeie Mwĩai Ngai atĩĩ, “Ndũkathate nũndũ wakwa; eka ngũkũlye ũndũ ũngĩ o ũmwe. Nĩũkũlya ndũmĩe w'ĩa ũũ kwĩka ũndũ ũngĩ o ũmwe. Nĩũkũlya w'ĩa ũũ wĩthĩwe wĩ mũnyiau na ũtee waw'o vayĩthĩwa ĩmwe.”
40
Ũtukũ ũsu Ngai nĩweekie ũu; w'ĩa ũsu w'oka now'o waĩ mũnyiau, na vo vala wailĩĩlwe vausũĩte ĩmwe.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21