bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Judges 19
Judges 19
Kamba (MBIVILIA ŨVOO MŨSEO)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 20 →
1
Ĩvindanĩ yĩu, yĩla andũ ma Ĩsilaeli mataĩ na mũsumbĩ, vaĩ Mũlivai watũaa vaasa ngalĩkonĩ ĩla ĩngĩ ya nthĩ yĩ iĩma ya Evalaimu. Nĩwatwaie mũndũ mũka kuma ndũanĩ ya Mbetheleemu ĩla yĩ Yuta atw'ĩke kĩveti kyake kya ndũsyo.
2
Ĩndĩ mũndũ mũka ũsu nĩweethĩiwe ate mũĩkĩĩku kwake, na asyoka Mbetheleemu mũsyĩ kwa ĩthe wake, na ekala vo vandũ va ĩvinda ya myei ĩna.
3
Mũlivai ũsu nĩwamũatĩĩie akamwĩsũve asyoke. Nĩwaendie e na mũthũkũmi wake, na mang'oi elĩ. Mũndũ mũka ũsu nĩwamũtwaie nyũmba kwa ĩthe wake, na yĩla ĩthe wamwonie nĩwamũthokisye na ũtanu.
4
Mũthoni ũsu wake nĩwamwĩie nĩekale kũu mũsyĩ kwake, na kwoou ekala kw'o mĩthenya ĩtatũ. Nĩmaĩsaa, makanyw'a na kũkoma vau.
5
Mũthenyanĩ wa kana nĩmaamũkie kwakya tene nĩ kana meyũmbany'e mathi. Ĩndĩ ĩthe wa mũndũ mũka ũsu nĩweeie mũthoni wake atĩĩ, “Amba kũya kĩndũ ũkwate vinya, na ĩndĩ nũtonya kũthi.”
6
Kwoou aũme asu elĩ nĩmekalile nthĩ maya na manyw'a me vamwe. Nĩvo ĩndĩ ĩthe wa mũndũ mũka ũsu weeie mũthoni wake atĩĩ, “Mwa komela kũũ na ũyĩtanĩthya.”
7
Mũlivai ũsu nĩwookĩlile athi, ĩndĩ mũthoni wake amwĩsũva ekale kũu. Kwoou nĩwakomie kũu ĩngĩ.
8
Mũthenyanĩ wa katano kwakya, yĩla wookĩlile athi, ĩthe wa mũndũ mũka ũsu nĩwamwĩie atĩĩ, “Mwa amba kũya kĩndũ, na ĩndĩ ũyeteela syũa yambe kweeka.” Kwoou me elĩ nĩmekalile nthĩ na maya me vamwe.
9
Yĩla Mũlivai ũsu, kĩveti kyake kya ndũsyo, na mũthũkũmi wake mambĩĩie ĩngĩ kũthi, mũthoni wake nĩwamwĩie atĩĩ, “Yu kwa sisya kũkilĩlye kũtuka. Komela kũũ; nĩkũũya kĩvindu oyu mĩtũkĩ. Ĩkala kũũ na ũyĩtanĩthya, na ũnĩ nũtonya kũkĩla kwakya tene na ũyambĩĩa kyalo kya kwĩnũka.”
10
Ĩndĩ Mũlivai ũsu ndendaa kũkomela kũu ĩngĩ. Nĩwookĩlile na ambĩĩa kyalo elekele ndũa ya Yevusi, ĩla nĩ ndũa ya Yelũsalemu. Aendie na mang'oi make elĩ me malany'e matandĩko na kĩveti kyake kya ndũsyo.
11
Kũkilĩlye kũtuka nĩmavikie vakuvĩ na mũsyĩ ũsu, na ũla mũthũkũmi wa Mũlivai eea mũnene wake atĩĩ, “Ũka twathũkĩle ndũanĩ ĩno ya Ayevusi tũkomele vo.”
12
Nake mũnene wake amwĩa atĩĩ, “Tũiathũka tũlike ndũanĩ ya aeni, ala mate andũ ma Ĩsilaeli, ĩndĩ nĩtũũvĩtũka tũthi tũkakomele ndũanĩ ya Ngivea.”
13
Nĩwaendeeie kũneena na mũthũkũmi wake amwĩa atĩĩ, “Ũka tũtate kũthi tũvike ndũanĩ ya Ngivea kana ya Lama na tũikomela ĩmwe katĩ wa ndũa isu.”
14
Kwoou nĩmaendeeie na kyalo kyoo. Syũa yĩithũa nĩmavikie Ngivea kĩsionĩ kya nthĩ kya mbaĩ ya Mbengyameni.
15
Nĩmaathũkie na mathi makakomele vo. Nĩmalikile ndũanĩ ĩsu na mekala nthĩ vandũ ndũanĩ ĩsu katĩ, ĩndĩ vai mũndũ o na ũmwe waaĩtĩkĩla kũmatwaa mũsyĩ kwake makakomele vo.
16
Me vau, mũndũ ũmwe mũkũũ nĩwookie aumĩte mũũndanĩ wake ĩa mawĩoo. Mũtumĩa ũsu asyaĩwe nthĩ yĩ iĩma ya Evalaimu, ĩndĩ ĩvindanĩ yĩu atwĩe ndũanĩ ya Ngivea. Andũ ala angĩ matwĩe vau maĩ ma kuma mbaĩnĩ ya Mbengyameni.
17
Mũtumĩa ũsu nĩwoonie Mũlivai ũsu waĩ kyalonĩ na amũkũlya atĩĩ, “Wumĩte va, na ũendete va?”
18
Nake Mũlivai ũsu amũsũngĩa, “Tumĩte ndũanĩ ya Mbetheleemu ĩla yĩ Yuta, na tũendete nthĩ yĩ kũasa yĩ iĩma ya Evalaimu. Vai mũndũ o na ũmwe ũkwenda kũtũtwaa mũsyĩ kwake tũkomele vo,
19
o na kau twĩ na lĩu na nyeki kwondũ wa mang'oi maitũ. O ta ũu twĩ na mĩkate na ndivai kwondũ wakwa na mũthũkũmi wakwa wa mũndũ mũka, na mũthũkũmi ũyũ wakwa.” Twĩ na syĩndũ syonthe ila tũtonya kwenda.
20
Mũtumĩa ũsu nĩwamwĩie atĩĩ, “Mwĩathokye mũsyĩ kwakwa! Nĩngũmũsũvĩa; mũyaĩlĩte kũkomela vaa ndũanĩ katĩ.”
21
Kwoou mũtumĩa ũsu nĩwamatwaie mũsyĩ kwake, na anenga mang'oi moo lĩu. Aeni asu make nĩmathambie maũũ na maya lĩu.
22
Yĩla maendee na kũtana, aũme amwe avuku kuma ndũanĩ ĩsu nĩmeelingĩlile nyũmba ĩsu maĩ. Nĩmambĩĩie kũkũna mũomo na kũneena na mũtumĩa ũsu mwene wa nyũmba na wasya mũnene maimwĩa atĩĩ, “Umaalya ũla mũndũ wũkie mũsyĩ kwaku, nĩ kana tũmanyane kĩ-mwĩĩ nake!”
23
Ĩndĩ mũtumĩa ũsu nĩwaumaalile amea atĩĩ, “Aiee, anyanyawa! Mwa! Mũikeke ũndũ ũũ ũthũkĩte ũu, na mũvuku! Mũndũ ũũ nĩ mũeni wakwa.
24
Nĩna mwĩĩtu wakwa ũtaamanyana kĩ-mwĩĩ na mũndũ-ũme, na ve kĩveti kyake kya ndũsyo. Nĩngũmaumaalya oyu, na kũmũnenga mo. Ĩkanai namo ũndũ mũkwenda, ĩndĩ mũikeke Mũlivai ũũ ũndũ ũthũkĩte ũu!”
25
Ĩndĩ aũme asu mayaaĩthukĩĩsya mũtumĩa ũsu. Kwoou Mũlivai ũsu nĩwoosie kĩveti kyake kya ndũsyo na akyumaalya nza kũla kwĩ aũme asu. Nĩmamanyanie nakyo kĩ-mwĩĩ na vinya na makĩthĩny'a ũtukũ w'onthe nginya kĩoko. Kũkilĩlye kũkya nĩmakĩekie kyathi.
26
Kũyambĩĩa kũkya mũndũ mũka ũsu nĩwasyokie nyũmba vala mũnene wake waĩ, na avalũka nthĩ vakuvĩ na mũomo wa nyũmba ĩsu. Nĩwekalile avalũkĩte vau nginya kwakya vyũ.
27
Yĩla mũnene wake waamũkie kwakya na avingũa mũomo, na aumaala aendee na kyalo kyake, nĩweethĩie kĩveti kĩu kyake kya ndũsyo kĩvalũkĩte vau mũomonĩ moko makyo matambũũkĩte makakwata mũomo.
28
Mũlivai ũsu nĩweeie kĩveti kĩu atĩĩ, “Ũkĩla tũthi.” Ĩndĩ kĩyaasũngĩa. Nĩvo ĩndĩ Mũlivai ũsu wamwosie, na amũtũlya ĩng'oinĩ yake na ambĩĩa kyalo kya kwĩnũka.
29
Yĩla wavikie mũsyĩ, nĩwalikile nyũmba na oosa kavyũ. Nĩwoosie kĩveti kĩu kyake kya ndũsyo na akĩtilanga ilungu ĩkũmi na ilĩ, na atũma kĩlungu kĩmwe kũla kwĩ kĩla mbaĩ ya andũ ma Ĩsilaeli.
30
Andũ onthe ala moonie ũu nĩmaisye, “Tũyaaĩw'a ũndũ wa mũthemba ũũ! Vai ũndũ wa mũthemba ũũ waaĩkĩka kuma yĩla andũ ma Ĩsilaeli maumie nthĩ ya Misili. Tũsũanĩei, tũoany'e na tũyumya ũtw'ĩo!”
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21