bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Judges 21
Judges 21
Kamba (MBIVILIA ŨVOO MŨSEO)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
1
Yĩla andũ ma Ĩsilaeli moombanĩie Misiva, nĩmeevĩtĩte kũla kwĩ Mwĩai Ngai makasya atĩĩ, “Vai ũmwe waitũ ũkanengane mwĩĩtu wake atwawe nĩ mũndũ wa mbaĩ ya Mbengyameni.”
2
Andũ ma Ĩsilaeli nĩmaendie Mbethi-eli vala mekalile me mbee wa Ngai nginya ĩa mawĩoo. Me vau nĩmaĩaa na wasya mũnene me na kyeva kingĩ.
3
Maĩaa mayasya atĩĩ, “Ame Mwĩai Ngai, Ngai wa Ĩsilaeli, ũndũ ũũ ũkwatie andũ ma Ĩsilaeli nĩkĩ? Nĩkĩ mbaĩ ĩmwe ya Ĩsilaeli ĩkilĩlye kũthela yae vyũ?”
4
Ũnĩ ũsu kwakya tene andũ ma Ĩsilaeli nĩmaakie kĩthembeo vau, na mathemba nthembo sya ngwatanĩo na sya kũvĩvw'a syĩ nima.
5
Nĩmakũlilye atĩĩ, “Katĩ wa mbaĩ syonthe sya Ĩsilaeli, nĩ yĩva ĩla ĩtaaũka wũmbanonĩ wa Mwĩai Ngai?” Nũndũ nĩmeevĩtĩte kana ũla wĩlea kũmbana na andũ ala angĩ mbee wa Mwĩai Ngai Misiva aĩlĩte kũawa.
6
Andũ ma Ĩsilaeli nĩmakwatiwe nĩ kĩmako nũndũ wa ana-a-ĩthe moo andũ ma mbaĩ ya Mbengyameni na masya, “Ũmũnthĩ andũ ma Ĩsilaeli nĩmaasya andũ ma mbaĩ ĩmwe yoo.
7
Twĩĩka ata nĩ kana tũnenge aũme ala ma mbaĩ ĩsu matialĩte iveti, nĩkwĩthĩwa nĩtweevĩtie kũla kwĩ Mwĩai Ngai twasya kana tũikanenga o na ũmwe woo eĩtu maitũ atw'ĩke kĩveti?”
8
Nĩvo ĩndĩ andũ ma Ĩsilaeli makũlilye atĩĩ, “Nĩ mbaĩ yĩva katĩ wa mbaĩ sya Ĩsilaeli yaleile kũmbanĩa Misiva mbee wa Mwĩai Ngai vamwe na andũ ala angĩ ma Ĩsilaeli?” Nĩmeethĩie kana vai mũndũ kuma ndũanĩ ya Yavesi-ngileati waĩ vo.
9
Yĩla andũ ma Ĩsilaeli matalĩlwe Misiva, vayaĩ mũndũ o na ũmwe kuma Yavesi-ngileati.
10
Kwoou andũ ma Ĩsilaeli nĩmatũmie asikalĩ ala aseo ngili ĩkũmi na ilĩ na mamea atĩĩ, “Endai mũkoae andũ ma ndũa ya Yavesi-ngileati, vamwe na iveti na syana.
11
O ta ũu endai mũkoae aũme onthe na aka onthe ala mamanyanĩte kĩ-mwĩĩ na mũndũ-ũme.”
12
Nĩmeethĩie eĩtu maana ana mataamanyana kĩ-mwĩĩ na mũndũ-ũme, na kwoou nĩmamaetie maeemanĩ ndũanĩ ya Silo ĩla yĩ nthĩ ya Kanaani.
13
Nĩvo ĩndĩ andũ onthe ma Ĩsilaeli matũmanie kũla kwĩ andũ ma mbaĩ ya Mbengyameni ala matwĩe ĩvianĩ ya Limoni na mamatha kana nĩmekwĩkalany'a namo na mũuo.
14
Andũ asu ma mbaĩ ya Mbengyameni nĩmasyokie kuma Limoni, na andũ ala angĩ ma Ĩsilaeli mamanenga eĩtu kuma Yavesi-ngileati ala mataaũawa. Ĩndĩ eĩtu asu mayameanĩe.
15
Andũ ma Ĩsilaeli nĩmakwatiwe nĩ kĩmako kwondũ wa andũ ma mbaĩ ya Mbengyameni, nĩkwĩthĩwa Mwĩai Ngai nĩwatumĩte ĩmwe katĩ wa mbaĩ sya Ĩsilaeli ĩthela.
16
Atongoi ma andũ ma Ĩsilaeli nĩmaisye atĩĩ, “Aka onthe ma andũ ma mbaĩ ya Mbengyameni nĩmoaiwe, twĩumya iveti va kwondũ wa aũme ala matialĩte?”
17
Nĩmaisye atĩĩ, “Andũ ma Ĩsilaeli mayaĩlĩte kwasya ĩmwe ya mbaĩ syoo syĩ ĩkũmi na ilĩ. No nginya tũmanthe nzĩa nĩ kana mbaĩ ya Mbengyameni ĩendee kwĩthĩwa vo.
18
Tũitonya kũmanenga eĩtu maitũ matw'ĩke iveti syoo, nĩkwĩthĩwa ithyĩ andũ ma Ĩsilaeli nĩtweevĩtie twasya, ‘Nĩmũumanĩe mũndũ o na wĩva ũla wĩnengane mwĩĩtu wake atwawe nĩ mũndũ wa mbaĩ ya Mbengyameni.’ ”
19
Nĩvo ĩndĩ masũanĩie masya atĩĩ, “Mboka ĩla yĩthĩawa kĩla mwaka ya Mwĩai Ngai yĩ vakuvĩ na ĩkeethĩwa ndũanĩ ya Silo.” Silo yĩ ngalĩko ya ĩũlũ ya Mbethi-eli, na yĩ ngalĩko ya ĩtheo ya Levona, na o ta ũu yĩ ngalĩko ya wumĩlonĩ wa syũa ya nzĩa ĩla yĩsĩlĩte katĩ wa Mbethi-eli na Sekemu.
20
Kwoou nĩmeeie andũ ma mbaĩ ya Mbengyameni atĩĩ, “Endai mũkevithe mĩũndanĩ ya mĩsavivũ
21
na mũisyaĩĩsya. Eĩtu ma Silo mooka kũsũnga ĩvindanĩ ya mboka, umĩlai kuma mĩũndanĩ ya mĩsavivũ. Kĩla ũmwe wenyu nĩeyosee kĩveti eĩtunĩ asu, na aisyokany'a nakyo mathi kĩsionĩ kya mbaĩ ya Mbengyameni.
22
Yĩla aaĩthe na ana-a-inyia moo menyungunyĩsya kũla tũĩ tũkamea atĩĩ, ‘Twĩmwĩsũva mwĩw'ĩe andũ ma mbaĩ ya Mbengyameni tei na mũieka mose eĩtu asu, nĩkwĩthĩwa tũineekwata iveti imeanĩe yĩla tũnaĩ kaũnĩ Yavesi-ngileati; nũndũ ti inyw'ĩ mwamanenga eĩtu asu menyu, mũisilĩlwa.’ ”
23
Kwoou andũ ma mbaĩ ya Mbengyameni nĩmeekie ũu. Yĩla eĩtu asu maendee kũsũnga, kĩla mũndũ-ũme nĩwakwatie mwĩĩtu ũmwe na amũkua akatw'ĩke mũka wake. Nĩvo ĩndĩ masyokie kĩsionĩ kyoo kya ng'ũndũ na maaka ĩngĩ ndũa ila syaĩ vau na matũa vo.
24
Andũ ala angĩ ma Ĩsilaeli nĩmaumie vau na menũka mbaĩnĩ na mĩsyĩnĩ yoo, kĩla ũmwe kĩsionĩ kyake kya ng'ũndũ.
25
Ĩvindanĩ yĩu andũ ma Ĩsilaeli mayaĩ na mũsumbĩ; kĩla mũndũ eekaa ũndũ ũkwenda.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
All chapters:
1
2
3
4
5
6
7
8
9
10
11
12
13
14
15
16
17
18
19
20
21