bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Judges 15
Judges 15
Kamba (MBIVILIA ŨVOO MŨSEO)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
1
Ĩtina wa kavinda kanini Samusoni nĩwaendie kũsisya mũka wake ĩvindanĩ ya ngetha ya nganũ na amũtwaĩa katena ka mbũi. Nĩweeie mũthoni wake atĩĩ, “Nĩenda kũlika nyũmba kwa mũka wakwa.” Ĩndĩ mũthoni wake ndaamwĩtĩkĩlya kũlika.
2
Nĩweeie Samusoni atĩĩ, “Nĩneesĩ nũnamenie mũka waku vyũ, kwoou nĩnĩnamũnenganie kwa mũnyanyau. Ĩndĩ mũinae wake nĩwe mũmbe nesa kwĩwe. Nũtonya kũmwosa akatw'ĩka mũka waku.”
3
Samusoni nĩwamwĩie atĩĩ, “Ĩvindanĩ yĩĩ nĩĩthĩwa ndatalĩlwa ĩvĩtyo nũndũ wa maũndũ mathũku ala ngwĩka Avilisiti.”
4
Kwoou nĩwaendie akwata mbĩwa maana atatũ, na oovany'a isithe sya mbĩwa isu, ilĩ kwa ilĩ. Nĩweekĩie isinga makundonĩ vala isithe isu syoovanĩtw'e.
5
Nĩwakwatisye isinga isu mwaki na ailekya syĩsĩle mĩũndanĩ ya Avilisiti ya nganũ. Kwa nzĩa ĩsu nĩwavĩvisye nganũ ĩla yaĩ ĩnakethwa, vamwe na ĩla ĩtaĩ ĩnakethwa. O ta ũu nĩwavĩvisye mĩtĩ ya mĩthata ĩla yaĩ mĩũndanĩ.
6
Yĩla Avilisiti makũlilye ũla wĩkie ũu nũũ, nĩmamanyie kana Samusoni nĩwe wĩkĩte ũndũ ũsu, nũndũ mũthoni wake, ũla waumĩte ndũanĩ ya Timina, nĩwanenganĩte mũka wa Samusoni kwa mũnyanyae wa Samusoni. Kwoou Avilisiti nĩmaendie na mavĩvya mũndũ mũka ũsu, vamwe na andũ ma mũsyĩ wa ĩthe wake makw'a onthe.
7
Samusoni nĩweeie Avilisiti atĩĩ, “Nĩkwĩthĩwa nĩmweeka ũu, ndiekana nenyu nginya nĩtie neeyĩĩvanĩsya kũla mũĩ!”
8
Nĩwokitie Avilisiti mũno na ooaa aingĩ moo. Nĩvo ĩndĩ watheeie athi kwĩkala ngunganĩ ya ĩvia yĩla yĩ ndũanĩ ya Etamu.
9
Avilisiti nĩmambatie na mamba maeema kĩsionĩ kya mbaĩ ya Yuta. Nĩmanyaĩĩkĩie vandũ vetawa Lei.
10
Aũme ma Yuta nĩmamakũlilye atĩĩ, “Mwooka kũtũkita nĩkĩ?” Namo masũngĩa, “Tũkie nĩ kana tũkwate Samusoni tũmwove na tũimwĩka ũndũ ũnatwĩkie.”
11
Kwoou aũme ngili itatũ kuma Yuta nĩmatheeie mathi ngunganĩ ya ĩvia yĩla yĩ Etamu na makũlya Samusoni atĩĩ, “We nowĩsĩ kana Avilisiti nĩmo matũsumbĩkĩte? Nĩ ũndũ mwaũ ũũ ũtwĩkĩte?” Samusoni amasũngĩa amea atĩĩ, “Nĩneekie Avilisiti o ũndũ manambĩkie.”
12
Aũme asu nĩmamwĩie atĩĩ, “Twooka vaa nĩ kana tũkwove, na tũikũnengane kwa Avilisiti.” Nake amea, “Ĩvĩtei kũla nĩĩ kana inyw'ĩ ene mũimbũaa.”
13
Namo mamũsũngĩa mamwĩa, “Nĩtweetĩkĩla, tũikũaa. Ĩndĩ nĩtũũkwova ũlũme na tũikũnengane kwa Avilisiti.” Kwoou aũme asu nĩmoovie Samusoni na makanda elĩ meũ na mamumaalya kuma ngunganĩ.
14
Yĩla Samusoni wavikie Lei, Avilisiti nĩmookie masembete kũla ũĩ mauĩtye ngemi. Nĩvo Veva wa Mwĩai Ngai wookie ĩũlũ wake na amwĩkĩa vinya. Nĩwatusangie makanda asu mamwovete moko ta ndii syavĩvw'a na mwaki.
15
Nĩwoonie ũkambu wa ĩng'oi yakw'ĩte mĩtũkĩ, na akumana awosa. Nĩwooaie andũ ngili na ũkambu ũsu.
16
Samusoni nĩwainie wathi ũũ: “Nĩnatũmĩa ũkambu wa ĩng'oi, nooaa andũ ngili ĩmwe, nĩnatũmĩa ũkambu wa ĩng'oi noomba mbumbu na mbumbu.”
17
Amina kwina wathi ũsu, nĩwekisye ũkambu ũsu wa ĩng'oi. Vandũ vau nĩveetiwe Lamathi-lei.
18
Samusoni nĩweewie waũni, na kwoou amwĩkaĩla Mwĩai Ngai ayasya atĩĩ, “Nũnengie ũsindi ũũ mũnene; yu ndiũkw'a nĩ waũni na ngĩkwatwa nĩ Avilisiti aa mate aĩke?”
19
Nĩvo ĩndĩ Ngai wavingũie ĩima vandũ kũu Lei, na kĩw'ũ kyauma vo. Samusoni nĩwanywie kĩw'ũ kĩu alaũka na akwata vinya. Kĩthima kĩu nĩkyeetiwe Eni-akole, kĩla kĩ o kũu Lei kũvika o na ũmũnthĩ.
20
Samusoni nĩwatongoeisye andũ ma Ĩsilaeli ĩvinda ya myaka mĩongo ĩlĩ. Ĩvindanĩ yĩu Avilisiti nĩmo masumbĩkĩte nthĩ ĩsu.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21