bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Judges 12
Judges 12
Kamba (MBIVILIA ŨVOO MŨSEO)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 13 →
1
Andũ ma mbaĩ ya Evalaimu nĩmeeyũmbanisye kũthi kaũnĩ. Nĩmaingie Ũsĩ wa Yolotani mathi ndũanĩ ya Nzavoni na meea Yevitha atĩĩ, “Ũnakĩlanĩlasya mũvaka ũthi ũkokite na Aamimoni na walea kũtwĩta tũendany'e naku nĩkĩ? Yu twĩvĩvya nyũmba yaku na tũikũvĩvanĩsya nayo”
2
Yevitha nĩwamasũngĩie amea atĩĩ, “Nyie na andũ makwa tũnaĩ na kĩthokoo kĩnene twĩ na Aamimoni, na o na vala nĩnĩnamwĩtie, mũineeũka kũndangĩĩa kuma kũla maĩ.
3
Yĩla nĩnoonie kana mũikwenda kũndetheesya, nyie nĩnĩneeyumisye o na ethĩwa nĩngũkw'a na nainganĩsya ngokite Aamimoni. Ĩndĩ nake Mwĩai Ngai nũnanengie ũtonyi wa kũmasinda. Yu mwooka ũmũnthĩ kũmbũkita nĩkĩ?”
4
Nĩvo ĩndĩ Yevitha woombanisye andũ ma Ngileati vamwe na mokita andũ ma mbaĩ ya Evalaimu mamasinda. Mamokitaa nũndũ andũ ma mbaĩ ya Evalaimu maĩ mananeena makasya atĩĩ, “Inyw'ĩ andũ ma mbaĩ ya Ngileati mwakĩie kuma andũnĩ ma mbaĩ ya Evalaimu na mwaumie mbaĩnĩ ya Evalaimu mwathi kwĩkwatany'a na andũ ma mbaĩ ya Manase.”
5
Andũ ma Ngileati nĩmavingie kũndũ kw'onthe kũla Ũsĩ wa Yolotani waĩ ũtonya kũingĩlwa nĩ kana masiĩĩe andũ ma mbaĩ ya Evalaimu maikakĩe. Ũũ nĩw'o andũ ma Ngileati makũlasya mũndũ o na wĩva wa mbaĩ ya Evalaimu ũla ũkwenda kũnengwa mwanya akĩe: “We wĩ mũndũ wa mbaĩ ya Evalaimu?” Mũndũ ũsu asũngĩa asya, “Aiee,”
6
nĩmamwĩaa nĩasye, “Syĩvolethi,” ĩndĩ nake ayasya, “Sivolethi,” nũndũ ndatonya kũtamũka ndeto ĩsu nesa. Nĩvo ĩndĩ mamwosaa, na maimũaĩa vau vakuvĩ na vandũ vamwe katĩ wa kũla andũ maingĩlaa Ũsĩ wa Yolotani. Ĩvindanĩ yĩu andũ ngili mĩongo ĩna na ilĩ kuma mbaĩnĩ ya Evalaimu nĩmooaiwe.
7
Yevitha aĩ mũsili wa andũ ma Ĩsilaeli vandũ va myaka thanthatũ. Nĩvo ĩndĩ wakwie na athikwa ndũanĩ ya Ngileati vala mũsyĩ wake waĩ.
8
Ĩtina wa Yevitha, Ĩvisani kuma ndũanĩ ya Mbetheleemu nĩwe watw'ĩkie mũsili wa andũ ma Ĩsilaeli.
9
Ĩvisani aĩ na ana mĩongo ĩtatũ na eĩtu mĩongo ĩtatũ. Anenganie eĩtu make makatwawe nĩ andũ mate ma mbaĩ yake, na aetee ana asu make mĩongo ĩtatũ aka kuma nza wa mbaĩ yake mamatwae. Ĩvisani aĩ mũsili wa andũ ma Ĩsilaeli vandũ va myaka mũonza.
10
Nĩwakwie na athikwa ndũanĩ ya Mbetheleemu.
11
Ĩtina wa Ĩvisani, Eloni kuma mbaĩnĩ ya Nzevuluni nĩwatw'ĩkie mũsili wa andũ ma Ĩsilaeli vandũ va myaka ĩkũmi.
12
Nĩwakwie na athikwa ndũanĩ ya Aiyaloni ĩla yĩ kĩsionĩ kya nthĩ ya Nzevuluni.
13
Ĩtina wa Eloni, Avitoni mwana wa Ĩleli kuma ndũanĩ ya Vilathoni nĩwatw'ĩkie mũsili wa andũ ma Ĩsilaeli.
14
Aĩ na ana mĩongo ĩna na esukũũe ma anake mĩongo ĩtatũ ala makuawa nĩ mang'oi mĩongo mũonza. Atw'ĩkie mũsili wa andũ ma Ĩsilaeli vandũ myaka nyanya.
15
Nĩvo ĩndĩ Avitoni mwana wa Ĩleli wakwie na athikwa ndũanĩ ya Vilathoni ĩla yĩ kĩsionĩ kya nthĩ ya Evalaimu nthĩ yĩ iĩma ya Aamaleki.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21