bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Judges 9
Judges 9
Kamba (MBIVILIA ŨVOO MŨSEO)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
1
Avimeleki mwana wa Ngitioni nĩwaendie ndũanĩ ya Sekemu vala andũ ma mũsyĩ wa inyia wake matwĩe na amea,
2
“Kũlyai andũ ma Sekemu atĩĩ, ‘Nĩ ũndũ wĩva ũla wĩ kavaa: Kwĩthĩwa mũsumbĩkĩtwe nĩ ana mĩongo mũonza ma Ngitioni kana nĩ kũsumbĩkwa nĩ mwana ũmwe?’ Lilikanai kana nyie nenyu nĩtũileny'e ũndũ kĩ-nthakame.”
3
Andũ ma mũsyĩ wa inyia wa Avimeleki nĩmaneenie na andũ ma Sekemu ĩũlũ wa maũndũ asu waneenie. Andũ ma ndũa ya Sekemu nĩmanyuvie kũatĩĩa Avimeleki nũndũ aĩ mũndũ wa mũsyĩ woo.
4
Nĩmamũnengie ilungu mĩongo mũonza sya silĩva kuma ĩkalũnĩ ya ngai ya Mbaali-mbelithi. Avimeleki atũmĩie mbesa isu kũĩva andũ athũku moke kũmũtetheesya.
5
Nĩwaendie mũsyĩ kwa ĩthe wake ndũanĩ ya Ovala, na e vau ĩũlũ wa ĩvia yĩmwe nĩwooaie ana-a-ĩthe make onthe mĩongo mũonza ala maĩ ana ma Ngitioni. Yothamu mwana ũla mũnini wa Ngitioni nĩweevithie na kwoou ndaaũawa.
6
Nĩvo ĩndĩ andũ onthe ma ndũa ya Sekemu na ya Mbethi-milo moombanie na mamũtw'ĩkĩthĩsya Avimeleki mũsumbĩ mũtĩnĩ mũtheu wa mwalonĩ ũla waĩ vakuvĩ na kĩtuĩ kyaĩ Sekemu.
7
Yĩla Yothamu weewie ũvoo ũsu, nĩwaendie kũũngama Kĩĩmanĩ kya Ngelisimu ĩũlũ na aneena na wasya mũnene asya atĩĩ, “Mbĩthukĩĩsyei, inyw'ĩ andũ ala mũtũaa ndũanĩ ya Sekemu, nĩ kana nake Ngai amwĩthukĩĩsye!
8
Ĩvinda yĩmwe, mĩtĩ yonthe nĩyoombanie vamwe nĩ kana ĩnyuve mũsumbĩ wayo. Nĩyeeie mũtĩ wa mũthata, ‘Tw'ĩka mũsumbĩ waitũ.’
9
Mũtĩ wa mũthata nĩwasũngĩie wasya, ‘Nĩ kana nyie nĩmũsumbĩke, no nginya nĩeke kumya mauta makwa, ala matũmĩawa kũnenga ngai na andũ ndaĩa.’
10
Nĩvo ĩndĩ mĩtĩ yeeie mũtĩ wa mũkũyũ atĩĩ, ‘Ũka ũtw'ĩke mũsumbĩ waitũ.’
11
Ĩndĩ naw'o mũkũyũ wasũngĩa wasya atĩĩ, ‘Nĩ kana nĩtw'ĩke mũsumbĩ wenyu, no nginya nĩeke kũsyaa matunda makwa ala maseo me mũyo mũno.’
12
Kwoou ĩndĩ mĩtĩ yeea mũtĩ wa mũsavivũ, ‘Ũka we ũtw'ĩke mũsumbĩ waitũ.’
13
Ĩndĩ naw'o mũsavivũ wasya, ‘Nĩ kana nĩtw'ĩke mũsumbĩ wenyu, no nginya nakwa nĩeke kũsyaa nzavivũ ila ndivai yasyo ĩtumaa ngai na andũ methĩwa na ũtanu.’
14
Nĩvo ĩndĩ mĩtĩ yeeie mũtĩ wa mũtae ũla wĩ mĩw'a, ‘Ũka ũtw'ĩke mũsumbĩ waitũ.’
15
Mũtae nĩwasũngĩie wasya atĩĩ, ‘Ethĩwa nĩmũkwenda kũndw'ĩkĩthya mũsumbĩ, ũkai mwĩvithe syũa ungu wa muunyĩ wakwa. Mwalea kwĩka ũu, mwaki nũũvĩvya mbonge ii syakwa syĩ mĩw'a na kũvĩvya mĩtĩ ya mĩkũũ ya Levanoni.’ ”
16
Yothamu nĩwaendeeie kũneena amakũlya atĩĩ, “Inyw'ĩ kwa w'o mwĩsũanĩa mwĩĩ na kĩeleelo kĩseo na ndaĩa mũimũnyuva Avimeleki atw'ĩke mũsumbĩ? Inyw'ĩ nĩmũkũlilikana na kũnenga Ngitioni ndaĩa na kũmeka andũ ma mũsyĩ wake nesa ũndũ waĩlĩte kwĩkwa kwĩanana na meko make?
17
Lilikanai kana ĩthe wakwa nĩwamũkitĩie, na alikya thayũ wake mũisyonĩ nĩ kana amũtangĩĩe kuma andũnĩ ma Mitiani.
18
Ĩndĩ ũmũnthĩ nĩmwalea kwĩka mũsyĩ wa ĩthe wakwa nesa; mwooaĩa ana make mĩongo mũonza ĩvianĩ yĩmwe, na nũndũ Avimeleki mwana wake ũla wasyaĩwe nĩ mũndũ mũka mũthũkũmi nĩ wa mũsyĩ wenyu, nĩmwamũtw'ĩkĩthya mũsumbĩ wa Sekemu.
19
Ethĩwa ĩndĩ inyw'ĩ ũmũnthĩ mweeka Ngitioni na andũ ma mũsyĩ wake maũndũ ma ũĩkĩĩku na ma ndaĩa, tanai nũndũ wa Avimeleki, nake o ta ũu nĩatane nũndũ wenyu.
20
Ĩndĩ ethĩwa ũu ti w'o, mwaki wume vala ve Avimeleki na ũimũvĩvya vyũ inyw'ĩ andũ ala mũtwĩe ndũanĩ ya Sekemu na ya Mbethi-milo. O ta ũu, mwaki nĩwume andũnĩ ala mũtwĩe ndũanĩ ya Sekemu na ya Mbethi-milo na ũivĩvya Avimeleki vyũ!”
21
Yothamu amina kũneena nĩwasembie athi Mbeeli na atũa kw'o, nũndũ nĩwakĩaa mwana-a-ĩthe Avimeleki.
22
Avimeleki asumbĩkie andũ ma Ĩsilaeli vandũ va myaka ĩtatũ.
23
Ĩtina wa ũu, Ngai nĩwatũmie veva mũthũku wamũlika Avimeleki na andũ ma ndũa ya Sekemu. Veva ũsu nĩwatumie andũ ma Sekemu mambĩĩa kũleana na ũsumbĩ wake.
24
Ngai eekie ũu nĩ kana Avimeleki na andũ ma Sekemu ala mamũtetheeisye oae ana mĩongo mũonza ma Ngitioni maĩvĩe ũthũku woo.
25
Nũndũ wa kũmũmena Avimeleki, andũ ma Sekemu nĩmatwaie andũ makekalae iĩmanĩ ĩũlũ nĩ kana movasye na kũyĩa mũndũ o na wĩva ũla wesĩla vau. Avimeleki nĩwataviw'e ũndũ ũsu.
26
Yĩla Ngaali mwana wa Eveti waendie e na ana-a-ĩthe make ndũanĩ ya Sekemu, andũ ma ndũa ĩsu nĩmamwĩkwatĩtye mũno.
27
Onthe nĩmaendie mĩũndanĩ yoo ya mĩsavivũ, matw'a nzavivũ, maiviva maseũvya ndivai na meethĩwa na mboka. Nĩmaendie ĩkalũnĩ ya ngai yoo, maya, manyw'a, na mamũneenea Avimeleki ndeto sya kĩvũthya me vau.
28
Ngaali mwana wa Eveti nĩwaneenie asya atĩĩ, “Ithyĩ andũ ma Sekemu twĩ andũ ma mũthemba mwaũ? Twĩmũthũkũma Avimeleki nĩkĩ? We Avimeleki nĩwe ũũ? Nũndũ ũũ tyo mwana wa Ngitioni na mũnini wake nĩ Nzevuli ala mamũthũkũmaa Amola ĩthe wa Sekemu? Nĩ kyaũ ĩndĩ kĩtuma tũthũkũma Avimeleki?
29
Kethwa tyo inyie nĩtongoesye andũ aa! Nĩthĩwa nĩminĩte Avimeleki! Nĩthĩwa nĩmwĩie, ‘Ongeleela asikalĩ maku ma kaũ na ũyumaala tũkite.’ ”
30
Nzevuli mũtongoi wa ndũa ĩsu nĩweewie woo mũno yĩla weewie ũndũ Ngaali mwana wa Eveti waisye.
31
Nĩwatũmie andũ mathi Aluma kũla kwĩ Avimeleki ayasya atĩĩ, “Ngaali mwana wa Eveti na ana-a-ĩthe make nĩmokie kũũ Sekemu na meenda ũkũingĩanĩsya na andũ onthe ma ndũa ĩno.
32
Yu ĩndĩ, we wĩ na andũ maku no nginya mũthi na ũtukũ na mũyĩvitha ithekanĩ.
33
Kwakya tene, syũa yauma oou, amũka na ũivithũkĩa ndũa ĩsu, na ĩndĩ Ngaali na andũ make mooka kũkita nenyu makũnei na vinya ũndũ mũtonya!”
34
Kwoou Avimeleki na andũ make nĩmaendie ũtukũ meevitha vakuvĩ na Sekemu meyĩaanĩtye ikundi inya.
35
Yĩla Avimeleki na andũ make moonie Ngaali mwana wa Eveti aumaala na athi kũũngamĩla mũvĩanĩ wa ndũa, nĩmaumie vala meevithĩte.
36
Ngaali amona nĩweeie Nzevuli atĩĩ, “Kwa sisya, ve andũ matheete maumĩte iĩmanĩ ĩũlũ!” Nake Nzevuli amũsũngĩa amwĩa, “Aya o na ti andũ, wĩona syuu syumĩte kĩĩmanĩ iilyĩ ta andũ.”
37
Ngaali nĩwaneenie ĩngĩ asya atĩĩ, “Kwa sisya andũ naaya mokĩte maumĩte kĩĩmanĩ katĩ, na kĩkundi kĩmwe kyũkĩte kĩsĩlĩte nzĩanĩ ĩla yĩ mũtĩ wa mwalonĩ wa andũ ala mathaa andũ kwona moseo!”
38
Nĩvo ĩndĩ Nzevuli wamwĩie atĩĩ, “Ũla ũneeni waku yu ũĩva? Nue ũnakũlasya tũthũkũmaa Avimeleki nĩkĩ. Andũ aya nĩmo ũnaneeneaa na kĩvũthya kĩana ũu. Yu enda mũkomane wũkite namo.”
39
Kwoou Ngaali nĩwatongoeisye andũ ma ndũa ya Sekemu na okita na Avimeleki.
40
Ngaali nĩwasembie akĩa ĩndĩ nake Avimeleki amũaatĩĩa. Andũ aingĩ nĩmaũmĩiw'e mũno o na ala maĩ mũvĩanĩ wa ndũa.
41
Avimeleki nĩwatũie Aluma. Nzevuli nĩwalũngilye Ngaali na ana-a-ĩthe make mauma ndũanĩ ya Sekemu nĩ kana maikaatũe vo ĩngĩ.
42
Mũthenyanĩ ũla waatĩĩe, andũ nĩmaumaalile mathi isesinĩ. Yĩla Avimeleki wataviw'e,
43
nĩwoosie asikalĩ make, amaany'a ikundi itatũ na meevitha meteelete kũu isesinĩ. Yĩla woonie andũ maumaalĩte kuma ndũanĩ, nĩwaumie vala weevithĩte nĩ kana amoae.
44
Avimeleki na kĩkundi kyake kya asikalĩ nĩmasembie mathi kũsunga mũvĩa wa ndũa, nasyo ikundi ila ingĩ ilĩ sya asikalĩ syavithũkĩa andũ ala maĩ isesinĩ na mamoaa onthe.
45
Kaũ ũsu wokitiwe mũthenya mũima. Avimeleki nĩwakwatie ndũa ya Sekemu na ooaa andũ mayo. Nĩwavĩvisye ndũa ĩsu na amĩvuunzangĩa mũnyũ.
46
Yĩla andũ ala matwĩe mwakonĩ mũtũlu wa ndũa ya Sekemu meewie maũndũ asu, nĩmaendie kwĩvitha nyũmbanĩ ĩla ndũmu ya ĩkalũ ya ngai ĩla yeetawa Eli-mbelithi.
47
Yĩla Avimeleki weewie kana andũ asu mombanĩe vau,
48
we na andũ make nĩmambatie mathi Kĩĩmanĩ kya Nzalimoni. Nĩwoosie ĩthoka na atema mbonge sya mũtĩ na asyũkĩlya asilĩĩla ituonĩ syake. Nĩweeaĩie andũ make amea atĩĩ, “Ĩkai mĩtũkĩ ũndũ mwoona neeka!”
49
Kwoou andũ asu onthe nĩmatemie mbonge na maatĩĩa Avimeleki. Nĩmoombĩĩie mbonge isu ĩla nyũmbanĩ ndũmu ya ĩkalũ, na mamĩkwatya mwaki andũ ma Sekemu me nthĩnĩ. Kwoou andũ onthe ala maĩ nyũmbanĩ ndũlu ya Sekemu nĩmakwie. Maĩ andũ ta ngili ĩmwe, aũme na aka.
50
Kuma vau Avimeleki nĩwaendie ndũanĩ ya Thevesi, amĩthyũlũlũka na amĩkwata.
51
Nthĩnĩ wa ndũa ĩsu vaĩ na mwako mũtũlu na mũlũmu vala andũ onthe ma ndũa ĩsu aũme na aka masembie mathi kwĩvitha. Nĩmaendie meevingĩa vau na malĩsa mwakonĩ ũsu mathi kwĩkala kĩalanĩ kyaw'o.
52
Avimeleki nĩwaendie mwakonĩ ũsu na aũvithũkĩa. Ĩndĩ aendete kũvika mũomonĩ wa mwako ũsu mũtũlu nĩ kana aũvĩvye,
53
mũndũ mũka ũmwe nĩwekisye ĩvia ya kũthia yatheea, yooka kũtumba Avimeleki mũtwe waatũka.
54
Kwa mĩtũkĩ nĩweetie mwanake ũla wakuĩte mĩio yake ya kaũ na amwĩaĩa ayasya, “Kũa ũvyũ waku ũmbũae. Ndikwenda andũ matiwe mayasya kana nooaiwe nĩ mũndũ mũka.” Mwanake ũsu nĩwatonyie Avimeleki amũvũthũa akw'a.
55
Andũ ma Ĩsilaeli moona kana Avimeleki nĩwakw'a, onthe nĩmenũkie.
56
Kwa nzĩa ĩsu, Ngai nĩwaĩvanĩisye Avimeleki nũndũ wa ĩvĩtyo yĩla wavĩtĩsye ĩthe kwa kũaa ana-a-ĩthe make mĩongo mũonza.
57
O ta ũu Ngai nĩwatumie andũ ma ndũa ya Sekemu makwatwa nĩ thĩna nũndũ wa ũthũku woo, o tondũ Yothamu mwana wa Ngitioni waisye kana makathĩna yĩla wamaumanĩaa.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21