bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Judges 11
Judges 11
Kamba (MBIVILIA ŨVOO MŨSEO)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
1
Ngileati kwaĩ mũsikalĩ ũmwe ngũmbaũ weetawa Yevitha. Yevitha aĩ mwana wa mũndũ mũka ĩlwaya, na ĩthe wake eetawa Ngileati.
2
Mũka wa Ngileati o nake nĩwamũsyaĩie tũvĩsĩ. Yĩla ana asu make meanie, nĩmalũngilye Yevitha kuma mũsyĩnĩ woo na mamwĩa atĩĩ, “Ndũkakwata ũtiĩwa kuma kwa ĩthe waitũ nĩkwĩthĩwa we wĩ mwana wa mũndũ mũka ũngĩ.”
3
Kwoou Yevitha nĩwakĩie ana-a-ĩthe make na athi kũtũa nthĩ ya Tovu. E kũu nĩwakwatanie na andũ maĩ ing'endilĩ na mambĩĩa kũendanasya ĩmwe nake kũkita.
4
Ĩtina wa ĩvinda yĩana ũndũ mũna, Aamimoni nĩmavithũkĩie andũ ma Ĩsilaeli.
5
Yĩla ũndũ ũsu weekĩkie, andũ ma Ngileati nĩmaendie kwĩta Yevitha oke kuma nthĩ ya Tovu.
6
Nĩmaneenie na Yevitha mamwĩa atĩĩ, “Ũka ũtw'ĩke mũtongoi waitũ nĩ kana tũkokite na Aamimoni.”
7
Ĩndĩ Yevitha nĩwakũlilye atumĩa ma Ngileati atĩĩ, “Inyw'ĩ nũndũ mũtaamena o na kũvika mwandũngya kuma kwa ĩthe wakwa? Yu mwooka kwakwa nĩkĩ mwakwatwa nĩ thĩna?”
8
Atumĩa asu ma Ngileati nĩmeeie Yevitha atĩĩ “Yu twooka kũla ũĩ nũndũ twĩenda tũendany'e tũkokite Aamimoni naku ũitongoesya andũ onthe ma Ngileati.”
9
Yevitha nĩweeie atumĩa asu atĩĩ, “Mwandũnga mũsyĩ ngokite na Aamimoni na Mwĩai Ngai ainenga ũsindi, ngatw'ĩka mũtongoi wenyu.”
10
Nĩmasũngĩie masya, “Ĩĩ nĩtũkwĩtĩkĩla. Mwĩai Ngai nĩwe ngũsĩ yaitũ.”
11
Kwoou Yevitha nĩwaendanisye na atumĩa ma Ngileati na andũ ma Ngileati mamũtw'ĩkĩthya mũtongoi na mũnene woo. Yevitha nĩwaneenie ndeto ĩũlũ wa wĩa wake e Misiva mbee wa Mwĩai Ngai.
12
Nĩvo ĩndĩ Yevitha watũmie andũ mathi kũla kwĩ mũsumbĩ wa Aamimoni makamũkũlye atĩĩ, “Wĩna thĩna mwaũ naitũ? Ũlikĩte nthĩ yaitũ nĩkĩ?”
13
Mũsumbĩ wa Aamimoni nĩwasũngĩie andũ asu matũmĩtwe amea atĩĩ, “Yĩla andũ ma Ĩsilaeli maumie nthĩ ya Misili, nĩmambenie nthĩ yakwa kuma Ũsĩnĩ wa Alinoni kũthi kũvika Ũsĩnĩ wa Yavoki na Ũsĩnĩ wa Yolotani. Yu kwa mũuo, no nginya mũndũngĩe nthĩ ĩsu.”
14
Yevitha nake nĩweeie andũ asu matũmĩtwe nĩmasyoke kwa mũsumbĩ wa Aamimoni,
15
makamũnenge ũsũngĩo ũũ: “Andũ ma Ĩsilaeli mayaaosa nthĩ ya Moavi kana ya Aamimoni.
16
Ũũ nĩw'o weekĩkie, yĩla andũ ma Ĩsilaeli maumie nthĩ ya Misili, nĩmesĩlile weũnĩ mathi kumĩlĩĩla Ũkanga Mũtune na maendeea mathi kũvika Katesi.
17
Nĩvo ĩndĩ andũ ma Ĩsilaeli matũmie andũ mathi kũla kwĩ mũsumbĩ wa Etomu mamũkũlye mwanya nĩ kana mavĩtĩle nthĩ yake. Ĩndĩ mũsumbĩ wa Etomu nĩwamavatie mwanya vyũ. O ta ũu nĩmakũlilye mũsumbĩ wa Moavi, ĩndĩ o nake nĩwaleile mayĩsĩla nthĩ yake. Kwoou ĩndĩ andũ ma Ĩsilaeli matũa Katesi.
18
Ĩtina wa ũu, nĩmaendeeie na kyalo mesĩlĩte weũnĩ, meelingĩla nthĩ ya Etomu na ya Moavi nginya mathi kumĩlĩĩla ngalĩko ya wumĩlonĩ wa syũa wa nthĩ ya Moavi, ngalĩkonĩ ĩla ĩngĩ ya Ũsĩ wa Alinoni. Nĩmambie maeema moo vau, ĩndĩ mayaainga Ũsĩ wa Alinoni nũndũ ũsĩ ũsu nĩw'o waĩ mũvaka wa nthĩ ya Moavi.
19
Nĩvo ĩndĩ andũ ma Ĩsilaeli matũmie andũ mathi kũla kwĩ Sioni mũsumbĩ wa ndũa ya Esivoni, ũla waĩ wa mbaĩ ya Aamoli na mamũkũlya amanenge mwanya mavĩtĩle nthĩ yake nĩ kana mathi nthĩ ĩla yoo.
20
Ĩndĩ o nake Sioni ndaaĩtĩkĩlya andũ ma Ĩsilaeli kwĩka ũu. Nĩwoombanĩisye asikalĩ make onthe ma kaũ Yaasa, mamba maeema moo na mavithũkĩa andũ ma Ĩsilaeli.
21
Mwĩai Ngai, Ngai wa andũ ma Ĩsilaeli nĩwamanengie vinya wa kũsinda Sioni na asikalĩ make ma kaũ. Andũ ma Ĩsilaeli nĩmoosie nthĩ ya Aamoli onthe ala matwĩe nthĩ ĩsu.
22
Mamĩkwatie kuma ũsĩnĩ wa Alinoni kũthi kũvika Yavoki, na kuma weũnĩ kũthi kũvika ũsĩnĩ wa Yolotani.
23
Kwoou Mwĩai Ngai, Ngai wa andũ ma Ĩsilaeli nĩwe walũngilye Aamoli kwondũ wa andũ make; andũ ma Ĩsilaeli.
24
Yu we nũkwenda kũtata kũmyosa? Ĩkala na kĩla ngai yaku ĩla yĩtawa Kemosi ĩkũnengete. Ĩndĩ naitũ nĩtũkwĩkala na kyonthe kĩla Mwĩai Ngai, Ngai waitũ ũtũnengete.
25
Wĩĩsilya wĩ kavaa kwĩ mũsumbĩ wa Moavi, Mbalaka mwana Nzivoli? Aaĩtĩkĩla kũtetany'a kana kũkita na andũ ma Ĩsilaeli?
26
Vandũ va myaka maana atatũ, andũ ma Ĩsilaeli nĩmekalĩte ndũanĩ ya Esivoni na ya Aloeli na motũi ala maithyũlũlũkĩte, o vamwe na ndũa ila syĩ ũtee wa Ũsĩ wa Alinoni. Mwaleile kũsyosa ĩngĩ ĩvindanĩ yĩu nĩkĩ?
27
Nyie ndikũvĩtĩsye, ĩndĩ we nũũmbĩtĩsya kwa kwĩyũmbany'a wũke kũkita nakwa. Eka Mwĩai Ngai, ũla nĩ mũsili, asilany'e kĩthokoo kĩla kĩ vo katĩ wa andũ ma Ĩsilaeli na Aamimoni.”
28
Ĩndĩ mũsumbĩ wa Aamimoni ndaaĩtĩkĩla kwĩthukĩĩsya ũtũmani ũla Yevitha watũmanĩte atwaĩwe.
29
Veva wa Mwĩai Ngai nĩwalikile Yevitha. Nĩwavĩtĩle nthĩ ya Ngileati na ya Manase, alikĩla Mĩsiva ĩla yĩ Ngileati na kuma vau ambĩĩa kũvithũkĩa Aamimoni.
30
Yevitha nĩweevĩtie mbee wa Mwĩai Ngai asya atĩĩ, “Wanenga ũtonyi wa kũsinda Aamimoni,
31
mũndũ wa mbee ũla wĩumaala nyũmba kwakwa okĩte kũnthaũa yĩla nĩĩthĩwa numĩte kaũnĩ ũsu nasinda, ngamumya ethĩwe nthembo ya kũvĩvw'a.”
32
Kwoou Yevitha nĩwaingie ũsĩ athi akokite na Aamimoni, nake Mwĩai Ngai amũnenga ũsindi.
33
Nĩwaomboangie ndũa mĩongo ĩlĩ ila syaĩ kuma Aloeli kũthi kũvika Minithi na kũendeea nginya ndũanĩ ya Aveli-kelamimu. Kwa nzĩa ĩsu andũ ma Ĩsilaeli nĩmasindie Aamimoni na mooaa aingĩ moo.
34
Yĩla Yevitha wasyokie mũsyĩ kwake Misiva, mwĩĩtu wake nĩwaumaalile amũthaũa asũngĩte na kũkũna ndambulĩnĩ. Mwĩĩtu ũsu asyaĩtwe e ũmwe; Yevitha ndaĩ kana kangĩ.
35
Yĩla Yevitha woonie mwĩĩtu wake, nĩwatembũangie ngũa syake nĩ woo na asya atĩĩ, “Asi! Mwĩĩtu wakwa! Nĩwambũaa ngoo! We nĩwatw'ĩka wambĩlĩĩlyo wa mathĩna makwa. Nyie nĩneevĩtie kũla kwĩ Mwĩai Ngai na nditonya kũlea kwĩanĩsya wĩvĩto ũsu.”
36
Mwĩĩtu wake nĩwasũngĩie amwĩa atĩĩ, “Nau, we nũminĩte kwĩvĩta kũla kwĩ Mwĩai Ngai, kwoou mbĩke o tondũ ũneevĩtie, nũndũ Mwĩai Ngai nũkũnengie ũtonyi weeyĩĩvanĩsya kwa Aamimoni ala nĩ amaitha maku.”
37
Mwĩĩtu ũsu nĩwaendeeie kũneena eea ĩthe atĩĩ, “Mbĩke ũndũ o ũmwe, nenge myei ĩlĩ nĩthi ngangange iĩmanĩ na kũĩa nĩ na anyanyae makwa nũndũ nĩkw'a nde mũtwae.”
38
Ĩthe wake nĩwamũsũngĩie amwĩa, “Nũtonya kũthi.” Nĩwaekie mwĩĩtu ũsu athi vandũ va myei ĩlĩ. Mwĩĩtu ũsu e na eĩtu angĩ nĩmaendie kĩĩmanĩ na maĩa nũndũ ekw'a ate mũtwae.
39
Ĩtina wa myei ĩlĩ, mwĩĩtu ũsu nĩwasyokie kũla kwĩ ĩthe wake nake ĩthe eeka ũndũ weevĩtĩte kana akeeka. Mwĩĩtu ũsu ndaĩ aamanyana kĩ-mwĩĩ na mũndũ-ũme. Ũsu nĩw'o watw'ĩkie wumo wa kĩthĩo kya andũ ma Ĩsilaeli,
40
kana kĩla mwaka, eĩtu ala anini ma andũ ma Ĩsilaeli maendaa vandũ va mĩthenya ĩna kũlilikana mwĩĩtu wa Yevitha wa mbaĩ ya Ngileati.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21