1 Chronicles 8

Malagasy 2004 (DIEM PROTESTANTA)

← Chapter 7 Jump to: Chapter 9 →

1Ny naterak’i Benjamîna dia i Bela lahimatoa, i Asbela lahiaivo, i Aharà fahatelo,

2i Nôhà fahefatra, ary i Rafà faralahy.

3Ny zanakalahin’i Bela dia i Adara sy i Gerà (rain’i Ehoda),

4i Abisoa sy i Nahamàna, i Ahôa

5sy i Gerà ary i Sefofàna sy i Horama.

6Ireto kosa ny zanakalahin’i Ehoda: i Nahamàna sy i Ahià ary i Gerà (ity Gerà ity dia niteraka an-dry i Hozà sy i Ahihoda). Loham-pianakavian’ireo mponina tao Geba izy telo mirahalahy ary nampifindra monina azy tany Manahata; i Gerà mihitsy no nitarika izany fifindra-monina izany.

8I Saharaîma kosa, taorian’ny nisaorany an’i Hosîma sy i Baharà vadiny, dia niteraka tany amin’ny faritany Môaba;

9ka ireto avy no naterany tamin’i Hodesy vadiny: i Jôbaba sy i Tsibià, i Mesà sy i Malkama

10i Jehotsy mbamin’i Sakeià ary i Mirmà. Ireo zanakalahin’i Saharaîma ireo dia samy lohan’ny fianakaviany avy.

11I Hosîma koa efa niterahany an-dry i Abitoba sy i Elpahaly.

12Zanakalahin’i Elpahaly: i Hebera sy i Misahama ary i Semèra; ity Semèra ity no nanorina an’i Ônao ary koa nanorina an’i Lôda mbamin’ireo tanàna kely miankina aminy.

13I Berihà sy i Elpahaly ary i Sema, izay samy loham-pianakavian’ny mponina tao Aialôna, dia nandroaka ny mponina tao Gata.

14Ny rahalahin’izy telo lahy dia i Sasaky sy i Jeremôta.

15Zanakalahin’i Berihà: i Zebadià sy i Harada, i Hedera sy i Mikaela ary i Jispà sy i Jôhà.

17Zanakalahin’i Elpahaly: I Zebadià sy i Mesolama, i Hizkỳ sy i Hebera mbamin’i Jismeray sy i Jizlià ary i Jôbaba.

19Zanakalahin’i Sema: i Jakima sy i Zikrỳ, i Zabdỳ sy i Eliôhenay, i Tsiletahy sy i Eliela mbamin’i Hadaià sy i Beraià ary i Simrata.

22Zanakalahin’i Sasaky: i Jispàna sy i Hebera, i Eliela sy i Habdôna, i Zikrỳ sy i Hanàna, Hananià sy i Helama mbamin’i Hanatôtià sy i Jifdeià ary i Penoela.

26Zanakalahin’i Jeremôta: i Samseray sy i Seharià, i Hatalià sy i Jaharesià ary i Elià sy i Zikrỳ.

28Ireo rehetra ireo dia samy loham-pianakaviana ho an’ny taranany avy ary nonina tao Jerosalema.

29Tao Gibehôna no nonina i Jihiela, ilay mpanorina io tanàna io; ary ny anaran’ny vadiny dia i Mahekà.

30I Habdôna no zanany lahimatoa, dia i Tsoro sy i Kîsy, i Bahala sy i Nera, i Nadaba

31sy i Gedôra mbamin’i Ahiao sy i Zekera ary i Miklôta.

32I Miklôta no ray niteraka an’i Simeama: izy mianaka ireto dia niara-monina tamin’ny mpiray foko namany tany Jerosalema, ka nifanandrify fonenana taminy.

33I Nera no ray niteraka an’i Kisy; i Kisy, ray niteraka an’i Saoly; i Saoly, ray niteraka an-dry i Jônatàna sy i Melkisa ary i Abinadaba sy i Esbahala.

34Ny zanakalahin’i Jônatàna dia i Merîbahala; i Meribahala no ray niteraka an’i Mikà.

35Ny zanakalahin’i Mikà dia ry i Pitôny sy i Meleka ary i Taharea sy i Ahaza.

36i Ahaza no ray niteraka an’i Jôhadà; i Jôhadà, ray niteraka an-dry Halemeta sy i Hazmavety ary i Zimrỳ; i Zimrỳ, ray niteraka an’i Môtsà;

37i Môtsà, ray niteraka an’i Binehà. I Rafà no zanakalahin’i Binehà; i Elehasà no zanakalahin’i Rafà; ary i Atsela no zanakalahin’i Elehasà.

38Nanan-janaka enina mirahalahy i Atsela ka ireto avy no anarany: i Hazrikama (lahimatoany) sy i Jismahela, i Seharià sy i Hazarià ary i Hôbadià sy i Hanàna; zanakalahin’i Atsela avokoa ireo.

39Ny zanakalahin’i Hesèka rahalahin’i Atsela kosa dia i Olama no lahimatoa, i Jehisa no lahiaivo ary i Elifelety no faralahy.

40Ireo zanakalahin’i Olama dia lehilahy mahery sy mpandefa zana-tsipîka, sady nanan-janakalahy aman-jafy maro miisa 150. Ireo rehetra ireo no taranak’i Benjamîna.

← Chapter 7 Jump to: Chapter 9 →