bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Isaiah 37
Isaiah 37
Mossi MPBU (WẼNNAAM SEBRE 2014)
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 38 →
1
Rĩm a Ezekɩyaas sẽn wʋm gom-kãensã wã, a pãrsa a fut n yeelg boto, n kẽng Sẽn-Ka-Saab roogẽ wã.
2
Rĩm a Ezekɩyaas tʋma a Eliyakim sẽn yaa na-yirã zak naabã ne a Sebna sẽn yaa seb-gʋndã, la maan-kʋʋdbã kãsem-dãmbã, a Amots biig a Ezayi sẽn yaa Wẽnnaam no-rɛɛsã nengẽ. La b fãa yeelga bot n kẽnge.
3
Bãmb yeela a Ezayi yaa: «A Ezekɩyaas yeelame: ‹Rũndã daarã yaa yel-pakr daare, sɩbgr la yãnd daare. Bala, rogem daar taame, la pãng ka be n na n dog ye.
4
Daar ninga, Sẽn-Ka-Saab sẽn yaa yãmb Wẽnnaamã na n wʋma goamã Asiiri rĩmã sõgen-kãsengã b sẽn tʋm t'a wa tʋʋs Wẽnnaam sẽn vɩ wã to-to wã. Tõeeme tɩ Sẽn-Ka-Saab sẽn yaa yãmb Wẽnnaamã na n sɩbg-b-la goam nins yẽnda sẽn gom tɩ bãmb wʋma yĩnga. Woto wã, bɩ y pʋʋs Wẽnnaam neb nins sẽn ketã yĩnga.»
5
Dẽ, rĩm a Ezekɩyaas sẽn tʋm b rãmbã kẽnga Wẽnnaam no-rɛɛs a Ezayi nengẽ.
6
La a Ezayi yeela bãmb yaa: «Ad yãmb sẽn na n kẽng n tɩ yeel y soaalã bũmb ninga: ‹Sẽn-Ka-Saab yetame: Da zoe rabeem ne goam nins Asiiri rĩmã tʋmtʋmdbã sẽn gom n paoog maam tɩ fo wʋmã ye.
7
Gese, mam na n tʋma sɩɩg yẽnda nengẽ. Yẽnda na n wʋma yell kibare n lebg n leb a tẽngẽ wã, la mam na n kɩtame tɩ b kʋ yẽnda beenẽ ne zabr sʋʋga.› »
8
Asiiri rĩmã sõgen-kãsengã wʋmame t'a soaalã yii Lakɩɩse, n na n tɩ zab ne Libna tẽngã. La yẽnda kẽng n tɩ paam-a-la beenẽ.
9
Dẽ, Asiiri rĩmã wʋmame tɩ b yetẽ tɩ Kuus tẽng rĩm a Tiraka watame n na n wa zab ne yẽnda. La Asiiri rĩmã sẽn wʋm woto, a tʋma koe-toagsdb rĩm a Ezekɩyaas nengẽ tɩ b tɩ yeel-a yaa:
10
«Kẽng-y n tɩ yeel-y Zʋʋda rĩm a Ezekɩyaas yaa: Ra bas tɩ Wẽnnaam ning fo sẽn teegã belg foom, n yeel tɩ Asiiri rĩmã kõn tõog n deeg Zeruzalɛm ye!»
11
Fo mengã wʋma Asiiri rĩm-dãmbã sẽn dag n maan tẽms a taabã fãa bũmb ningã. B sãam-b-la zãnga. Tɩ fo tagsdẽ tɩ f na n põsame!
12
Dẽ yĩnga, Goozã ne Haarã la Retsɛf ne Edɛn nebã sẽn be Telasaarã, sẽn yaa buud toay-toay nins mam ba-rãmbã sẽn sãamã wẽnnaam-dãmb tõog n fãag-b lame sɩda?
13
Hamat rĩmã ne Arpaad rĩmã la Sefarvayim tẽng rĩmã ne Hena rĩma la Iva rĩmã bee yɛɛnẽ?
14
Rĩm a Ezekɩyaas reega sebrã koe-toagsdbã nugẽ n karme, la a yik n kẽng Sẽn-Ka-Saab roogẽ wã n tɩ lak sebrã Sẽn-Ka-Saab taoore.
15
Rĩm a Ezekɩyaas pʋʋsa Sẽn-Ka-Saab n yeel yaa:
16
«Saasẽ-Pãng-Soabã sẽn yaa Israyɛll Wẽnnaam, n zao serubẽ-rãmb zugu, yaa yãmb y yembr bal n yaa dũniyã soolem-dãmbã fãa Wẽnnaam, yaa yãmb n naan yĩngr la tẽnga.
17
Sẽn-Ka-Saabo, kɩll-y y tʋbr n kelge! Sẽn-Ka-Saabo, puk-y y nin n gese! Kelg-y goam nins fãa a Senakeriib sẽn tʋm n tʋʋsd yãmb a Wẽnnaam sẽn vɩ wã!
18
Sẽn-Ka-Saabo, yaa sɩd tɩ Asiiri rĩm-dãmbã sãama soolem-dãmbã ne b tẽmsã zãnga,
19
n wʋk b wẽnnaam-dãmbã n yõog bugum, n menes-b zãnga. Sɩdã, wẽnnaam-bãmb rag n ka wẽnnaam-dãmb sɩd-sɩd ye. Bala, rag n yaa raad ne kug wẽn-naands ninsaalb nus sẽn maane.
20
Moasã, Sẽn-Ka-Saab sẽn yaa tõnd Wẽnnaam, fãag-y tõnd a Senakeriib nugẽ, tɩ dũniyã soolem-dãmbã fãa bãng tɩ yaa yãmb a Sẽn-Ka-Saab y yembr bal n yaa Sẽn-Ka-Saabo!»
21
Dẽ, a Amots biig a Ezayi tʋmame tɩ b tɩ yeel rĩm a Ezekɩyaas yaa: «Ad koɛɛg ning Sẽn-Ka-Saab sẽn yaa Israyɛll Wẽnnaamã, fo sẽn pʋʋs a soab Asiiri rĩm a Senakeriib wɛɛngẽ wã la woto:
22
Ad sɩbgr gomd Sẽn-Ka-Saab sẽn gom yẽnda wɛɛngẽ n yetẽ: ‹Sɩyõ tẽn-neere, a yaanda foom, la a paoogd foom, Zeruzalɛm tẽn-neere, a bee fo poorẽ n gõmsda a zugu.
23
Yaa ãnda la fo sẽn tʋʋs la f paoogã? Yaa ne ãnda la fo sẽn zẽk f koɛɛgã? Fo zẽka f neng yĩngr n zabd ne Israyɛll Pʋ-Peelem-Soabã!
24
Fo tũnuga f tʋmtʋmdbã n paoog Sẽn-Ka-Saab n yeele: Mam sẽn tar saar-dãmb wʋsgã yĩnga, mam tõog n dʋʋ tãms sẽn lug zutu, n tõog n ta hal Libã yaangã. Mam kɛɛ yẽnda sɛɛdr tɩ-wogdã, ne a sɩprɛs tɩɩs nins sẽn yaa neeb n yɩɩdã, mam tãaga a yaoolem tʋg-bɛdã sẽn be tãmsã zutã.
25
Mam tuu buls n yũ b koom, mam nao na n kʋɩɩsa Nill kʋɩlgã ko-soayã fãa koom.
26
Fo ka bãng tɩ yaa hal daar zãr la mam segl bõn-kãensã, la mam maana bãmb hal kʋdem-wẽndẽ? Moasã, mam kɩtdame tɩ b paamd pidsgu, fo tʋʋmd yaa f kɩt tɩ tẽms nins sẽn tar pãngã lebg raboodo.
27
Tẽn-bãmb nebã ka tar pãng ye, rabeem la yãnd n tar-ba. Bãmb wẽnda wa moog sẽn be weoogẽ, la wa mo-maasa, la wa gãosg zug moogo, la wa weoog pʋgẽ moog sẽn kʋɩ n ka paam n bɩ ye.
28
Gese, mam mii fo zĩndg wakate, la f yiib ne f kõom wakate. Mam leb n mii wakat ning fo sẽn gʋngde, n dat n zab ne maamã.
29
Bala, fo yika f sũur ne maam, la fo wuk-m-men-goamã zẽk n taa mam tʋbẽ, mam na n dɩka m bãngã n sog fo yõorã, la m ning fo noorã salbre, n kɩt tɩ f lebg n tũ sor ning fo sẽn tũ n wa wã n lebe.› »
30
Ad bãnd ning mam sẽn kõt foom a Ezekɩyaase: Rõandã, nebã na n dɩɩ ka-yiisdim, la vẽere, b na n dɩɩ ka-yogdo, la yʋʋm-yɩta, bʋd-y-yã la y tigsi, la y sel reezẽ tɩɩs n dɩ b biisi.
31
Neb nins sẽn põs Zʋʋda buudã sʋk n ketẽ wã, na n kɩɩ yẽg tẽn-gãongã pʋga, la b na n woma biis b wilã zutu.
32
Bala, Saasẽ-Pãng-Soabã nonglem-kãsengã na n kɩtame tɩ bu-kell yi Zeruzalɛm, la tɩ neb sẽn põs yi Sɩyõ tãngã zugu.
33
Bõn-kãng yĩng kɩtame tɩ Sẽn-Ka-Saab gom Asiiri rĩmã wɛɛngẽ n yeele: ‹Yẽnda ka na n kẽ tẽn-kãngã pʋg ye, la a kõn tol n tão peemd ye. Yẽnda kõn tol n zẽk a gãong ye, la a kõn tol n zam tom-dʋr n zab ne-a ye.
34
Yẽnda sẽn tũ sor ning n wa wã, a na n lebg n tũu so-kãng n lebe, la yẽnda kõn tol n kẽ tẽn-kãngã pʋg ye. Maam a Sẽn-Ka-Saab n yeele.
35
Mam na n kogla tẽn-kãngã n fãag-a, mam mengã yʋʋrã yĩnga, la m tʋmtʋmd a Davɩɩd yĩnga.›
36
La Sẽn-Ka-Saab malɛɛkã yiime n kẽng Asiiri nebã tãb-sikẽ, n tɩ kʋ raop tus koabg la pis-nii la a nu. B sẽn yik yibeoogo, b mikame tɩ bãmb fãa yaa kũum n dʋrẽ!
37
Dẽ, Asiiri rĩm a Senakeriib lebg n kẽng n tɩ zĩnda Niniivi.
38
La yẽnda sẽn wa n be a wẽn-naandg a Nisrok pʋʋsg roogẽ wã, yẽnda kambã, a Adarmelɛk ne a Sarɛtsɛɛr kẽng n tɩ kʋ-a-la ne zabr sʋʋga, la b bas n zoe n kẽng Araara tẽnga. La a biig a Asaradon n led yẽnda zĩigẽ n lebg rĩma.
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 38 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66