bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Kings 12
1 Kings 12
Quechuan QXO (Biblia en Quechua del sur de Conchucos)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
1
Roboamta rey kananpä churayänanpämi llapan Israel runakuna Siquem markaman qorikäyarqan. Tsaymanmi Roboampis aywarqan.
2
Tsayman qorikäyänanpä kanqanta musyarmi Nabatpa tsurin Jeroboam Egiptupita kutimurqan. Payqa Salomónpita qeshpir aywakunqanpitam Egiptuchö täkurqan.
3
Tsaymi Israel runakuna qayatsiyaptin Israelman Jeroboam kutimurqan. Tsaypitam Israel runakunawan aywaykur Roboamta niyarqan:
4
«Papänikiqa alläpam impuestukunata cobrayämashqa y faenakunachöpis pasaypam arutsiyämashqa. Paynöqa amana cobrayämaynatsu ni faenakunachöpis amana alläpa arutsiyämaynatsu. Mañakuyanqäta awniyämaptikiqa sirviyäshaykim».
5
Roboamnam nirqan: «Mañakayämanqaykita shumaq yarpachakunqäyaq kananpita kimsa junaqta kutiyämunki imata yarpanqätapis willanäpä». Tsaynö niptinmi aywakuyarqan.
6
Tsaypitanam papäninpa yätsiqnin mayor runakunawan Roboam qorikaykur tapukur nirqan: «¿Imatatä qamkuna yätsiyämanki tsay runakunata ninäpä?»
7
Tsaynö tapukuptinmi niyarqan: «Tsay runakunata shumaq yanapaptiki y alli shimillaykipa parlapaptikiqa imayyaqpis sirviyäshunkim».
8
Peru mayor runakuna yätsinqanta mana cäsurmi Roboamqa yuriy mayinkunata tapukuq aywarqan. Paykunatam yätsiqnin kayänanpä Roboam churashqa karqan.
9
Paykunata tapurmi Roboam nirqan: «Tsay runakunam rugakayämashqa impuestuta papänï alläpa cobranqannö manana cobranäpä. Tsaynöllam rugayämashqa faenakunachöpis alläpa mana arutsinäpä. ¿Imatatä tsay runakunata nïman?»
10
Yuriy mayin jövinkunam niyarqan: «Papäniki alläpa impuestukunata cobranqanta y alläpa arutsinqanta niyäshuptiki tsay runakunata ninki: «Papänï yaqa kanqanpitapis noqaqa mas yaqam kashä.
11
Pay ñakatsiyäshunqaykipitapis noqaqa mas peorrämi ñakatsiyäshayki. Papänï lätiguwan asutayäshunqaykipitapis noqaqa fiërru puntayuq lätiguwanrämi asutayäshayki».
12
Jitapanqan junaqnam Jeroboam y llapan Israel runakuna kutiyarqan Roboam imata ninqantapis musyayänanpä.
13
Kutiykuyaptinmi rey Roboamqa imatapis nirqantsu mayor runakuna yätsiyanqannöqa, sinöqa nanaq shiminpam parlaparqan.
14
Tsaymi jövinkuna yätsiyanqannölla nirqan: «Papänï ñakatsiyäshunqaykipitapis noqaqa mas peorrämi ñakatsiyäshayki. Papänï lätiguwan asutayäshunqaykipitapis noqaqa fiërru puntayuq lätiguwanrämi asutayäshayki».
15
Tsaynö nirmi runakuna rugakuyanqanta awnirqantsu. Mana awninanpämi Tayta Dios permitirqan Nabatpa tsurin Jeroboamta awninqanta cumplir. Jeroboamta awninqantam Silo markapita profëta Ahíaswan musyatsirqan.
16
Rugayanqanta Roboam mana awniptinmi Israel runakuna niyarqan: «¡Acäsu Davidpitaku kawantsik paypita miraqta sirvinantsikpä! Jinapis manam David castatsu kantsik paypa tsurinta qatiränantsikpä. Payqa kikinpa castankunata mandakutsun. Israel kaqkunaqa, llapantsik wayintsikpa kutikushun». Tsaynö nirmi Israel runakuna wayinkunapa kutikuyarqan.
17
Paykuna rakikäyaptinpis Judá markakunachö taykaq Israel runakunaqa manam Roboamta dëjayarqantsu.
18
Tsaypitanam capataznin Adoramta Roboam mandarqan rakikaq Israel runakunata faenachö arutsinanpä. Chaykuptinmi Israel runakuna saqmaypa wanutsiyarqan. Wanutsiyanqanta musyaskirmi Roboamqa pasaypa mantsarirnin carrëtanman yarkurkur Jerusalénman qeshpir aywakurqan.
19
Roboamta dëjayanqanpitam Israel runakunaqa kananyaqpis David casta kaqtaqa chaskiyantsu mandaqnin rey kananpä.
20
Egiptupita Jeroboam kutimunqanta musyaskirmi llapan Israel runakuna qayaykatsir rey kananpä churayarqan. Judá trïbullanam David casta reypa poderninchö quëdarqan.
21
Jerusalénman Roboam kutiykurmi rakikaq Israel runakunata poderninman kutitsiyämunanpä Judá trïbu runakunapita y Benjamín trïbu runakunapita pachak puwaq chunka waranqa (180,000) allin soldädukunata qorirqan.
22
Peru profëta Semaíastam Tayta Dios parlapar nirqan:
23
«Salomónpa tsurin Judá nacionpa mandaqnin rey Roboamta, Judá trïbu runakunata, Benjamín trïbu runakunata y wakin runakunatapis willar ninki:
24
«Tayta Diosmi nin: Noqam Israel nacionta ishkay nación kananpä rakirqü. Tsaynö kaykaptinqa ama aywayaytsu Israel mayikikunawan pelyaq. Tsaypa rantinqa cada ünu wayikikunapa kutikuyay». Tayta Diospa willakuqnin tsaynö niptinmi wayinkunapana llapan kutikuyarqan.
25
Tsaypitanam Jeroboamqa Efraín jallqakunachö kaykaq Siquem markata allitsaskatsir tsayman aywarqan tänanpä. Tsaypitanam Penuel markatapis allitsatsirqan.
26
Jeroboammi yarpachakur nirqan: «Davidpa willkan Roboamqa Israel runakunata qorirpis qorinmanchi.
27
Tsaynölla Tayta Diospa templunchö sacrificiukunata rupatsiyänanpä Jerusalénman aywar Roboamwan amishtarpis amishtayanmanmi. Tsaynö amishtarqa wanuskatsimarchi Judá runakunapa mandaqnin rey Roboampa poderninman kutiyanqa».
28
Tsaynö yarpachakuskirmi yätsiqninkunawan willanakuskir qoripita ishkay torïtukunata Jeroboam ruratsirqan. Tsaypitam Israel runakunata nirqan: «Israel runakuna, Jerusalénchö templuman alläpanam aywayarquyki. Egiptupita jipimushuqniki diosnikikuna kaychömi kaykan».
29
Tsaypitanam tsay torïtukunata churarqan jukaqta Bet-elman y jukaqtana Danman.
30
Tsay ïdulukunata Israel runakuna adorayanqanqa pasaypa jutsam karqan. Karu kaptinpis adorayänanpä hasta Danyaqmi aywayarqan.
31
Tsaynöllam maytsaychö altarkuna kanqanchö wayikunata Jeroboam ruratsirqan. Tsaychö sacerdöti kayänanpämi mana Leví trïbu runakunatapis llutalla churarqan.
32
Tsaynömi Jeroboam mandarqan Judáchö Ramäda fiestata rurayanqannö Israel runakuna Bet-elchöpis cada wata fiestata rurayänanpä. Tsay fiestatam qallaykuyaq puwaq killachö chunka pitsqa junaq kaykaptin. Bet-elchö fiesta kaptinmi kikin Jeroboam sacrificiukunata rupatsirqan qoripita rurashqa torïtukunata adorar. Tsaynöllam runakunata churarqan markakunachö kaq altarkunachö sacerdöti kayänanpä.
33
Tsaymi puwaq kaq killa kaykaptin chunka pitsqa junaqchö Jeroboamqa sacrificiukunata Bet-elchö kaykaq altarchö rupatsirqan. Kikinpa yarpayllanpitam fiestata rurayänanpä tsay junaqta akrarqan. Tsaynöllam tsay fiestachö inciensiuta qoshnitsinanpä altarman aywarqan.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22