bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Kings 15
1 Kings 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Nabatpa tsurin Jeroboam chunka puwaq wata Israel nacionchö rey kaykaptinmi Judá nacionchö Abiam rey kayta qallaykurqan.
2
Jerusalénchö kimsa watam rey karqan. Mamanmi Abisalompa tsurin Maaca karqan.
3
Rey Abiamqa manam unay castan Davidnötsu Tayta Diosta llapan shonqunwan cäsurqan, sinöqa papänin jutsata ruranqannömi paypis rurarqan.
4
Tsaynö kaptinpis Davidta kuyashqa karmi Abiamta Tayta Dios qarqurqantsu rey kanqanpita. Tsaynöllam Abiam wanuskiptin tsurintana Jerusalénchö rey kananpä Tayta Dios churarqan.
5
Rey Davidqa Tayta Dios munanqannö kawarmi llapan mandamientunkunata cumplirqan. Peru Davidpa jutsanqa karqan Betsabéwan kakur runan Uríasta wanutsinqanmi.
6
Jeroboam y Roboam chikinakur cada vezlla guërrata rurayanqannömi Abiampis Jeroboamwan imaypis guërrata rurayaq.
7
Abiam imata ruranqanpis llapanmi Judá nacionpa mandaqnin reykunapa acta librunchö qellqashqa kaykan.
8
Abiam wanuskiptinmi Davidpa Markanman pampayarqan. Paypa trokinnam tsurin Asana rey karqan.
9
Jeroboam ishkay chunka (20) wata Israel nacionchö rey kaykaptinmi Judá nacionchö Asa rey kayta qallaykurqan.
10
Asaqa Jerusalénchö chusku chunka juk (41) watam rey karqan. Paypa awilanmi Abisalompa tsurin Maaca karqan.
11
Peru rey Asam sïqa unay castan Davidnö Tayta Dios munanqannö kawarqan.
12
Tsay witsanmi wakin runakuna y warmikuna diosninkunata adorar altarkuna kanqanchö jukwan jukwan kakuyaq. Tsay runakunata y warmikunatam Judá nacionpita rey Asa qarqurqan. Tsaynöllam papänin, awilun y awilunpa papänin ruratsinqan ïdulukunatapis llapanta ushakätsirqan.
13
Asera diösapä awilan Maaca jawitsinqan qerutapis Cedrón raqraman apaykurmi rupatsirqan. Tsaypitam tsay ïduluta ruratsinqanpita Maacatapis reina kanqanpita qarqurqan.
14
Tsaynö rurarpis markakunachö kaq altarkunataqa Asa manam juchutsirqantsu. Asaqa wanunqanyaqmi Tayta Dios munanqannö kawarqan.
15
Tsaymi papäninwan kikinpis Tayta Diospä rakinqankunata templuman aparqan qorita, qellayta y alhäjakunata.
16
Israel runakunapa mandaqnin rey Baasawanmi rey Asa guërrata cada vezlla rurayaq.
17
Tsaymi rey Baasa Judá nacionchö Ramá markata vinciskir tsay markaman soldädunkunata churarqan Judápita tsayman pipis mana yaykunanpä ni tsaypita Judáman pipis mana yarqunanpä.
18
Tsaymi Asaqa Tayta Diospa wayinchö y palaciunchö churaraykaq qorita y yuraq qellayta jipiskir Siria nacionpa mandaqnin rey Ben-adadman apatsirqan. Ben-adadqa Tabrimónpa tsurin y Heziónpa willkanmi karqan. Payqa Damascuchömi taykarqan. Tsaynö apatsirmi encargakurqan niyänanpä:
19
«Rey Asam nin: «Pipis atacaptin papänikiwan papänï yanapanakuyänanpä pactuta rurayanqannö noqantsikpis yanapanakunantsikpä pactuta rurashun. Yanapamänaykipämi apaykätsimü qorita y yuraq qellayta. Tsaynölla manana atacamänanpä Israel nacionpa mandaqnin rey Baasata amana yanapaynatsu».
20
Tsaynö mañakuptinmi rey Ben-adad awnir soldädunkunata y capitanninkunata mandarqan Israel nacionchö kaq markakunata atacayänanpä. Atacarmi qechuyarqan Ijón, Dan y Abel-bet-maaca markakunata, Cineret partichö kaq markakunata y Neftalí partichö kaq markakunatapis.
21
Tsay markakunata atacayanqanta musyaykurmi rey Baasaqa Ramá markachö cuartelta shäritsinanpä qoritsinqankunata dëjaskir Tirsaman kutikurqan.
22
Tsaymi rey Asaqa llapan Judá runakunata Ramáman qayatsirqan. Chäyaptinmi Ramá markata siguraraq rumikunata y qerukunata Benjamínchö kaykaq Geba y Mizpa markakunaman apayarqan. Tsaykunawanmi tsay markakunata allitsatsir siguratsirqan.
23
Rey Asa ruranqankuna, guërrakunachö vincinqankuna y markakunata shäritsinqankunapis llapanmi Judá nacionpa mandaqnin reykunapa acta librunchö qellqashqa kaykan. Rukuna karmi chaki nanaywan Asa qeshyarqan.
24
Asa wanuskiptinmi Davidpa Markanchö unay castankuna pamparaykäyanqanman pampayarqan. Paypa trokinnam tsurin Josafatna rey karqan.
25
Ishkay watana Judá nacionchö Asa rey kaykaptinmi Israel nacionchö Jeroboampa tsurin Nadab rey kayta qallaykurqan. Nadabqa ishkay watallam rey karqan.
26
Payqa Tayta Diosta mana cäsurmi papänin Jeroboamnölla Israel runakunata jutsata ruratsirqan.
27
Juk kutim llapan Israel soldädunkunata qoriskir Nadab aywarqan Filistea nacionchö kaykaq Gibetón marka runakunata atacayänanpä. Tsaynö atacar markata jiruruypa tsaparaykäyaptinmi Ahíaspa tsurin Baasa contran shärir Nadabta wanuskatsirqan. Baasaqa Isacar trïbu runam karqan.
28
Tsaynö wanutsirqan Judá nacionchö kimsa wata Asa rey kaykaptinmi. Tsaynöpam Baasana Israel nacionchö rey karqan.
29
Rey kaykarmi Jeroboampita miraqkunataqa llapanta wanutsirqan. Llapanta tsaynö wanutsirqan Tayta Dios ninqanta profëta Ahías Siluchö willakunqannöllam.
30
Tsaynö päsarqan Israel runakunata kuyaq Tayta Diosta Jeroboam rabyanätsinqanpitam. Tsaynö rabyanätsirqan jutsata rurar y Israel runakunatapis jutsata ruratsirmi.
31
Rey Nadab wakin ruranqankunam Israel nacionpa mandaqnin reykunapa acta librunchö qellqashqa kaykan.
32
Israel runakunapa mandaqnin rey Asam rey Baasawan imaypis guërrata rurayaq.
33
Judá nacionchö Asa kimsa watana rey kaykaptinmi Israel nacionchö Ahíaspa tsurin Baasa rey kayta qallaykurqan. Paymi Tirsa markapita Israel runakunata mandarqan ishkay chunka chusku (24) wata.
34
Baasaqa Tayta Diosta mana cäsurmi Jeroboamnölla Israel runakunata jutsata ruratsirqan.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22