bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Kings 5
1 Kings 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
1
Tiro markapa mandaqnin rey Hirammi wiyarqan Davidpa tsurin Salomóntana rey kananpä churayanqanta. Tsaymi Davidpa kuyay amïgun kar runakunata mandarqan Salomónta felicitayänanpä.
2
Felicitayaptinmi Salomónqa tsay willakuqkunawan Hiramman encargakur nirqan:
3
«Qamqa musyankim contrankunawan pelyar papänï David Tayta Diospä templuta ruratsiyta mana puëdinqanta. Payqa Tayta Dios yanapaptin llapan contrankunata vinciskirrä templuta ruratsiytam yarparqan.
4
Kananqa Tayta Diosnï yanapamaptinmi llapan nacionkunawanpis tranquïluna kawaykäyä. Pipis conträ manana shäriptinmi guërrapis kannatsu.
5
Tsaymi kananqa yarparqü Tayta Diosnïpa templunta shäritsiyta. Templunta shäritsinäpämi papänï Davidta Tayta Dios nirqan: «Trokiki mandananpä tsurikita churaptïrämi templüta shäritsinqa».
6
Tsaynö kaptinqa templuta shäritsinäpä Líbano muntipita cedru qerukunata mututsipaykallämay. Qamqa musyankim kaychö täraq runakuna qeru mutuyta mana yachayanqanta. Tsaymi rugä arupäyäshuqnikikuna arupäyämaqkunata yanapaykuyänanpä. Arupäyäshuqnikikunapa jornalnintaqa ayka kaptinpis pägalläshaykim».
7
Salomón tsaynö ninqanta willayaptinmi pasaypa kushikur Hiram nirqan: «¡Tayta Dios alabashqa kaykullätsun! ¡Paymi Davidpa tsurinta shumaq yanapashqa yachaq kananpä y Israel nacionta alli mandananpä!»
8
Tsaypitanam Hiramqa Salomónta willatsir nirqan: «Mandamunqä runakunam rugamanqaykita willayämashqa. Kananqa mañakamanqaykinöllam cedru y ciprés qerukunata jipitsimushä.
9
Arupämaqkunam Líbanupita lamar kuchunyaq qerukunata jipiyämunqa. Tsaypitanam mayyaqpis nimanqaykiyaq shinrirkur balsatanö yakullapa apatsimushä. Tsaychönam qerukunata qoritsinki. Apatsimunqä qerukunapita mikuyta apatsimunki palaciüchö täraqkuna mikuyänanpä».
10
Rey Hiramnam cedru y ciprés qerukunata Salomón munanqanta apatsirqan.
11
Salomónnam Hirampa palaciunchö täraqkuna mikuyänanpä cada wata apatsiq chusku millón chusku pachak waranqa (4'400,000) kïlu trïguta y chusku waranqa chusku pachak (4,400) läta olïvus aceitita.
12
Tayta Diosqa awninqanta cumplirmi yachaq kananpä Salomónta yanaparqan. Tsaymi Hiram y Salomón pactuta rurayarqan imaypis mana chikinakuypa kawayänanpä.
13
Rey Salomón qayatsiptinmi entëru Israel nacionpita kimsa chunka waranqa (30,000) runakuna qorikäyarqan.
14
Tsay runakunatam kimsa grüpuman rakiskir cada killa juk grüputa Líbanuchö aruyänanpä mandarqan. Juk killa aruskirmi wayinkunaman kutiyarqan ishkay killa jamapäyänanpä. Faenachö aruqkunapa capatazninmi Adoniram karqan.
15
Tsaynöllam Salomónpa aruqninkuna kayarqan qanchis chunka waranqa (70,000) karqa ashtaqkuna y puwaq chunka waranqa (80,000) rumi llaqllaqkuna.
16
Runakunata arutsiyänanpänam kimsa waranqa kimsa pachak (3,300) capatazkuna kayarqan.
17
Aruqkunata rey Salomón mandaptinmi jatusaq allin rumikunata ashtaskamur templupa cimientunpä llaqllayarqan.
18
Tsaynöllam Gebal marka runakunapis Salomónpa aruqninkunata y Hirampa aruqninkunata qeru mutuychö y rumi llaqllaychö yanapayarqan.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22