bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Kings 21
1 Kings 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Jezreel markapitam juk runa Nabot jutiyuq karqan. Paypa üva chakranmi Samariapa mandaqnin rey Acabpa palaciun lädunchö karqan.
2
Juk kutichömi Nabotta Acab nirqan: «Huertä ruranäpä palaciü lädunchö kaykaq üva chakraykita allin kaq chakräwan trocaykushun. Qellaychö niptikipis qellaychömi pägashayki».
3
Peru Nabotnam nirqan: «Tayta Dios manam permitintsu castäkuna dëjapayämanqan herenciata pitapis rantikunäta».
4
Tsaynö niptinmi rey Acabqa pasaypa llakikurnin rabyashqa wayinpa kutikurqan. Chaykurmi cämanman jitakaskir pared kaq lädupa tikrakuskir mikuytapis munarqantsu.
5
Tsaynö kaykaqta rikaykurmi warmin Jezabel tapurqan: «¿Imapitatä llakishqa kaykanki? ¿Imanirtä mikuytapis munankitsu?»
6
Acabnam nirqan: «Jezreelpita Nabottam nirqü üva chakranta qellaywanpis o trocaypapis rantikamänanpä. Tsaynö niptïpis manam awnimashqatsu».
7
Tsaynö niptinmi warmin Jezabel nirqan: «Peru qamqa Israel nacionpa mandaqnin reymi kanki. Tsaynö kaykarqa mana llakikuypa mikuy. Nabotpa üva chakrantaqa noqam entregashayki».
8
Tsaymi jinan höra cartata rey Acabpa jutinchö Jezabel qellqarqan. Sëllunwan sëllaskirnam apatsirqan Nabotpa markan Jezreelchö täraq mayor runakunaman y autoridäkunaman.
9
Tsay qellqanqan cartachömi nirqan: «Llapayki qorikaykur ayunar runakunapa puntanman Nabotta jamatsiyay.
10
Tsaypitanam ishkay llulla runakunata yachatsiyanki «kay runaqa Tayta Diospa contran y mandamaqnintsik reypa contranmi parlashqa» nir Nabotpa contran niyänanpä. Tsaynöpa tsay markapita jukläman jipiskir Nabotta saqmaypa wanutsiyanki».
11
Llapan runakunawan autoridäkuna y mayor runakunam cartachö Jezabel ninqannölla rurayarqan.
12
Tsaymi ayunayänanpä qorikaskir llapan runakunapa puntanman Nabotta jamatsiyarqan.
13
Tsayman ishkay llulla runakuna chaykurmi Nabotta puntanman jamaskiyarqan. Paykunam llapan runakunapa puntanchö manakaqkunata tumpar niyarqan: «Kay runaqa Tayta Diospa contran y mandamaqnintsik reypa contranmi parlashqa». Tsaynö niyanqanta wiyaykurmi markapita jukläman jipiskir runakuna saqmar Nabotta wanutsiyarqan.
14
Tsaypitam Jezabelman willakatsir niyarqan: «Nabottam saqmaypa wanutsiyarqü».
15
Tsayta musyaskirmi Jezabelqa runan Acabta nirqan: «Üva chakranta rantikuyta mana munashuqniki Nabot wanushqanam. Kananqa tsay chakrapa duëñun kanaykipä ras ayway».
16
Nabot wanunqanta niptinmi Acabqa ras aywar Nabotpa üva chakranta duëñu tukurqan.
17
Tsaymi Elíasta Tayta Dios nirqan:
18
«Israel nacionpa mandaqnin rey Acabwan tinkunaykipä ayway. Payqa Samariachömi kaykan. Kanan höraqa Nabotpa üva chakranta tsarikunanpämi aywashqa.
19
Chaykur payta ninki: «Tayta Diosmi nin: ¿Imanirtä Nabotta wanuskatsir chakranta duëñu tukuykanki? Tsaynö ruranqaykipitam Nabotpa yawarninta allqukuna laqwayanqanchö qampa yawarnikitapis allqukuna laqwayanqa».
20
Tsaynö niptinmi Acabman Elías aywarqan. Payta rikaykurmi Acab nirqan: «Conträ kaykarqa ¿imaqtä shamurquyki?» Elíasnam nirqan: «Tayta Diosta mana cäsur llutankunata ruraptikim shamurqü.
21
Tayta Diosmi nishunki: «Imayka desgraciawanmi castigashayki. Tsaymi qampita miraq llapan ollqu kaqkunata ushakätsishä, esclävu o mana esclävu kayaptinpis. Noqaqa paykunata ushakätsishä shumpakunata pitsaqnömi.
22
Israel runakunata jutsata ruratsir rabyatsimanqaykipitam Nabatpa tsurin Jeroboamta y Ahíaspa tsurin Baasata tsurinkunatawan ushakätsinqänö qamtapis tsurikikunatawan ushakätsishayki».
23
Tsaynöllam Jezabelpäpis Tayta Dios nin: «Jezreel markapa murällan waqtanchömi Jezabelpa ayantapis allqukuna mikuyanqa».
24
«Tsaynöllam markachö wanuq castaykikunatapis allqukuna mikuyanqa. Markapita juklächö wanuq kaqkunatanam wiskurkuna mikuyanqa».
25
Acabnöqa manam pipis warmin ninqankunata cäsur Tayta Diosta rabyanätsirqantsu.
26
Tsaymi Acabqa pasaypa jutsata rurar amorreo runakuna adorayanqan ïdulukunata adorarqan. Tsay ïdulukunata adorayanqanpitam amorreo runakunata Tayta Dios Israel nacionpita qarqushqa karqan.
27
Tayta Dios ninqanta Elías willaptinmi rey Acab röpanta rachiskir lütu röpata jatikuskir ayunarqan. Tsaynöllam lütu röpan jatishqa punurqan y umpukashqalla purirqan.
28
Tsaymi Elíasta Tayta Dios nirqan:
29
«Acab llutanta ruranqanpita llakikuykanqanta ¿tantiyarquykiku? Tsaynö llakikur perdonta mañakamanqanpita kawanqanyaq manam ninqä castïgukuna kanqarätsu. Pay wanuskiptin tsurin mandaq kaykaptinrämi castïgukuna kanqa».
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22