bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Kings 4
1 Kings 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
1
Salomónqa llapan Israel runakunapa mandaqnin reymi karqan.
2
Paypa yanapaqninkunam kaykuna kayarqan: Sadocpa tsurin Azaríasmi sacerdöti karqan.
3
Sisapa tsurinkuna Elihorefwan Ahíasmi secretariun kayarqan. Ahiludpa tsurin Josafatmi Israelchö ima päsanqankunatapis qellqaq karqan.
4
Joiadapa tsurin Benaíam soldädukunapa capitannin karqan. Sadocwan Abiatarmi sacerdötikuna kayarqan.
5
Natánpa tsurin Azaríasmi gobernadorkunapa mandaqnin karqan. Natánpa tsurin Zabudmi sacerdöti y Salomónpa yätsiqnin karqan.
6
Ahisarmi palaciuchö kaqkunata cuidaq karqan. Abdapa tsurin Adonirammi faenachö aruqkunapa capataznin karqan.
7
Entëru Israel nacionchömi Salomónpa chunka ishkay gobernadorninkuna kayarqan. Paykunam cada ünunkuna watachö juk killayaq rey Salomónpä, Salomónpa castankunapä y yanapaqninkunapä mikuyta alistapäyaq.
8
Tsay gobernadorkunam kaykuna kayarqan: Ben-hurmi Efraín jallqakunachö gobernador karqan.
9
Ben-decarmi Macazchö, Saalbimchö, Bet-Semeschö, Elónchö y Bet-hanánchö gobernador karqan.
10
Ben-hesedmi Arubotchö, Socuchö y entëru Hefer partichö gobernador karqan.
11
Ben-abinadabmi entëru Dor provinciachö gobernador karqan. Paypa warminmi Salomónpa tsurin Tafat karqan.
12
Ahiludpa tsurin Baanam Taanacchö, Meguiduchö y entëru Bet-seánchö gobernador karqan. Bet-seán Saretán cercanchö y Jezreelpa uraläninchömi karqan. Tsaynöllam gobernador karqan Bet-seánpita hasta Abel-meholayaq y Jocmeam washa lädunyaq.
13
Ben-gebermi Galaadchö kaykaq Ramotchö gobernador karqan. Paypa poderninchömi karqan Manaséspa tsurin Jair shäritsinqan markakuna. Tsay markakunapis Galaadchömi karqan. Tsaynöllam Basánchö Argob provinciapis paypa poderninchö karqan. Tsaychömi joqta chunka (60) corralashqa jatusaq markakuna karqan. Tsay markakunaman yaykuna punkunkunapa trancankunam broncipita rurashqa karqan.
14
Iddupa tsurin Ahinadabmi Mahanaimchö gobernador karqan.
15
Ahimaasmi Neftalíchö gobernador karqan. Paypa warminmi karqan Salomónpa tsurin Basemat.
16
Husaipa tsurin Baanam Aserchö y Alotchö gobernador karqan.
17
Parúapa tsurin Josafatmi Isacar partichö gobernador karqan.
18
Elapa tsurin Simeim Benjamín partichö gobernador karqan.
19
Uripa tsurin Gebermi Galaad partichö gobernador karqan. Galaad partitaqa amorreo runakunapa mandaqnin rey Sehón y Basánchö rey Ogmi poderninchö unay tsarararqan. Tsay llapan gobernadorkunapa mandaqninmi juk gobernador karqan.
20
Judáchö y Israelchö täraq runakunaqa lamar kuchunchö arënanörämi yupaytapis mana atipaypä kayarqan. Atskaq kayaptinpis mikuyänanpäwan upuyänanpä sobray sobraymi karqan. Tsaynöpam llapanpis kushishqa kawayaq.
21
Salomónpa poderninchömi karqan Éufrates mayupita hasta Filistea nacionpa lindërunyaq y Egipto nacionpa lindërunyaq. Tsaychö täraq runakuna llapanmi impuestuta pägayaq. Salomón kawanqanyaqqa llapanpis tsay runakuna paypa poderninchömi kayarqan.
22
Salomónpäqa cada junaqmi mikuyta qoriyaq joqta waranqa joqta pachak (6,600) kïlu allin kaq jarinata, chunka kimsa waranqa ishkay pachak (13,200) kïlu corrienti kaq jarinata,
23
alli cëbashqa chunka törukunata, qewallachö wätashqa ishkay chunka (20) törukunata y pachak (100) üshakunata. Tsaynöllam qoriyaq tukuy casta lluytsukunata, wera wallpakunata y wera pätukunatapis.
24
Éufrates mayupita rupay ullunan kaq lädupaqa Salomón mandarqan Tifsapita hasta Gazayaqmi. Tsaychö reykunaqa llapanpis Salomónpa poderninchömi kayarqan. Tsaynöpam pay mandanqan kaqkunachöqa ima guërrapis karqantsu.
25
Salomón kawanqanyaqqa Judáchö y Israelchö täraq runakuna Danpita Beersebayaq kushishqam kawayarqan. Tsaymi üva y hïgus plantakunapa chakinkunachö tranquïlu jamakuyarqan.
26
Salomónpa carrëtankunata qarachaq chusku waranqa (4,000) caballukunapämi ramädakunapis karqan. Caballukunata muntaraq soldädukunapis chunka ishkay waranqam (12,000) kayarqan.
27
Mana qonqaypam rey Salomónpä y paypa mësanchö mikuqkunapäpis gobernadorkuna töcanqan killa trocanakuypa mikuyta apayaq. Tsaymi imapis faltaqtsu.
28
Tsaynöllam turnun chämuptin carrëtata qarachaq caballukunapä y wakin caballukunapäpis cebädatawan päjata apayaq.
29
Tayta Diosmi Salomónta yachayta qararqan shumaq tantiyaq kananpä. Tsaymi aja tantiyay kaqkunatapis payqa tantiyaskiq.
30
Salomónqa mas yachaqmi karqan Egiptuchö yachaq runakunapita y rupay yarqamunan läduchö täraq yachaq runakunapitapis.
31
Pïmay runapitapis mas yachaq kaptinmi Etánpis payman iwalarqantsu. Etánqa Zerapita miraqmi karqan. Tsaynöllam mas yachaq karqan Maholpa tsurinkuna Hemánpita, Calcolpita y Dardapitapis. Pïmaypitapis mas yachaq kanqanmi maytsaychöpis musyakarqan.
32
Kimsa waranqa (3,000) proverbiukunatam Salomón qellqarqan. Tsaynöllam waranqa pitsqa (1,005) poesíakunatapis qellqarqan.
33
Paymi tukuy casta jachakuna imanö kanqantapis tantiyarqan. Tsaymi Líbanuchö kaq jatusaq cedru qerukunapä y pirqakunachö wiñamuq qewakunapäpis alli yachatsirqan. Tsaynöllam yachatsirqan tukuy casta ashmakunapä, päriqkunapä, qarachaypa lätaypa puriqkunapä y pescädukunapäpis.
34
Salomón pasaypa yachaq kanqanta musyaskirmi maytsay nacionkunapita runakuna shayämuq yachaq kayninta wiyayänanpä.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22