bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Kings 14
1 Kings 14
Quechuan QXO (Biblia en Quechua del sur de Conchucos)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
1
Tsay witsanmi Jeroboampa tsurin Abías antsa qeshyar ujuraykarqan.
2
Tsaymi Jeroboamqa warminta nirqan: «Warmï kanqaykita pipis mana reqishunaykipä juk niraq röpata jatikurkur Silo markachö kaykaq profëta Ahíasman ayway. Paymi kay nacionpa mandaqnin rey kanäpä nimarqan.
3
Paypä chunka tantata, tortakunata y uylluwan abëjapa mishkinta apakurkur ayway. Tsaykunata qarar wamrantsik allïnanpä o antsänanpä kanqantapis tapunki».
4
Tsaynö niptinmi Jeroboampa warmin Silo markaman runan yätsinqannölla aywar profëta Ahíaspa wayinman charqan. Ahíasqa pasaypa rukuna karmi reqikurqannatsu.
5
Tsaymi Ahíasta Tayta Dios nirqan: «Jeroboampa warminmi mana reqinaykipä juk niraq röpan jatishqa chämunqa. Paymi qeshyaykaq wamranpä tapukushunki. Tsaynö chämuptin yätsinqänölla ninki».
6
Tsay warmi punkupa yaykuykaqta tantiyaskirmi Ahías nirqan: «Päsakallämuy, Jeroboampa warmin. ¿Imanirtä pipis mana reqishunaykipä juk niraq röpata jatikurkur shamurquyki? Tayta Diosmi nimashqa pasaypa desgracia päsashunaykipä kanqanta.
7
Kaypita kutiykur runayki Jeroboamta willanki Israel runakunata kuyaq Tayta Dios ninqanta: «Qamta akraskirnikim churarqü Israel runakunapa mandaqnin rey kanaykipä.
8
Tsaynöpam Davidpita miraqta jipirqü Israel nacionpa mandaqnin rey kanqanpita. Peru qamqa manam sirvimaqnï rey Davidnötsu mandamientükunata y leynïkunata llapan shonquykiwan cumplirquyki.
9
Cäsumänaykipa rantinmi despreciamar runa fundinqan ïdulukunata adorar pasaypa rabyanätsimarquyki. Tsaynö rurarmi qamqa wakin reykunapitapis mas peor jutsata rurarquyki.
10
«Tsayta ruranqaykipitam kananqa qampita miraq llapan ollqu kaqkunata ushakätsishä, esclävu o mana esclävu kayaptinpis. Wanuta pitsaqnömi paykunata ushakätsishä.
11
Markachö wanuqkunataqa allqukunam mikuyanqa. Markapita juklächö wanuqkunatanam wiskurkuna y condorkuna mikuyanqa». Tsaypitam Ahías nirqan: «Tsaynö päsananpä kanqantaqa kikin Tayta Diosmi nimashqa».
12
Tsaynö willaskirmi Jeroboampa warminta Ahías nirqan: «Kananqa markaykipana kutikuy. Markaykiman yaykuykaptikim wamrayki wanunqa.
13
Llapan Israel runakunam llakirnin waqar payta pampayanqa. Jeroboampa llapan tsurinkunapita japallanmi tsay wamra Israel runakunata kuyaq Tayta Diospa munanqannö kawashqa. Tsaymi Jeroboampa tsurinkunapita payllata tsaynö pampayanqa.
14
Tsaypitanam juk reytana Tayta Dios churanqa Israel runakunata mandananpä. Paymi Jeroboampita miraqkunata llapanta ushakätsinqa. Llapan tsay ninqäkunaqa kanan junaqmi cumplir qallaykunqa.
15
«Asera diösapä jawiyanqan raku qerukunata adorarmi Tayta Diosta Israel runakuna pasaypa rabyanätsiyan. Tsaymi pasaypa castigar paykunata qarqunqa unay castankunata entreganqan alli nacionpita Éufrates mayu mas washa lädunyaq.
16
Tsaynö qarqunqa Jeroboam jutsata rurar Israel runakunatapis jutsata ruratsinqanpitam».
17
Tsaynö willaykuptinmi Jeroboampa warmin kutikurqan täranqan Tirsa markaman. Wayinman yaykuykaptinmi wamran wanuskirqan.
18
Tayta Diospa sirviqnin profëta Ahías willanqannöllam Israel runakuna waqar Jeroboampa tsurinta pampayarqan.
19
Jeroboam guërrata ruranqankuna y Israel runakunata llapan mandanqankunapis Israel nacionpa mandaqnin reykunapa acta librunchömi qellqashqa kaykan.
20
Ishkay chunka ishkay (22) watam Israel runakunapa mandaqnin rey Jeroboam karqan. Pay wanuskiptinnam tsurin Nadabna rey karqan.
21
Judáchöqa Salomónpa tsurin Roboammi rey kaykarqan. Mandayta qallanqan witsanmi chusku chunka juk (41) watayuq kaykarqan. Tayta Dios akranqan Jerusalénpitam chunka qanchis wata mandarqan. Israel runakunapa llapan trïbunkunachö kaykaq markakunapitam Jerusalénta Tayta Dios akrarqan payta tsaychö adorayänanpä. Roboampa mamanpa jutinmi Naama karqan. Payqa Amón nacionpitam karqan.
22
Roboam rey kanqan witsanmi Tayta Diosta mana cäsur Judá runakuna jutsata rurayarqan unay castankunapitapis mas peorrä.
23
Tsaymi jirkankunachöpis y rämasapa muntikuna chakinchöpis juytu rumikunata ichiykatsir y Asera diösapä raku qerukunata jawiykur altarkunata shäritsiyarqan.
24
Tsaychömi diosninkunata adorar runakunapis y warmikunapis altarkuna kanqanchö jukwan jukwan kakuyaq. Tsaynöpam Tayta Dios unay qarqunqan mana Israel runakunanölla pasaypa melanaypä jutsata rurayan.
25
Roboam pitsqa wata rey kaykaptinmi Egiptupa mandaqnin rey Sisac soldädunkunawan Jerusalénman atacayänanpä aywar
26
Tayta Diospa templunpita y reypa palaciunpita llapan tesörunkunata apayarqan. Tsaynöllam rey Salomón ruratsinqan qori escüdukunatapis apayarqan.
27
Apayanqan escüdukunapa rantinmi broncipitana escüdukunata Roboam ruratsirqan. Tsaypitam palaciu punku cuidaq soldädukunapa mandaqninkunata entregarqan.
28
Templuman rey aywaptinmi soldädunkuna tsay escüdunkuna aptashqa paywan aywayaq. Palaciunman rey kutiptinnam soldädukunaqa tsay escüdukunata sälaman kutitsiyaq.
29
Roboam imata ruranqankunapis llapanmi Judá nacionpa mandaqnin reykunapa acta librunchö qellqashqa kaykan.
30
Roboam mandanqan witsanmi Jeroboamwan chikinakur guërrata imaypis rurayaq.
31
Roboam wanuskiptinmi Davidpa Markanchö unay castankuna pamparäyanqanman pampayarqan. Roboampa mamanmi Amón nacionpita Naama karqan. Roboampa trokinnam tsurin Abiamna rey karqan.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22