bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Kings 3
1 Kings 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
Tsaypitanam Salomónqa Egipto nacionpa mandaqnin rey Faraónpa tsurinwan casaraskir Davidpa Markanman pusharqan. Tsay witsanmi Salomón aruykätsirqan palaciunta, Tayta Diospa wayinta y Jerusalén markapa murällanta.
2
Tayta Diosta adorayänanpä wayin manarä kaptinmi altarkunallachö sacrificiuta rupatsiyaq.
3
Salomónqa Tayta Diosta kuyarmi papänin David yätsinqankunata llapanta cumplirqan. Peru juk lädu altarkunachömi sacrificiukunata rupatsir inciensiutapis qoshnitsirqan.
4
Llapan tsay altarkunapitapis Gabaónchö kaykaq altarqa mas jatun y mas reqishqam karqan. Tsaymi rey Salomón tsayman aywaykur waranqa (1,000) ashmakunata pishtaskir rupatsina sacrificiukunata rupatsirqan.
5
Gabaónchö Salomón kaykaptinmi sueñuyninchö yuripaskir Tayta Dios nirqan: «Imatapis mañakamanqaykitam alistapäshayki».
6
Tsaymi Salomón nirqan: «Sirvishuqniki papänï David llapan shonqunwan munanqaykinö kawaptinmi payta alli yanaparquyki. Kananpis pay raykurmi trokin rey kanäpä churamarquyki.
7
Tsaymi noqata churamaptiki papänïpa rantin rey kaykä. Jövinllarä kaptïmi imanö mandanäpäpis yarpaynï shumaq kanrätsu.
8
Kananqa yupaytapis mana atipaypä akranqayki runakunapa mandaqnin reymi kä.
9
Taytay, tsay runakunata shumaq mandanäpä alli yarpayta y yachayta qaraykallämay. Shumaq tantiyaykatsillämay yarpaynïkuna alli kanqanta o mana alli kanqantapis musyanäpä. Tantiyayta mana qaramaptikiqa manam kuyanqayki tsaytsika runakunata mandayta puëdishätsu».
10
Salomón mañakunqan alli kaptinmi
11
Tayta Dios nirqan: «Qamqa manam mañakamarquykitsu atska wata kawanaykipä, rïcu kanaykipä ni contraykikunata ushakätsinäpäpis. Sinöqa shumaq mandanaykipä alli tantiyaytam mañakamarquyki.
12
Tsaymi mañakamanqaykinö yanapashayki alli yarpayyuq y yachaq kanaykipä. Qam yachaq kanqaykinöqa manam pipis kashqatsu ni kanqatsu.
13
Tsaynöllam mana mañakamaptikipis yanapashayki rïcu kanaykipä y poderyuq kanaykipä. Tsaymi kawanqaykiyaqqa qampita mas poderyuq rey kanqatsu.
14
Noqa munanqänö llapan leynïkunata y mandamientükunata papäniki Davidnö cumpliptikiqa atska wata kawanaykipämi yanapashayki».
15
Pununqanpita rikchaskamurmi sueñunqanta Salomón tantiyarqan. Tsaymi Jerusalénman kutiykur Tayta Diospa Pactu Babulnin kaqman ras aywarqan. Tsaychömi rupatsina sacrificiukunata y alli päsakuy sacrificiukunata rupatsirqan. Tsaypitanam llapan yanapaqninkunapä mikuyta kusinatsirqan.
16
Tsay witsanmi rey Salomónman ishkaq prostitütakuna quejakuq aywar
17
jukaq warmi nirqan: «Taytay rey, kay warmiwan ishkä juk wayillachö tärarmi qeshyakurqä.
18
Qeshyakunqäpita kimsa junaqllatam paypis qeshyakushqa. Manam pipis karqantsu. Ishkalläkunam kayarqü.
19
Juk paqasmi punukashqa tikrapakunqanchö kay warmiqa wamranta wanuqpä ñitishqa.
20
Tsaymi wanushqa wamranta punukashqa kanqäyaq pullan paqas oqllaykatsimar noqapa wamräta oqllayninman apakushqa.
21
Rikchaskamur chuchunäpämi wanushqa wamrallana oqllaynïchö kaykänä. Patsa waraskiptin rikaykunäpäqa manam wamrätsu tsay wanushqa wamra kanä, sinöqa kay warmipa wamranmi».
22
Tsaynö niptinmi jukaq warmi nirqan: «Manam ninqaykinötsu. Kay kawaykaq wamraqa noqapa wamrämi. Qampa wamraykiqa wanushqa kaqmi». Niptinmi jukaq warmi nirqan: «Manam ninqaykinötsu. Qampa wamraykiqa wanushqa kaqmi. Noqapa wamräqa kawaq kaqmi». Tsaynö nirmi reypa lädunchö pasaypa rimanakuyarqan.
23
Tsaymi rey nirqan: «Juknikim niyanki: «Noqapa wamräqa kawaq kaqmi. Wanushqa kaqmi paypa wamran». Tsaynöllam juknikipis niyanki: «Paypaqa wanushqa kaqmi. Noqapaqa kawaq kaqmi».
24
Tsaynö nirmi yanapaqninta rey nirqan: «¡Espädata apamuy!» Espädata chäratsiptinnam
25
rey nirqan: «Kawaykaq wamrata pullanpa roquskir juknin warmita pullanta y juknin warmitana pullan kaqta entregay».
26
Tsaynö niptinmi wamrapa maman pasaypa llakikurnin reyta rugar nirqan: «¡Taytay, ama wanuykatsillaytsu! ¡Tsaypa rantinqa kawaykaqllata kay warmita entregaykuy!» Jukaq warminam nirqan: «Wamrata ishkayman roqutsun. Tsaynöpam paypis ni noqapis gustükunawan quëdayäshätsu».
27
Tsaymi rey nirqan: «Amana roquytsu. Wanunanta mana munaq kaq warmita entregay. Paymi rasunpa kaq mamanqa».
28
Tsay warmikunapa demandunta rey Salomón shumaq arreglanqanta musyarmi llapan runakuna tantiyayarqan yachaq kananpä Tayta Dios yanapanqanta. Tsaymi llapan runakunapis rey Salomónta alli rikayarqan.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22