bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 10
Deuteronomy 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 11 →
1
«Tsaypitam Tayta Dios nimarqan: «Punta kaqtanölla ishkay läja rumikunata ruray. Tsaynölla babultapis qerupita ruray. Tsay läjakunata apakurkur noqa kaykanqä jirkaman witsämuy.
2
Noqanam pakinqayki rumichö qellqanqätanö tsay läja rumikunaman yapay qellqaskir babulman churanaykipä entregashayki».
3
«Tsaynö nimaptinmi acacia qerupita babulta ruraskir ishkay läja rumikunata puntata ruranqätanö rurarqü. Tsay läjakunata apakurkurmi jirkaman witsarqä.
4
Tsaychömi puntata qellqanqannölla Tayta Dios yapay tsay läjakunaman chunka mandamientunkunata qellqarqan. Tsay mandamientukunaqa jirka chakinchö qorikashqa kaykäyaptiki nina lunyaykaqpita parlamunqan mandamientukunallam karqan. Tsaykunatam läjakunaman qellqaskir Tayta Dios entregamarqan.
5
Jirkapita kutiskamurnam Tayta Dios nimanqannölla tsay läjakunata ruranqä babulman churarqä. Tsaymi kananyaqpis babulchö churaraykan».
6
Beerot-bene-jaacánpita aywakurmi Israel runakuna Moseraman chäyarqan. Tsaychömi Aarón wanuskiptin pampayarqan. Tsaypitaqa tsurin Eleazarnam mandaq sacerdöti karqan.
7
Tsaypita aywakurnam Gudgoda partiman chäyarqan. Gudgodapita aywakurnam atska yaku kanqan Jotbata partiman chäyarqan.
8
Tsaychönam levitakunata Tayta Dios akrarqan Pactu Babulta apayänanpä, paypa puntanchö sirviyänanpä y paypa jutinchö runakunata bendisayänanpä. Tsaypitam kananyaqpis paykunaqa tsaykunata rurayan.
9
Tsaynö rurayänanpä churanqanpitam wakin kaq trïbukunanöqa levitakuna chakrata chaskiyashqatsu. Chakrata chaskiyänanpa rantinqa kikin Tayta Diosmi paykunapa herencian kaykan. Tsaynö kananpämi Tayta Dios nirqan.
10
Mastam Moisés nirqan: «Jirkachö puntata kanqänöllam yapaypis chusku chunka (40) junaq chusku chunka paqas karqü. Tsaychö mañakuptïmi Tayta Dios kuyapäyäshurniki ushakätsiyäshurqaykitsu.
11
Tsaypa rantinmi nimarqan: «Sharkur Israel runakunata pushay Abrahamta, Isaacta y Jacobta awninqä nacionman yaykuyänanpä».
12
Tsaypita mastam Moisés nirqan: «Israel runakuna, Tayta Dios imata munanqantapis kananmi willayäshayki. Payqa munan payta mantsapakur munanqannö kawayänaykitam. Tsaynöllam munan llapan shonquykikunawan y voluntänikikunawan payta kuyar sirviyänaykita
13
y kanan junaq yachatsinqä mandamientunkunata y estatütunkunata imaypis cäsuyänaykita. Tsaynöpam alli kawayanki.
14
«Ciëlupapis, kay patsapapis y llapan imaykapapis Tayta Diosmi duëñun.
15
Mayqan nación runakunata akrananpä poderyuq karmi unay castantsikkunata kuyar akrarqan. Tsaynöllam kuyanqan runakuna kayänaykipä qamkunatapis akrayäshurqayki. Kananpis kuyanqan runakunam kayanki.
16
Tsaynö kuyaykäyäshuptikiqa shonquykikunata señalakur shumaq tantiyakuyay Tayta Dios ninqankunata cäsuyänaykipä. Mana wiyakuqqa amana kayaytsu.
17
«Tayta Diosnintsikqa ima dioskunapitapis mas poderösum. Payqa llapan señorkunapa Señorninmi. Poderösu karmi espantaypä kaykan. Payqa pïmaytapis iwallla rikarmi ni pipapis favornin kananpä sobornuta chaskintsu.
18
Payqa waktsatapis viüdatapis kuyapanmi. Tsaynöllam qamkunachö täraq jäpa runakunata kuyapar mikuytapis röpatapis alistapan.
19
Tsaynö kaykaptinqa qamkunapis jäpa runakunata kuyapäyanki. Ama qonqayankitsu Egiptuchö tärar jäpa kayanqaykita.
20
«Tayta Diosta mantsapakur pay japallanta adorayanki. Pay munanqannölla imaypis kawayanki. Paypa jutillanchö jurayanki.
21
Payllata alabayanki. Tayta Diosnintsik karmi llapan rikanqantsik milagrukunatapis rurashqa.
22
Unay castantsikkuna qanchis chunkalla (70) Egiptuman chäyaptinpis Tayta Diosmi permitirqan qoyllurkunanöpis yupayta mana atipaypä mirayänanpä».
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34