bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 8
Deuteronomy 8
Quechuan QXO (Biblia en Quechua del sur de Conchucos)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 9 →
1
Tsaypita mastam Moisés nirqan: «Kanan willanqä mandamientukunata cumpliyanki. Tsaynö cumplirmi Abrahamta, Isaacta y Jacobta Tayta Dios awninqan nacionman yaykur atskaman mirayanki y allim kawayankipis.
2
«Chusku chunka (40) wata Tayta Dios pruëbaman churayäshurniki desiertupa puritsiyäshunqaykita ama qonqayaytsu. Tsaynö pruëbaman churayäshurqayki shonquykikunachö imata yarpaykäyanqaykita musyananpä y mandamientunkunata cäsuq o mana cäsuq kayanqaykita musyananpämi.
3
«Pasaypa mallaqaywan ñakatsiyäshurnikipis manátam mikuyänaykipä alistapäyäshurqayki. Tsay mikuytaqa manam unay castantsikkunapis ni qamkunapis reqiyarquykitsu. Tsaynöpam Tayta Dios tantiyatsiyäshurqayki kaynö ninqanta: «Manam tantata mikullartsu runa kawan, sinöqa Tayta Dios llapan ninqankunata cäsurmi».
4
«Chusku chunka watantin puriyaptikipis röpaykikuna manam ushakarqantsu, ni chakikikunapis manam pushllarqantsu.
5
Shumaq tantiyakuyay. Tsurinta papänin corriginqannömi qamkunatapis Tayta Dios corrigiyäshunki.
6
Tsaynö kaykaptinqa Tayta Diospa mandamientunkunata cumplir payta mantsapakuyay.
7
«Tayta Diosmi pushaykäyäshunki raqrakunachö y jallqakunachö atska yakuyuq y atska pukyuyuq nacionman.
8
Tsaychöqa trïgupis, cebädapis, üvapis, hïguspis, granadïllapis, olïvuspis pasaypam wayun. Tsaynöllam olïvuspita rurashqa aceitipis y abëjapa mishkinpis atska kaykan.
9
Tsay nacionchö mikuy atska kaptinmi mallaqaypis kanqatsu. Qaqakunachöpis fiërrum kaykan. Jirkakunapitam cobrita jipiyanki.
10
Awninqan nacionta entregayäshunqaykichö pacha junta kawarmi Tayta Diosta imaypis alabayanki».
11
Tsaypita mastam Moisés nirqan: «Tayta Diosta ama qonqayankitsu. Kanan junaq willanqä mandamientunkunata, leyninkunata y estatütunkunata imaypis cumpliyanki.
12
Imaykaykikunapis mana faltaptin kushishqa kawar, alli wayichö täyaptiki,
13
wäkaykikuna, üshaykikuna y cabraykikuna atskaman miraptin y qoriki, qellayniki y imaykaykikunapis atska kaptin
14
Tayta Diosta ama qonqayankitsu. Paymi Egiptuchö esclävu kayanqaykipita jipiyämushurquyki.
15
Tsaynöllam pushayämushurqayki pasaypa mantsaypä desiertupa. Tsaychömi wanutsikuq culebrakunapis atuq kurukunapis atska karqan. Upuyänaykipä yaku mana kaptinpis qaqapitam pashtatsimurqan.
16
Mikuyänaykipäpis manátam alistapäyäshurqayki. Tsay mikuytaqa manam unay castantsikkunapis reqiyarqantsu. Ñakatsiyäshurnikim pruëbaman churayäshurqayki tantiyakur alli kawayänaykipä.
17
Tsaynö kaykaptinqa ama yarpäyankitsu imaykatapis kikikikunapa kallpaykikunawan tariyanqaykita.
18
Tsaypa rantinqa tantiyakuyanki llapan imaykata tariyänaykipä Tayta Dios yanapayäshunqaykita. Unay castantsikkunawan pactu ruranqanta cumplirmi tsaynö yanapayäshunki.
19
«Tayta Diosta qonqaykur juk dioskunata adorayaptikiqa llapaykitam chipyaq ushakätsiyäshunki.
20
Mana cäsuyaptikiqa wakin nación runakunata ushakätsinanpä kanqannömi qamkunatapis Tayta Diosnintsik ushakätsiyäshunki».
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34