bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 31
Deuteronomy 31
Quechuan QXO (Biblia en Quechua del sur de Conchucos)
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
1
Tsaypitanam Israel runakunata Moisés yapay nirqan:
2
«Pachak ishkay chunka (120) watayuqna karmi qamkunata pushayta puëdïnatsu. Tsaymi Tayta Dios nimashqa Jordán mayuta manana päsanäpä.
3
Tayta Dios ninqannö Josuénam Jordán mayuta päsar pushayäshunki. Tsaynöllam kikin Tayta Dios puntaykikunata aywar tsay nacionchö täraq runakunata ushakätsinqa. Tsaynöpam paykuna täyanqan markakuna qamkunapäna kanqa.
4
«Amorreo runakunapa mandaqnin reykuna Sehónta y Ogta y mandayanqan runakunata ushakätsinqannömi yaykuyänaykipä kaykaq nacionchö taykaq runakunatapis Tayta Dios ushakätsinqa.
5
Tsay runakunata ushakätsiyänaykipäqa podernikikunamanmi Tayta Dios churamunqa. Churamuptin noqa ninqänölla llapanta ushakätsiyanki.
6
Ushakätsiyänaykipä valorta tsariyay. Tayta Diosmi qamkunawan aywanqa. Manam jaqishunkitsu ni qonqashunkitsu. Tsaynö kaykaptinqa tsay runakunata ama mantsayaytsu».
7
Tsaypitanam Josuéta qayaskir llapan runakunapa puntanchö Moisés nirqan: «Kananqa tseqllaykita chachak wachakakurkur mana mantsariypa kay runakunata pushay unay castantsikkunata Tayta Dios awninqan nacionman. Qammi tsay nacionman chaykatsir herenciankuna aypunki.
8
Kikin Tayta Diosmi puntaykita aywar imaypis yanapashunki. Manam jaqishunkitsu ni qonqashunkitsu. Tsaynö kaykaptinqa ama mantsarinkitsu».
9
Llapan kay tantiyatsinqankunata Moisés qellqaskirmi Pactu Babulta apaq Leví sacerdötikunata y mayor runakunata entregarqan.
10
Entregaskirnam paykunata nirqan: «Cada qanchis wata jaqakunata perdonayänan wata chämuptin Ramäda fiestachö
11
Tayta Dios akranqan sitiuman Israel runakuna qorikäyanqa. Tsaychö llapan wiyayänanpä kay leykunata liyipäyanki.
12
Tsaychömi ollqukunapis, warmikunapis, wamrakunapis y qamkunachö täraq jäpa runakunapis qorikäyanqa liyiyanqaykita wiyar Tayta Diosnintsikta mantsapakur yachakuyänanpä y kay leykunachö llapan ninqankunata cäsur kawayänanpä.
13
Tsaynöpam tsurikikunapis Tayta Diosta imaypis mantsapakuyänanpä yachakuyanqa. Jordán mayuta päsaskir chaskiyänaykipä kaq nacionchö tärar imaypis tsaynö liyiyanki».
14
Tsaypitam Moisésta Tayta Dios nirqan: «Wanunaykipä ichikllanam pishiykan. Tinkunantsik Tolduman Josuéta pusharkur shamuy. Tsaychömi payta yätsishä imata rurananpäpis». Tsaynö niptinmi Moiséswan Josué Tinkuna Tolduman aywayarqan.
15
Tsaychönam ichiraykaq pukutaychö Tayta Dios paykunata yuripurqan. Tsay pukutayqa Tinkuna Tolduman yaykuna punku jananchömi kaykarqan.
16
Tsaypitam Moisésta Tayta Dios nirqan: «Wanukur unay castaykikunawan tinkuq aywakunaykipä ichikllanam pishiykan. Wanuskiptikim Israel runakunata awninqä nacionman yaykur tsaychö täraq runakuna adorayanqan dioskunata adorayanqa. Tsaynöpam paykunawan pactu ruranqätapis qonqaskir cumpliyanqanatsu.
17
Tsaynö mana cumpliyaptinmi noqapis pasaypa rabyarnin dëjaskir yanapashänatsu. Tsaymi paykunata mana kuyapaypa castigaptï imayka desgraciakuna päsanqa. Pasaypa ñakarmi niyanqa: «Tayta Diosnintsik manana yanapamashqam kay tukuyläya desgraciakuna päsamantsik».
18
Tsaynö niyaptinpis llutankunata rurar juk dioskunata adorayanqanpitam paykunapita witikushä.
19
Tsaymi kanan yachatsishayki juk cantuta qellqaskir Israel runakunata yachatsinaykipä. Tsay cantuta cantarmi jutsata ruraykäyanqanta tantiyakuyanqa.
20
«Israel runakunatam kanan yaykutsishä unay castankunata awninqä nacionman. Tsaychöqa lichipis abëjapa mishkinpis yakunörä atska kaptinmi pacha junta mikuyanqa. Werayaskirnam juk dioskunata adorar qonqaskayämanqa. Tsaynö rurarmi paykunawan pactu ruranqätapis cumpliyanqanatsu.
21
Tsaynö kaptinqa kay cantuta paykunata yachatsinki. Tsaynöpam paykunapita miraq tsurinkunapis mana qonqaypa cantayanqa. Tsaymi mana cäsuyämanqanpita desgracia päsaptin y llakikuy tsariptin kay yachatsinqä cantukunata cantar jutsata ruraykäyanqanta tantiyakuyanqa. Awninqä nacionman manarä yaykuyaptinmi musyäna imanö kayänanpä kanqantapis».
22
Tsaynö niptinmi tsay höra cantuta qellqaskir Israel runakunata Moisés yachatsirqan.
23
Tsaypitanam Nunpa tsurin Josuéta Tayta Dios nirqan: «Qammi Israel runakunata awninqä nacionman chätsinki. Qamwan kaykaptïqa ama qelanaytsu ni mantsariytsu».
24
Moisésqa llapan leykunata libruman qellqaskirmi
25
Tayta Diospa Pactu Babulninta apaq levitakunata nirqan:
26
«Tayta Diosnintsikpa Pactu Babulnin lädunman kay libruta churayay. Kay libruqa testïgunömi kanqa jutsaykikunapita Tayta Dios juzgayäshunaykipä.
27
Noqaqa musyämi mana wiyakuq y mana tantiyakuq kayanqaykita. Kawaykaptillärä Tayta Diosta pasaypa rabyaykätsirqa wanuskiptï ¿imatanarä rurayankipis?
28
«Kananqa llapan mayor runakunata y cada trïbupa mandaqninkunata pushamuy Tayta Dios ninqankunata tantiyatsinäpä. Paykunata tantiyatsinqäpitaqa ciëlupis y kay patsapis testïgum kayanqa.
29
Musyänam wanukuptï Tayta Diosta mana cäsur tantiyatsinqäkunata qonqayänaykipä kanqanta. Llutankunata rurar Tayta Diosta pasaypa rabyanätsiyanqaykipitam pasaypa ñakayanki».
30
Tsaynö niskirmi llapan Israel runakunapa puntanchö kay cantuta qallananpita ushananyaq Moisés liyiparqan:
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34