bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 7
Deuteronomy 7
Quechuan QXO (Biblia en Quechua del sur de Conchucos)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
1
Tsaypita mastam Moisés nirqan: «Täyänaykipä kaq nacionman Tayta Dios chätsiyäshurnikim tsaychö taykaq atska nación runakunata ushakätsinqa. Tsay runakunam kayan heteo, gergeseo, amorreo, cananeo, ferezeo, heveo y jebuseo runakuna. Tsay qanchis nacionkunaqa qamkunapita mas atskaq y poderyuqmi kaykäyan.
2
Tsaynö kaptinpis qamkunapa podernikikunaman tsay runakunata Tayta Dios churamuptinmi paykunawan ima pactutapis rurayankitsu. Tsaypa rantinqa mana kuyapaypa llapanta ushakätsiyanki.
3
«Paykunawanqa ama churakäyankitsu. Warmi tsurikikuna ni ollqu tsurikikunapis paykunawanqa ama churakäyätsuntsu.
4
Tsurikikuna paykunawan churakarqa Tayta Diosman manana criyirmi juk dioskunata adorayanqa. Juk dioskunata adorayaptinqa Tayta Dios pasaypa rabyarmi llapaykita chipyaq ushakätsiyäshunki.
5
«Tsay nación runakunapa sacrificiuta rupatsikuyänan altarninkunata juchutsir adorayanqan juytu rumikunatapis pakir ushayanki. Asera diösata adorayänanpä jawiyanqan raku qerukunata mutuskir adorayanqan ïdulunkunatapis ninaman waykuyanki.
6
Qamkunaqa Tayta Dios akranqan santu runakunam kaykäyanki. Maytsay nación runakunapitam kuyanqan runakuna kayänaykipä akrayäshurquyki».
7
Tsaypita mastam Moisés nirqan: «Tayta Dios manam atskaq kanqantsikpitatsu akramarquntsik, sinöqa llapan nacionkunapita wallkaqllarä kaykashqam.
8
Kuyamarnintsikmi Tayta Dios akramarquntsik. Payqa Abrahamta, Isaacta y Jacobta awninqanta cumplirmi kuyamantsik. Tsaymi Egiptuchö Faraónpa poderninchö kaykanqantsikpita poderninwan jipimarquntsik.
9
Tsaynö kaykaptinqa Tayta Dios rasunpa Dios kanqanta shumaq tantiyakuyay. Payta kuyar mandamientunkunata cumpliqkunataqa imaypis kuyanqam. Tsaynöllam pactu ruranqanta cumplir waranqa (1,000) generación kanqanyaq yanapanqa.
10
Peru paypa contran shäriqkunatam sïqa pasaypa castigar mana shuyarätsiyllapa ushakätsinqa.
11
Tsaynö kaykaptinqa kanan junaq willanqä mandamientunkunata, estatütunkunata y leyninkunata mana qonqaypa cumpliyay».
12
Tsaypita mastam Moisés nirqan: «Kay leykunata cäsur cumpliyaptikiqa unay castantsikkunata kuyapar pactu ruranqantam Tayta Dios imaypis cumplinqa.
13
Tsaymi qamkunata kuyayäshurniki unay castantsikkunata awninqan nacionman pushayäshunki. Tsaychömi paypa bendicionninwan wamraykikunapis atskaq kayanqa. Chakraykikuna shumaq wayuptinmi mikuynikikunapis atska kanqa. Vïnuykikunapis, aceitikikunapis manam ushakanqatsu. Tsaynöllam wäkaykikuna, üshaykikuna y cabraykikunapis tsaytsikaman mirayanqa.
14
Wakin nacionkunapitapis masmi qamkunamanqa bendicionninta churamunqa. Tsaymi qamkunachöqa ollqupis ni warmipis qolluq kanqatsu. Ashmaykikunapis manam machöraqa kanqatsu.
15
Imayka qeshyakunapitapis Tayta Diosmi tsapäyäshunki. Egipto runakunata plägakunawan ñakatsinqannöqa manam qamkunata ñakatsiyäshunkitsu. Contrayki shäriqkunatam sïqa tsay plägakunawan ñakatsinqa.
16
«Tayta Dios podernikikunaman churamunqan runakunataqa mana kuyapaypa llapanta ushakätsiyanki. Paykuna adorayanqan dioskunata ama adorayankitsu. Tsaykunata adorarqa llutan ruraykunamanmi ishkiyanki.
17
«Tsaychö täraq runakunata rikar ama yarpäyankitsu qamkunapita mas atskaq kayaptin mana ushakätsiyänaykipä kanqanta.
18
Peru atskaq kayaptinpis ama mantsayankitsu. Tsaypa rantinqa yarpäyay Faraónta y Egipto runakunata Tayta Dios imanö castiganqanta.
19
Tsaynölla yarpäyay señalkunata, milagrukunata y espantaypä kaqkunata rurar poderninwan Tayta Dios Egiptupita jipimanqantsikta. Egiptupita yarqamunantsikpä yanapamanqantsiknömi mantsayanqayki runakunata ushakätsiyänaykipäpis yanapayäshunki.
20
«Makikikunapita qeshpiqkunatapis pakakuqkunatapis kikin Tayta Diosmi qarqunqa.
21
Poderösu Tayta Dios yanapaykäyäshuptikiqa tsay runakunata ama mantsayaytsu.
22
Tsay runakunata Tayta Dios manam rasllatsu ushakätsinqa, sinöqa wallka wallkallam qarqunqa. Llapanta ras qarquptinqa tsunyaq quëdaptinmi jirka ashmakuna mirar ushayäshunki.
23
«Tayta Diosmi yanapayäshunki tsay runakunata ushakätsiyänaykipä.
24
Mandaq reykunata wanutsiyaptikim paykunapa jutinkunapis qonqakanqa. Tsaymi qamkunata pipis pärapuyäshunkitsu.
25
Paykunapa llapan ïdulunkunata rupatsir qoriwan qellaywan enchapanqankunata ama quëdatsikuyankitsu. Quëdatsikurqa llutan ruraykunaman churakarmi Tayta Diosta rabyatsiyanki.
26
Tsaynö kaykaptinqa tsay ïdulukunata ni enchapayanqan qorita ni qellayta wayikikunaman ama apayankitsu. Apayaptikiqa qamkunatapis Tayta Diosmi ushakätsiyäshunki. Melanaypä kaqta imatapis mana yatayanqaykinö tsaykunatapis ama yatayankitsu».
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34