bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 24
Deuteronomy 24
Quechuan QXO (Biblia en Quechua del sur de Conchucos)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
1
«Aybësis cäsu kanmanmi juk runa warminwan taykäyanqanchö penqakuypä kaqkunata warmin ruraptin rakikänanpä divorciu papelta firmapaskir wayinpita qarqunqan.
2
Tsay warmi aywakur juk runawan yapay churakaptin
3
tsay runanpis rakikänanpä papelta entregaykur wayinpita qarquptin o tsay runan wanuptinqa
4
manam punta kaq runanwan amishtanqanatsu. Tsay warmiqa punta kaq runanpä impüru karmi yapay kutipänakurqa Tayta Diosta pasaypa rabyatsinqa. Tsaynö rurarqa Tayta Dios entregayäshunaykipä kaykaq naciontam impüruyätsinki.
5
«Warmiwan tsayrä churakashqa runataqa guërraman ama mandayankitsu ni ima autoridä kananpäpis ama churayankitsu. Juk watayaqmi libri kanqa warminwan kushishqa shumaq kawayänanpä.
6
«Pipa tunayninta ni maraynintapis prenda ama apayankitsu. Tsaykunata prenda apaptikiqa aqakunanpä mana kaptin mikunanpäpis manam kanqatsu.
7
«Pipis Israel mayinta sirviqninpä o rantikunanpä suwaptinqa tsay runata wanutsiyanki. Tsaynöpam Israel nacionchö tsaynö runakunata ushakätsiyanki.
8
«Pitapis lepra tsariptinqa levita sacerdötikunamanmi rikayänanpä aywanqa. Paykunaqa musyayanmi leprapita llapan ninqäkunata. Tsaynö kaykaptinqa lepra tsarishuptiki imatapis ruranaykipä niyäshunqaykita llapanta cumpliyanki.
9
Ama qonqayankitsu Egiptupita shamuykashqa Maríata Tayta Dios leprawan castiganqanta.
10
«Runa mayikita qellayta prestarqa imantapis prenda tsariyänaykipä wayinmanqa ama yaykuyankitsu.
11
Yaykuyänaykipa rantinqa wayi punkullanchö shuyaräyanki prendata kikin entregashunqaykiyaq.
12
Pobri kar punchunta o jakunta prenda churamuptinqa waraynin junaqyaq ama tsararäyankitsu.
13
Tsaypa rantinqa tsay tardilla kutitsiyanki qatakurkur punukunanpä. Tayta Dios munanqanta tsaynö rurayaptikim agradëcikushurniki payta mañakunqa bendisashunaykipä.
14
«Markaykichö täraq Israel mayiki o jäpa runa kaptinpis pobri kar arupäyäshuptiki ama engañayankitsu ni päguntapis demoratsiyankitsu.
15
Tsay tardilla pägayanki mikuyninta rantipakunanpä. Mana pägaptikiqa Tayta Diosta quejakuptinmi castigayäshunki.
16
«Tsurinpa jutsanpita ama mamanta ni papäninta wanutsiyankitsu. Tsaynölla mamanpa o papäninpa jutsanpita tsurinta ama wanutsiyankitsu. Tsaypa rantinqa jutsa ruraq kaqta wanutsiyanki.
17
«Jäpa o waktsa kaptinpis llapan runakunata shumaq arreglayanki. Viüdakunapa röpantapis prenda ama tsariyankitsu.
18
Ama qonqayaytsu qamkunapis Egiptuchö esclävu kar ñakaykäyanqaykipita Tayta Dios jipiyämushunqaykita. Tsaymi qamkunata yätsiykä imanö kaptinpis llapan runakunata shumaq arreglayänaykipä.
19
«Trïgu cosechar juk manöjuta qonqaskir qoriq ama kutiyankitsu. Tsaytaqa dëjaykuyanki markaykichö taykaq jäpa runakunapä, waktsakunapä y viüdakunapä. Tsaynö rurayaptikim ima aruyanqaykimanpis Tayta Dios bendicionninta churamunqa.
20
Aceitünasta pallarpis ashi ashiykurqa ama pallayankitsu. Quëdaq kaqtaqa jäpa runakunapä, waktsakunapä y viüdakunapänam dëjayanki.
21
Üvata pallarpis ashi ashiykurqa ama qoriyankitsu. Quëdaq kaqtaqa markaykikunachö täraq jäpa runakunapä, waktsakunapä y viüdakunapänam dëjayanki.
22
Egiptuchö esclävu kayanqaykita ama qonqayaytsu. Tsaymi kanan nï jäpa runakunata, waktsakunata y viüdakunata kuyapäyänaykipä.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34