bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 20
Deuteronomy 20
Quechuan QXO (Biblia en Quechua del sur de Conchucos)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
1
«Guërraman aywar contraykikunapa soldädunkuna, caballunkuna y carrëtankuna atska kaptinpis ama mantsariyankitsu. Egiptupita jipimaqnintsik Tayta Diosmi paykunata vinciyänaykipä yanapayäshunki.
2
Guërrata qallayänaykipäqa sacerdötim llapan runakunata yätsinqa:
3
«Israel runakuna, wiyayämay. Contrayki soldädukunawan kanan junaq pelyar mana mantsariypa y mana qelanaypa pelyayay.
4
Qamkunawanmi Tayta Diosnintsik kaykan. Contraykikunawan kikin pelyarmi tsapäyäshunki».
5
«Sacerdöti tsaynö niptinmi mandaq runakunapis niyanqa: «Mayqaykipis wayi rurayta tsayrä ushashqa karqa wayikikunaman kutikuyay. Guërrachö wanuyaptikiqa wayikichö juknam täranqa.
6
Mayqaykipis plantanqayki üvapa wayuyninta manarä pallarqa wayikikunaman kutikuyay. Guërrachö wanuyaptikiqa üvaykipa wayuyninta juknam pallanqa.
7
Mayqaykipis churakänaykipä jipashwan parlashqa karqa wayikikunaman kutikuyay. Guërrachö wanuyaptikiqa juknam tsay jipashwan churakanqa».
8
«Tsaynö niskirmi mandaq runakuna yapay niyanqa: «Mayqaykipis mantsariywan llakikurqa wakin kaqkunapis mana mantsariyänanpä wayikikunaman kutikuyay».
9
Mandaqkuna tsaynö parlayta ushaskirmi runakunapa puntanta guërraman aywayanqa.
10
«May markamanpis atacaq aywar paykunawanrä puntata parlayanki mana pelyayänaykipä.
11
Ninqaykita awnir markanman yaykuyänaykipä dëjayäshuptikiqa paykunawan ama pelyayankitsu. Tsaypa rantinqa paykunata churayanki faenachö imaypis arupäyäshunaykipä.
12
Qamkunata mana cäsuyäshurniki atacayäshunaykipä yarqamuptinqa tsay markata jiruruypa tsapaskir juklla atacayanki.
13
Qamkunapa makikikunaman tsay markata Tayta Dios churamuptinqa tsaychö täraq llapan ollqu kaqkunata espädawan wanutsiyanki.
14
Warmikunata, wamrakunata, ashmakunata y imaykankunatapis kikikikunapäna apakuyanki. Tsay runakunapa mikuynintapis Tayta Dios alistapaykäshuptikiqa apakuyanki.
15
«Manam yaykuyänaykipä nacionchö kaq markakunata tsaynö rurayänaykipätsu nï, sinöqa mas karuchö kaykaq markakunata tsaynö rurayänaykipämi.
16
Tayta Dios entregashunaykipä kaykaq nacionman yaykurqa pitapis kawaykaqtaqa ama dëjayankitsu.
17
Tsaypa rantinqa Tayta Dios niyäshunqaykinölla heteo, amorreo, cananeo, ferezeo, heveo y jebuseo runakunata llapanta ushakätsiyanki.
18
Mana ushakätsiyaptikiqa diosninkunata adorar llutanta rurayänaykipämi inkitayäshunki. Tsaynö rurarqa Tayta Diosnintsiktam pasaypa rabyatsiyanki.
19
«May markatapis pelyayänaykipä atska killa atacarqa wayuq jachakunata ama mutuyankitsu. Tsay jachakunata mutuyaptikiqa wayuyninta mikuyänaykipä manam kanqatsu. Jachakunaqa manam runatsu kaykan atacayäshunaykipä.
20
Peru mana wayuq jachakunatam sïqa escalërakunata ruraskir markaman pelyaq yaykuyänaykipä mutuyanki.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34