bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 33
Deuteronomy 33
Quechuan QXO (Biblia en Quechua del sur de Conchucos)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
1
Moisésqa Tayta Dios akranqan runam karqan. Paymi manarä wanukur Israel runakunata bendisarnin
2
nirqan: «Tayta Diosmi Sinaí jirkapita shamushqa. Seirpitam atsikyapämarquntsik. Parán jirkapitam chipipïmushqa. Chunka waranqa (10,000) angelninkunawanmi shamushqa. Ninanörämi leyninpis derëcha kaq makinchö chipipïmushqa.
3
Tayta Diosqa kuyanmi akranqan runakunata. Pay munanqannö kawaq santu runakunataqa makinchömi tsararan. Paykunaqa Diospa puntanmanmi qonqurikuyan. Tsaychömi tantiyatsinqanta chaskikuyan.
4
Diospa leyninkunataqa Moisésmi willamarquntsik. Jacobpita miraq kashqam tsay leykunaqa herenciantsiknö kaykan.
5
Jesurún runakunapa mandaqninkuna llapan trïbukunawan qorikarninmi Tayta Diosta chaskiyarqan mandaqnin rey kananpä».
6
Rubén trïbu runakunapämi Moisés nirqan: «Wallkaqlla karpis Rubén trïbu runakunaqa ama ushakäyätsuntsu».
7
Judá trïbu runakunapämi Moisés nirqan: «Tayta Dios, Judá trïbu runakuna mañakuyäshunqaykita wiyaykullay. Paykunataqa mashtakashqa kaptinpis qoriykullay. Podernikiwan tsapaykullay. Contrankunata vinciyänanpä yanapaykullay».
8
Leví trïbu runakunapämi Moisés nirqan: «Tayta Dios, Masahchö y Meribachö yaku pashtamunqan kaqchömi Leví trïbu runakuna cäsuyäshunqaykita o mana cäsuyäshunqaykita musyayta munarqayki. Ninqaykita wiyakuq kaptinmi paykunata aptatsirquyki Tumimtawan Urimta.
9
Paykunaqa ninqaykita cäsurmi pactu ruranqaykita cumpliyarqan. Mamankunata, papäninkunata, wawqinkunata y tsurinkunata kuyayanqanpitapis masmi qamta kuyayäshunki.
10
Ninqaykikunatapis Jacobpita miraq runakunatam tantiyatsiyan. Leynikikunatapis Israel runakunatam yachatsiyan. Läduykichömi inciensiuta qoshnitsiyan. Altar jananchömi rupatsina sacrificiuta rupatsiyan.
11
Tayta Dios, paykuna sirviyäshunaykipä yanapaykullay. Paykuna rurayanqan shonquykipänö kaykullätsun. Chikiqninkuna yarpäyanqankunata manakaqman churaykullay. Contrankunapis amana shäriyätsunnatsu».
12
Benjamín trïbu runakunapämi Moisés nirqan: «Paykunaqa Tayta Dios kuyanqanmi kaykäyan. Diospa puntanchö kushishqam kawayan. Paykunatam imapitapis tsapanqa. Makillanchömi imaypis tsararanqa».
13
Josépita miraq trïbu runakunapämi Moisés nirqan: «Paykunapa chakrankunamanqa Tayta Dios bendicionninta churaykullätsun. Shumaq ushmananpä ciëlupita shullyatsimutsun. Qarpayänanpä yakutapis patsa rurinpita pashtatsimutsun.
14
Tsaynölla rupaypa achayninwan mikuyninkunapis shumaq poquykullätsun. Cosëchankunapis tiempullanchö alli qeshpiykullätsun.
15
Jirkankunachöpis mikuyninkuna alli wayuykullätsun. Jallqakunachöpis atskata cosechaykuyällätsun.
16
Chakrankunapis alli chakra kaykullätsun. Mikuyninkunapis alli wayuykullätsun. Rupaykaq shirakachö yuripukuq Tayta Dios paykunata kuyapaykullätsun. Josétam llapan wawqinkunapita mandaq kananpä akrarqan. Josépita miraq trïbu runakunapä kay bendición kaykullätsun.
17
Punta yuriq töru kallpayuq kanqannömi kallpayuq kaykäyan. Waqrakuq töru runakunata waqrar ushanqannömi maytsay nación runakunatapis vincir ushayanqa. Yupaytapis mana atipaypä Efraín runakunaqa tsaynömi kayanqa. Yupaytapis mana atipaypämi Manasés runakunapis tsaynö kayanqa».
18
Zabulón trïbu runakunapä y Isacar trïbu runakunapämi Moisés nirqan: «Zabulón trïbu runakuna maypa purirpis kushikuyätsun. Isacar trïbu runakuna toldunkunachö alli kawayätsun.
19
Paykunaqa täyanqan läduchö jirkamanmi juklä runakunata qayatsiyanqa. Tsaychömi Tayta Dios munanqannö sacrificiukunata rupatsiyanqa. Tsaynöllam lamarchö atska pescädukunata tsarir kushishqa kawayanqa. Lamar kuchun arënachö tarinqan kaqkunawanmi rïcuyäyanqa».
20
Gad trïbu runakunapämi Moisés nirqan: «Tayta Dios alabashqa kaykullätsun. Paymi Gad trïbu runakunapa chakrankuna atska kayänanpä yanaparqan. Paykunaqa cäzaq leonnömi kaykäyan. Tsaymi vincinqan runapa rikrantapis umantapis pakiyan.
21
Paykunaqa allinnin kaq chakrakunatam tsariyashqa. Chakrankunaqa soldädukunapa mandaqninkunapa allinnin kaq chakrannömi kaykan. Israel mayinkunata yanaparmi puntanta aywayarqan. Llapantapis Tayta Dios tantiyatsinqannöllam cumpliyarqan. Israel nacionchöqa Tayta Dios munanqantam rurayarqan».
22
Dan trïbu runakunapämi Moisés nirqan: «Dan trïbu runakunaqa Basán partipita yarqamuq malta leonnömi kaykäyan».
23
Neftalí trïbu runakunapämi Moisés nirqan: «Neftalí trïbu runakunataqa Tayta Dios kuyanmi. Paykunataqa atskamanmi bendisarqan. Qocha kuchunpam chakrankunapis kaykan».
24
Aser trïbu runakunapämi Moisés nirqan: «Aser trïbu runakunaqa wakinkunapita masrä bendicionta chaskiyätsun. Paykunata Israel mayinkuna kuyayätsun. Chakinkunata llushiyänanpä olïvus aceitipis sobray sobray kaykullätsun.
25
Marka yaykuna punkunpa trancankunapis fiërrupita y broncipita rurashqa kaykullätsun. Kallpankunapis wanuyanqanyaq kaykullätsun».
26
«Manam ima diospis kantsu Jesurúnpa Diosninnöqa. Payqa pukutay janallanpam yanapayäshunaykipä shamun.
27
Imayyaqpis kawaq Tayta Diosmi imaykapitapis tsapäshunki. Makinchömi imaypis tsararäshunki. Paymi chikishuqnikitapis puntaykikunapita qarqun. Tsaynö qarquptinmi qatikachar ushakätsiyanki.
28
Israel runakunaqa tranquïlum kawayanqa. Jacobpita miraqkunapis kushishqam kawayanqa. Chakrankunachö trïgupis üvapis allim wayunqa. Tiempullanchömi tamyapis tamyamunqa.
29
Israel runakuna, qamkunatam Tayta Dios kuyayäshunki. Qamkunanö kushishqa kawaytaqa ¿pirä munanmantsu? Qamkunataqa Tayta Diosmi salvayäshurquyki. Paymi imaykapitapis tsapäshunaykipä escüdu kaykan. Paymi contraykikunata vinciyänaykipä espäda kaykan. Pay yanapayäshuptikim chikishuqnikikunatapis ushakätsiyanki. Diosninta adorayanqan altarkunatapis chipyaqmi juchutsiyanki».
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34