bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 15
Deuteronomy 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 16 →
1
«Pipis jaqayki kaptin cada qanchis watachö perdonar ama cobrayankitsu.
2
Tsay wata chämuptin mayqaykipis Israel mayikita prestanqaykita perdonar ama cobrayankinatsu. Tsay wataqa kanqa Tayta Diosta cäsur jaqakunata perdonayänayki watam.
3
Jäpa runataqa jaqaykita cobrayanki. Peru Israel mayikitaqa jaqayki kaptinpis perdonayanki.
4
«Tsaynö rurayaptikiqa entregashunaykipä kaykaq nacionchömi Tayta Dios bendicionninta churamunqa. Tsaymi qamkunachöqa ni pobrikunapis kanqatsu.
5
Tayta Diosmi bendicionninta churamunqa kanan willanqä mandamientunkunata cumpliyaptiki.
6
Awninqannö bendicionninta churamuptinmi wakin nación runakunata prestayänaykipäpis kanqa. Peru qamkunaqa manam pipitapis prestakuyankitsu. Tsaynöllam atska nacionkunata podernikichö tsararäyanki. Peru qamkunatam sïqa ni pipis poderninchö tsararäyäshunkitsu.
7
«Tayta Dios entregashunaykipä kaykaq nacionchöna taykar marka mayiki pobri kaptinqa yanapayanki. Mana kuyapäkuqqa ama kayankitsu.
8
Tsaypa rantinqa prestakuyäshuptiki nisitayanqanta prestayanki.
9
Jaqakunata perdonayänan wata chämunanpä kanqantana tantiyar ama yarpäyankitsu manana prestayänaykipä kanqanta, sinöqa mañakuyäshuptiki prestayanki. Mana prestayaptikiqa nisidächö kaykaq runa Tayta Diosman quejakuptinmi jutsayuq kayanki.
10
Tsaynö kaykaptinqa llapan voluntänikikunawan faltapakuqkunata yanapayanki. Tsayrämi Tayta Dios bendicionninta churamunqa llapan aruyanqaykikunaman.
11
Kay patsachöqa pobrikuna imaypis kayanqam. Tsaymi nï marka mayikikuna nisidächö kaptin yanapayänaykipä.
12
«Hebreo mayiki ollqu o warmi karpis sirvishuqniki kananpä qampita qellayta jipishqa karqa joqta watayaqllam arupäyäshunki. Qanchis watachöqa librinam yarqukunqa.
13
Yarqukuptin ama jinayllataqa despachayankitsu.
14
Tsaypa rantinqa Tayta Dios bendicionta churamunqanpita ashmata, trïguta y vïnutapis apananpä qarayanki.
15
Ama qonqayankitsu qamkunapis Egiptuchö esclävu kayanqaykipita Tayta Dios jipiyämushunqaykita. Tsaymi qamkunata nï sirvishuqnikikunata libritana dëjayänaykipä.
16
«Peru sirvishuqniki qamkunawan y castaykikunawan yachakashqa kar aywakuyta mana munaptinqa
17
punkupa marcunman apaykur rinrinta alisnawan uchkuyanki. Tsaynöpam wanunqanyaq sirvishuqniki kanqa. Tsaynölla rurayanki sirvishuqniki warmi kaptinpis.
18
«Sirvishuqniki librina aywakuptin ama rabyakuyankitsu. Tantiyakuyay arupakuqta pägayänaykipä kanqanpita mënusllata pägayanqaykita. Barätullapämi joqta watantin arupäyäshurquyki. Sirvishuqnikikunata tsaynö dëjayaptikiqa Tayta Diosmi llapan arunqaykikunamanpis bendicionninta churamunqa.
19
«Wäkaykikunapa, üshaykikunapa y cabraykikunapa punta yuriq orqu wawantaqa Tayta Diospä rakiyanki. Wäkaykikunapa punta kaq orqu wawanta ama arutsiyankitsu. Üshaykikunapa punta kaq orqu wawanpa millwantapis ama rutuyankitsu.
20
Tsay punta yuriqkunataqa Tayta Dios akranqan sitiuman apaykur cada wata llapan castaykikunawan sacrificiuta rupatsir paypa puntanchö mikuyanki.
21
Weqruta, qaprata o imanpis däñashqa kaqtaqa Tayta Diospä sacrificiuta ama rurayankitsu.
22
Tsaypa rantinqa markaykikunallachö mikuyanki. «Püru impüru karpis tarushta y lluytsuta tsarir mikuyanqaykinö mikuyanki.
23
Yawarninta mikuyänaykipa rantinqa yakutanö patsaman jichariyanki.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34