bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 9
Deuteronomy 9
Quechuan QXO (Biblia en Quechua del sur de Conchucos)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
1
Tsaypita mastam Moisés nirqan: «Israel runakuna, shumaq wiyayämay. Qamkunaqa Jordán mayuta päsar poderyuq runakuna täyanqan nacionmanmi yaykuyanki. Tsay runakunaqa qamkunapita mas atskaqmi kayan. Markankunapis jatunmi y altuyaq murallashqam.
2
Musyayanqaykinöpis paykunaqa Anacpita miraq karmi jatusaq runakuna kaykäyan. Tsaymi paykunapä runakuna niyan: «¿Pirä pärapunman Anacpita miraq jatusaq runakunata?»
3
«Tsaynö kaptinpis Tayta Dios puntaykikunata aywarmi nina ushaqnö paykunata ushakätsinqa. Awninqannöllam yanapayäshunki paykunata ras ushakätsiyänaykipä.
4
Tsaynö yanapayäshuptiki cuidädutä shonquykikunachö yarpar niyankiman: «Cäsukuq kanqantsikpitam Tayta Dios tsay runakunata ushakätsishqa». Manam cäsukuq kayanqaykipitatsu ushakätsinqa, sinöqa tsay runakuna jutsa rurayllachö kayanqanpitam.
5
Yapaymi qamkunata nï: Manam cäsukuq kayanqaykipitatsu tsay nacionta Tayta Dios entregayäshunki, sinöqa tsaychö täraq runakuna jutsasapa kayanqanpitam. Tsaynö entregayäshurnikim unay castantsikkunata awninqanta cumplinqa.
6
Shumaq tantiyakuyay. Manam cäsukuq kayanqaykipitatsu Tayta Dios tsay alli nacionta entregaykäyäshunki, sinöqa tsay runakuna jutsasapa kayanqanpitam. Qamkunapis mana wiyakuq runakunam kayanki».
7
«Tayta Diosta desiertuchö rabyatsiyaptiki castigayäshunqaykita imaypis ama qonqayaytsu. Egiptupita yarqayämunqayki junaqpita kayman chäyämunqaykiyaqpis manam payta cäsuyarqaykitsu.
8
Horeb jirkachö rabyatsiyanqaykipitam ushakätsiyäshunkiman karqan.
9
Jirkachö kanqäyaqmi tsaynö rabyatsiyarqayki. «Tsay jirkamanmi witsarqä Tayta Dios qamkunawan pactu ruranqanta läja rumikunachö qellqashqa kaykaqta chaskimunäpä. Tsaychömi karqä chusku chunka (40) junaq y chusku chunka paqas imatapis mana mikuypa y yakutapis mana upuypa.
10
Tsay jirka chakinchö kaykäyaptikim nina lunyaykaqpita Tayta Dios parlamurqan. Llapan parlamunqankunatam ishkay läja rumikunaman dëdunwan qellqarkur tsay jirkachö entregamarqan.
11
Tsaychömi chusku chunka junaq y chusku chunka paqas cumpliskiptin entregamarqan. Tsay ishkay läja rumikunachömi qamkunawan pactu ruranqan qellqashqa kaykan.
12
Entregamarmi nimarqan: «Kay jirkapita ras kutiy. Egiptupita jipimunqayki Israel runakunam jutsata ruraykäyan. Paykunaqa manaräpis aykäta qonqaskamarmi qoripita ïduluta ruraskir adoraykäyan».
13
«Mastam Tayta Dios nimarqan: «Rikarqümi Israel runakuna pasaypa mana wiyakuq kayanqanta.
14
Paykunapa favornin ama shäriynatsu. Kananmi ushakätsishä jutinkunatapis qonqayänanpä. Peru qampitam sïqa jatun nación kayänanpä mirayanqa. Qampita miraqkunaqa Israel runakunapitapis mas atskaqmi kayanqa».
15
«Tsaynö nimaptinmi Tayta Dios ruranqan pactu ishkay läja rumikunachö qellqashqa kaykaqta apakurkur lunyaykaq jirkapita urämurqä.
16
Peru qamkuna kaqman chämurmi tarirqä Tayta Diosnintsikta rabyatsir qoripita rurashqa torïtuta adoraykaqta. Tsaynö rurar qamkunaqa manaräpis unaytam pay ninqanta qonqaskiyarqayki.
17
Tsaymi rabyarnï tsay ishkay läja rumikunata qamkunapa läduykikunachö chipyaq pakiqpä saqtaskirqä.
18
«Tsaypitanam jirkaman yapay kutiykur Tayta Diospa puntanman lätaykur llakishqa rugakurqä. Puntatanöllam chusku chunka junaq y chusku chunka paqas imatapis mana mikuypa ni yakutapis mana upuypa karqä. Tsaynö karqä payta rabyatsir jutsata rurayanqaykipitam.
19
Tayta Dios rabyar ushakätsiyäshunaykipä kanqanta yarparmi pasaypa mantsarirqä. Tsaynö kaptinpis rugakuptïmi ushakätsiyäshunaykipa rantin kuyapäyäshurqayki.
20
Tayta Dios pasaypa rabyarmi Aaróntapis wanutsiyta munarqan. Mana wanutsinanpä rugakuptïmi paytapis kuyaparqan.
21
Qoripita torïtuta rurayanqaykitapis ninamanmi qaykurqä. Tsaypitam ñuchqu aqaskir Horeb jirkapita urämuq yakuman jicharqä.
22
«Tsaynöllam Tayta Diosta rabyatsiyarqayki Taberachö, Masahchö y Kibrot-hataavachöpis.
23
Cades-barneaman chaykurpis Tayta Diosnintsik ninqanta mana criyirmi cäsuyarqaykitsu. Tsaymi yaykuyarqaykitsu entregaykuyäshunaykipä kaq nacionmanpis.
24
Qamkunaqa reqinqä junaqpitam Tayta Diosta mana cäsuq kayanki.
25
Tsaymi mana ushakätsiyäshunaykipä rugakur chusku chunka junaq y chusku chunka paqas Tayta Diospa puntanchö llakishqa lätararqä.
26
Rugakurmi nirqä: «Tayta Dios, herenciaykipä akranqayki runakunataqa ama ushakaykatsillaytsu. Podernikiwanmi Egiptupita jipimurqayki.
27
Sirviyäshuqniki Abrahamta, Isaacta y Jacobta awninqaykita yarpar Israel runakuna jutsata rurayanqanpita perdonaykullay.
28
Mana perdonaptikiqa Egipto runakuna musyaskirmi niyanqa: «Awninqan nacionman chätsiyta Tayta Dios manam puëdishqatsu». «Tsaynöllam niyanqa: «Israel runakunapa contran karmi desiertuman apaykur ushakätsishqa».
29
«Imanö karpis Israel runakunam kuyanqayki herenciayki kaykäyan. Kikikim Egiptuchö ñakaykäyaptin podernikiwan jipimurquyki».
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34