bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 5
Deuteronomy 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
1
Tsaypitanam Israel runakunata qayaykatsir Moisés nirqan: «Israel runakuna, kay willanqä estatütukunata y mandamientukunata shumaq wiyayay. Willanqänö kawayänaykipä mana qonqaypa shumaq yachakuyay.
2
«Tayta Diosnintsikmi Horeb jirkachö noqantsikwan pactuta rurarqan.
3
Manam unay castantsikkunawantsu tsay pactuta rurarqan, sinöqa noqantsikwanmi.
4
Horeb jirkachö nina lunyaykaqpitam kikin Tayta Dios parlapämarqantsik.
5
Tsay nina lunyaykaq jirkaman witsayta mantsayaptikim noqallana witsarqä Tayta Dioswan parlamunäpä. Kutiykamurmi imata nimanqantapis qamkunata willarqä. Tsay jirkachömi nimarqan:
6
«Noqam Tayta Diosniki kä. Egiptuchö esclävu kanqaykipitam jipimurqü.
7
«Ama juk dioskunamanqa yärakunkitsu.
8
«Ama ima ïdulutapis rurankitsu ciëluchö, kay patsachö ni lamar rurinchö kaykaq niraqtapis.
9
Tsaykunamanqa ama qonqurikunkitsu ni adorankitsu. Noqallam [poderösu] Tayta Diosniki kä. Noqallata adoramänaykitam munä. Mana cäsumar ïdulukunata adoraqkunatam castigashä kikinta, tsurinta, willkanta y willkanpa tsurinta.
10
Peru noqata kuyamar mandamientükunata cumpliqkunatam sïqa kuyaparnin waranqa (1,000) generación kanqanyaq yanapashä.
11
«Ama Tayta Diosnikipa jutinta llutallaqa joqarinkitsu. Jutinta llutalla joqariq kaqtaqa castiganqam.
12
«Tayta Diosniki nishunqaykinölla ama qonqankitsu jamay junaq sagrädu kanqanta.
13
Semänachö joqta junaq arur llapan ruranaykipä kaqkunata ruranki.
14
Qanchis kaq junaqchöqa Tayta Diosnikita adorar ama arunkitsu. Tsaynölla ama arutsinkitsu ollqutapis warmitapis tsurikikunata, ollqutapis warmitapis sirvishuqnikikunata, töruykikunata, ashnuykikunata ni ima ashmaykikunatapis ni nacionnikichö jäpa runakunatapis. Tsaynöpam ollqupis warmipis sirvishuqnikikuna qamkunawan iwal jamayanqa.
15
Yarpay Egiptuchö esclävu kanqaykita. Tsaynö kaykaqtam Tayta Diosniki poderninwan jipimushurqayki. Tsaymi jamay junaqchö adorar jamanaykipä nirqan.
16
«Tayta Diosniki nishunqaykinölla mamaykita y papänikita alli rikanki. Tsaynöpam entregashunaykipä kaq nacionchö atska wata alli kawanki.
17
«Ama runa mayikita wanutsinkitsu.
18
«Ama adulteriu jutsata rurankitsu.
19
«Ama suwakunkitsu.
20
«Ama manakaqkunata pitapis tumpankitsu.
21
«Ama runa mayikipa warminta munapankitsu. Tsaynölla wayinta, chakranta, warmi sirviqninta, ollqu sirviqninta, törunta, ashnunta, ni imaykankunatapis duëñu tukunaykipä ama yarpayllapis yarpankitsu».
22
«Jirka chakinchö qorikashqa kaykäyaptiki y jirkachö kaykaptïmi tsay mandamientunkunata Tayta Dios lunyaykaq nina chawpinpita y yana pukutaypita jinchipa nimurqan. Tsaypitaqa tsay junaq manam mas imatapis parlamurqannatsu. Tsaypitam ishkay läja rumiman qellqaskir entregamarqan.
23
«Pasaypa tsakaypita parlamunqanta wiyar y jirkachö nina rupaykaqta rikarmi cada trïbupa mandaqninkunawan mayor runakunapis shamur
24
niyämarqan: «Tayta Diosnintsikmi nina lunyaykaqpita parlamur pasaypa poderyuq kanqanta musyatsimarquntsik. Tsaynö parlamuptinpis manam wanurqantsiktsu.
25
Tsaynö kaptinpis mantsariyämi. Tsayläya lunyaykaq ninaqa noqakunatapis ruparchi ushayämanqa. Tayta Diosnintsik parlamunqanta yapay wiyarqa wanuyäshämi.
26
Kanan wiyanqantsiknö nina lunyaykaqpita imayyaqpis kawaq Tayta Dios parlamuqta wiyarqa manam pipis kawanmantsu.
27
Tayta Diosnintsik imata ninqantapis wiyanaykipä mejor kikillayki ayway. Pay nishunqaykita willayämaptikim llapanta cäsur cumpliyäshä».
28
«Tsaynö niyämanqaykita wiyarmi Tayta Dios nimarqan: «Kay runakuna niyäshunqaykita wiyarqümi. Ninqäkunata cäsur cumpliyänanpä yarpäyanqanqa allim kaykan.
29
Allim kanman kanan yarpäyanqannölla imayyaqpis noqapita mantsapakur mandamientükunata qoyay qoyay cumpliyaptin. Tsaynö cumplirqa kikinkunapis tsurinkunapis kushishqam kawayanqa.
30
Kay jirkapita kutir paykunata willay toldunkunaman kutikuyänanpä.
31
Peru qamqa kayman yapay kutimuy llapan mandamientükunata, estatütükunata y leynïkunata willanäpä. Tsaykunatam yachatsinki entreganäpä kaykaq nacionman chaykur cäsukuyänanpä».
32
Tayta Dios tsaynö ninqanta yarpätsirmi Israel runakunata Moisés nirqan: «Kananqa Tayta Diosnintsik niyäshunqaykikunata llapanta cäsuyay.
33
Pay niyäshunqaykinölla llapanta cäsuyay. Tsaynö cäsurqa entregayäshunaykipä kaq nacionchömi rukuyäyanqaykiyaq alli kawayanki».
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34