bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 12
Deuteronomy 12
Quechuan QXO (Biblia en Quechua del sur de Conchucos)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
1
Tsaypita mastam Moisés nirqan: «Unay castantsikkuna criyikuyanqan Tayta Diospa mandamientunkunata y leyninkunata kanan tantiyatsiyäshayki. Entregayäshunaykipä kaykaq nacionchö tärar tsaykunata qoyay qoyay imaypis cumpliyanki.
2
«Tsay nacionchö täraq runakunata ushakätsir jallqakunachö, patakkunachö y rämasapa muntikuna chakinchö diosninkunata adorayanqan sitiukunatapis chipyaq ushakätsiyanki.
3
Tsaynölla altarninkunatapis chipyaq juchutsiyanki. Adorayänanpä ichïtsiyanqan juytu rumikunatapis pakiriyanki. Asera diösata adorayänanpä jawiyanqan raku qerukunatapis rupatsiyanki. Wakin diosninkunata adorayänanpä llaqllayanqan ïdulunkunatapis ushakätsiyanki. Tsaynö ushakätsiyaptikim tsay dioskunapa jutinkunatapis yarpäyanqanatsu.
4
«Tayta Diosnintsikta adorarqa tsay runakuna diosninkunata adorayanqannöqa ama adorayankitsu.
5
Tsaypa rantinqa Tayta Diosnintsikta adorayanki pay akranqan sitiullachö. Tsay sitiuchö tänanpämi llapan Israel trïbukuna kayanqanpita akranqa.
6
Tsaymanmi ashmaykikunata rupatsina sacrificiupä y wakin sacrificiukunapäpis apayanki. Tsaynöllam apayanki diezmuykikunata, awniyanqayki ofrendakunata, voluntänikipita kaq ofrendakunata, wakin kaq ofrendaykikunata y wäkaykikunapa, üshaykikunapa y cabraykikunapa punta wawankunatapis.
7
Tsaychömi Tayta Diospa bendicionninwan mikuynikikuna wayunqanpita llapan castaykikunawan Diospa puntanchö kushishqa mikuyanki.
8
«Tayta Dios entregayäshunaykipä kaykaq nacionman char manam kanan adorayanqaykinötsu adorayanki. Kananqa puëdiyanqaykinöllam Tayta Diosta adoraykäyanki.
9
Tsaynö adoraykäyanki Tayta Diosnintsik entregayäshunaykipä kaq jamayman manarä yaykur y herenciaykita manarä chaskirmi.
10
Jordán mayuta päsaskirnam entregayäshunaykipä kaq nacionchöna täyanki. Contraykikunata Tayta Diosnintsik ushakätsiptinmi mana mantsariypa tsaychö tranquïlu täyanki.
11
Tayta Diosnintsik tänanpä akranqan sitiuchö adorayänaykipämi llapan ninqäkunata apayanki. Tsaymi rupatsina sacrificiukunapä y wakin sacrificiukunapä ashmakunata y mikuykunata tsayman apayanki. Tsaynölla apayanki diezmuykikunata, awninqayki ofrendaykikunata y voluntänikipita kaq ofrendakunatapis.
12
Tayta Diosnintsikpa puntanchömi ollqu tsurikikunawan, warmi tsurikikunawan y sirvishuqnikikunawan qorikaykur kushishqa adorayanki. Markaykikunachö täraq levitakunatapis qayatsiyanki qorikaykur mikuyänaykipä. Paykunapaqa manam chakrankunapis kanqatsu.
13
«Cuidädutä maychöpis munayanqaykichö rupatsina sacrificiukunata rupatsiyankiman.
14
Tsaypa rantinqa llapan trïbukunapita Tayta Dios akranqan sitiullachö rupatsiyanki. Tsaychöqa payta adorayänaykipä yätsinqäkunata cumpliyanki.
15
«Aytsanarqa Tayta Dios alistapäyäshunqaykipita ashmaykikunata pishtaskir maychöpis mikuyanki. Tarushta y lluytsuta kanan mikuyanqaykinö püru o impüru karpis tsay aytsata mikuyanki.
16
Peru yawarninta sïqa ama mikuyankitsu. Tsaypa rantinqa yakutanö patsaman jichariyanki.
17
«Diezmukunataqa ama markaykikunachö mikuyankitsu, trïgu, vïnu y aceiti kaptinpis. Tsaynölla markaykikunachö ama mikuyankitsu wäkaykikunapa, üshaykikunapa y cabraykikunapa punta wawankunata, awniyanqayki ofrendakunata, voluntänikipita ofrendakunata ni wakin ofrendakunatapis.
18
Tsaypa rantinqa Tayta Dios akrananpä kaq sitiuman aywaykur paypa puntanchö mikuyanki. Tsaychö mikuyanki tsurikikunawan, sirvishuqnikikunawan y markaykichö täraq levitakunawan. Mikur kushikuyanki mikuy alli wayunqanpita.
19
Nacionnikichö taykarqa levitakunata mana qonqaypa yanapayanki.
20
«Tayta Dios awninqannö tänaykipä kaq nacionchö atskaman mirar aytsanarqa maychöpis aytsata mikuyanki.
21
Tayta Diosta adorayänaykipä kaq sitiu markaykipita karu kaptinqa tantiyatsinqänölla wäkaykita, üshaykita y cabraykita pishtaskir täyanqaykillachö mikuyanki.
22
Püru o impüru karpis tarushta y lluytsuta kanan mikuyanqaykinö tsay aytsata mikuyanki.
23
Peru yawarninta sïqa ama mikuyankitsu. Llapan kawaqkunapaqa yawarninchömi vïdan kaykan. Tsaynö kaykaptinqa yawaryuq aytsataqa ama mikuyankitsu.
24
Tsaypa rantinqa yakutanö patsaman jichaskiyanki.
25
Yawarta mana mikurqa qampis tsurikikunapis Tayta Dios munanqannömi alli kawayanki.
26
«Peru sacrificiupä awniyanqayki ashmakunata y tsaki mikuy ofrendakunatam sïqa Tayta Dios akranqan sitiumanrä apayanki.
27
Tsaychömi ashmakunata rupatsina sacrificiupä pishtaskir yawartawan aytsata Tayta Diospa altarninchö rupatsiyanki. Wakin sacrificiukunapä ashmata pishtarqa aytsata mikurpis yawarnintaqa altarman tsaqtsuyanki.
28
«Llapan kay willanqä mandamientukunata cumplirqa qampis tsurikikunapis Tayta Dios munanqannö kawarmi imayyaqpis alli kawayanki».
29
Tsaypita mastam Moisés nirqan: «Canaánman chäyaptikim tsaychö täraq runakunata Tayta Dios ushakätsinqa. Qamkuna tsaychöna tärar
30
tsay runakuna adorayanqan dioskunata ama adorayankitsu. Tsaynölla diosninkunata adorayta munar imanö adorayanqantapis ama tapupäyankitsu.
31
Tsay runakunaqa diosninkunata adorarmi Tayta Diosta rabyatsiyan. Diosninta adorarmi ollqu tsurinkunatapis y warmi tsurinkunatapis sacrificiupä altarchö rupatsiyan. Tsaynöqa Tayta Diosta ama adorayankitsu.
32
«Llapan willanqä mandamientukunata cumpliyänaykipä shumaq tantiyakuyay. Tsay mandamientukunamanqa ama ni juk mandamientutapis yapayankitsu ni juk mandamientutapis jipiyankitsu.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34