bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 2
Deuteronomy 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
1
«Tsaypitam Tayta Dios nimanqannö Puka Lamarman aywaq nänipa desiertuman aywarqantsik. Seir jallqakuna kinranmi atska wata purirqantsik.
2
Tsaymi Tayta Dios nimarqan:
3
«Alläpa unaynam kay jallqakunapa puriykäyanki. Kananqa norti kaq lädupana aywayay.
4
Tsaynölla Israel mayikikunata ninki: «Seir jallqakunapita yarqunantsikpä Jacobpa wawqin Esaúpita miraq runakuna täyanqanpanam päsashun. Paykuna pasaypa mantsamashqapis alcäbulla kashun.
5
Esaúpita miraqkunapä Seir jallqakunata entregashqa kaykaptïqa paykunawan ama pelyayaytsu. Paykunapa nacionninchö kaykaq chakrantaqa manam ni juk pedäzullatapis entregashaykitsu.
6
Paykunapa mikuynintapis qellaynikiwan rantiyanki. Yakuta upuyänaykipäpis pägayanki».
7
«Llapan ruranqantsikchömi Tayta Dios bendisamarquntsik. Tsaymi chusku chunka (40) watantin desiertupa purishqapis imapis faltämarquntsiktsu.
8
Tsaymi Jacobpa wawqin Esaúpita miraqkuna taykäyanqan Seir jallqakunapa päsarqantsiktsu. Tsaypa päsar Arabá pampapa aywaq nänipa päsanantsikpa rantinqa Moab tsunyaqman aywaq nänipanam aywarqantsik. (Arabá pampaqa Elat y Ezión-geber markakunapitam qallan.)
9
Moabpa päsashqam Tayta Dios nimarqan: «Lotpita miraq moabita runakunata achäquita ama ashipaytsu ni paykunawan ama pelyaytsu. Paykunatam Ar partikunata entregarqü. Tsaymi paykunapa nacionnintaqa ni juk pedäzu chakrallatapis entregashaykitsu».
10
(Moabita runakuna nacionninkunaman manarä chäyaptin emita runakunam tsay partikunachö täyarqan. Paykunapa markankunaqa atskam karqan. Anacpita miraq runakunanömi paykunaqa jatusaq kayarqan.
11
Tsay runakunata refaíta jutiwan wakin runakuna reqiyaptinpis moabita runakunam emita jutiwan reqiyarqan.
12
Tsaynöllam unayqa Seir partichö horeo runakuna täyarqan. Paykunataqa Esaúpita miraqkuna ushakaskatsirmi tsaychö taykäyan. Tsaynöllam Israel runakunapis Tayta Dios entreganqan nacionpita cananeo runakunata qarquyarqan.)
13
«Tsaypitam Tayta Dios nimarqan: «Kaypita aywakur Zered mayuta päsayay». Tsaymi Zered mayuta päsarqantsik.
14
Cades-barneapita yarqamunqantsik junaqpitam Zered mayuta päsamunqantsik junaqyaq kimsa chunka puwaq (38) wata karqan. Tsayyaqmi guërraman aywayänanpä censayanqan runakuna Tayta Dios ninqannö llapanpis desiertuchö ushakäyarqan.
15
Tayta Diosmi paykunata castigar llapanta ushakätsirqan.
16
«Llapan wanur ushakäyaptinmi
17
Tayta Dios nimarqan:
18
«Moab nacionpa lindërunpa päsar kanan Ar marka läduman aywayay.
19
Amonita runakunaman char ama wajupäyaytsu ni paykunawan ama pelyayaytsu. Lotpita miraqkuna kaptinmi amonita runakunata tsay partikunata entregarqü. Tsaymi paykuna täyanqan naciontaqa qamkunata entregayäshaykitsu».
20
(Unayqa tsay nacionchö refaíta runakunam täyarqan. Paykunatam amonita runakuna niyarqan zomzomeo runakuna kayanqanta.
21
Refaíta runakunapa markankunaqa atskam karqan. Tsaynöllam Anacpita miraq runakunanö jatusaq kayarqan. Tsaynö kaptinpis amonita runakunatam Tayta Dios yanaparqan tsay runakunata ushakätsir tsaychö täyänanpä.
22
Tsaynöllam Esaúpita miraqkunatapis Tayta Dios yanaparqan Seirchö täraq horeo runakunata ushakaskatsir tsaychö täyänanpä.
23
Caftorpita shamuq runakunam Gaza lädunkunapa taksha markakunachö täraq aveo runakunata ushakaskatsir tsaychö täyarqan.)
24
«Tsaymi Tayta Dios nimarqan: «Arnón mayuta juklla päsayay. Noqam qamkunapa podernikikunaman churashä amorreo runakunapa mandaqnin rey Sehónta y nacionnintapis. Paymi Hesbón markachö täran. Paywan guërrata rurar nacionninman yaykuyay.
25
Kananpitam maytsaychöpis llapan runakunapa shonqunkunaman pasaypa mantsariyta churashä mantsayäshunaykipä. Tsaymi qamkunapä parlaqta wiyar pasaypa mantsarirnin tsuktsukyäyanqa».
26
«Cademot desiertupitam willakuqkunata Hesbón markachö täraq rey Sehónman mandarqä alli shimillankunapa willar niyänanpä:
27
«Taytay, nacionnikipa päsaq nänillapa päsakuykuyälläshä. Maypapis mana yaqarmi jatun nänillapa päsakuyäshä.
28
Mikuynikita mikuyanqäpita y yakuykita upuyanqäpitapis pägayäshaykim. Tsaymi rugakü nacionnikipa päsakuyänäpä.
29
Seirchö täraq Esaúpita miraq runakuna y Archö täraq moabita runakunapis päsatsiyämashqam. Taytay, tsaynölla qampis päsayänäpä dëjaykayällämay. Tayta Diosnï awniyämanqan herenciataqa Jordán mayu wak tsimpanchörämi chaskiyäshä».
30
«Tsaynö nir rugakushqapis rey Sehón nacionninpa päsamunantsikta manam munarqantsu. Tsaynö mana munananpäqa Tayta Diosmi shonqunta chukruyätsirqan. Tsaymi soldädunkunawan atacamashqa Tayta Dios yanapamarqantsik vincirkur kananyaqpis podernintsikchö tsararänantsikpä.
31
«Tsaymi Tayta Dios nimarqan: «Kananpitaqa Sehónta nacionnintintam qamta entregä. Nacionninman yaykuykur herenciaykikuna kananpä qechuyay».
32
«Nacionninpa päsamunantsikta mana munarmi Sehónqa soldädunkunawan shamurqan Jahazachö noqantsikwan pelyananpä.
33
Tsaynö kaptinpis Sehónta, tsurinkunata y soldädunkunatapis makintsikmanmi Tayta Diosnintsik churamurqan llapanta ushakätsinantsikpä.
34
Tsaymi llapan markankunaman yaykur runatapis, warmitapis y wamrakunatapis llapanta ushakätsirqantsik. Kawaykaqtaqa manam jukllayllatapis dëjarqantsiktsu.
35
Ashmankunatapis imaykankunatapis väliq kaqllatam apamurqantsik.
36
Arnón mayu lädunchö kaykaq Aroer markapita y mas ura läduchö kaykaq markapita qallaykur Galaad partiyaq manam mayqan markachö täraqkunapis pärapamarqantsiktsu. Tayta Diosnintsik poderninwan yanapamashqam llapanta ushakätsirqantsik.
37
Peru amonita runakuna täyanqanmanmi sïqa yaykurqantsiktsu. Tsaymi Jaboc mayuta päsarqantsiktsu y jallqakunachö kaq markakunamanpis yaykurqantsiktsu. Maymanpis mana yaykunantsikpä Tayta Diosnintsik nimashqaqa manam yaykurqantsiktsu.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34