bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 27
Deuteronomy 27
Quechuan QXO (Biblia en Quechua del sur de Conchucos)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 28 →
1
Tsaymi llapan runakunata Moisés y Israel mayor runakuna niyarqan: «Kanan willanqä mandamientukunata llapanta cumpliyay.
2
Jordán mayuta päsar Tayta Dios entregashunaykipä kaq nacionman chaykur jatusaq juytu rumikunata jawiykur iskuwan pintayanki.
3
Tsay rumikunaman qellqayanki tantiyatsinqä llapan leykunata. Tsaynö qellqayanki unay castantsikkunata Tayta Dios awninqan nacionman yaykur. Tsaychöqa lichipis abëjapa mishkinpis yakunörämi atska kaykan.
4
Tsay juytu rumikunataqa Jordán mayuta päsaskir Ebal jirkaman jawiyanki. Kanan junaq ninqänölla tsay rumikunata iskuwan pintayanki.
5
«Tsaynölla Tayta Diospä altarta tsaychö pirqayanki. Tsay altartaqa manam llaqllashqa rumikunawantsu pirqayanki, sinöqa llaqllanni rumikunallawanmi.
6
Llaqllanni rumikunawan altarta pirqaskirmi rupatsina sacrificiuta Tayta Diospä tsaychö rupatsiyanki.
7
Tsaynölla tsay altarchö alli päsakuy sacrificiuta rupatsir llapayki Tayta Diospa puntanchö kushishqa mikuyanki.
8
Tsay juytu rumikunaman llapan ninqä leykunata shumaq qellqayanki».
9
Tsaypitanam levita sacerdötikunawan Moisés Israel mayinkunata niyarqan: «Israel runakuna, shumaq wiyayämay. Kanan junaqpitaqa Tayta Dios akranqan runakunam kayanki.
10
Tsaynö kaykarqa Tayta Diosta cäsur llapan mandamientunkunata y estatütunkunata kanan tantiyatsinqäta cumpliyay».
11
Tsay junaqmi Israel runakunata Moisés nirqan:
12
«Jordán mayuta päsaskir Simeón trïbu runakuna, Leví trïbu runakuna, Judá trïbu runakuna, Isacar trïbu runakuna, José trïbu runakuna y Benjamín trïbu runakunapis Gerizim jirkaman witsäyanqa. Tsaypitam niyämunqa Israel runakuna Tayta Diosta cäsur bendicionta chaskiyänanpä kanqanta.
13
«Ebal jirkamannam witsäyanqa Rubén trïbu runakuna, Gad trïbu runakuna, Aser trïbu runakuna, Zabulón trïbu runakuna, Dan trïbu runakuna y Neftalí trïbu runakuna. Tsaypitanam niyämunqa Israel runakuna Tayta Diosta mana cäsur maldicionta chaskiyänanpä kanqanta.
14
«Levitakunanam llapan Israel runakuna wiyayänanpä jinchipa niyämunqa:
15
«Pipis fiërruta tsulluskatsir o qeruta llaqllaypa ïduluta rurar pakayllapapis adoraq kaqmi maldicionashqa kanqa. Tsaynö ruraqkunaqa Tayta Diostam rabyatsiyan». Tsaymi llapan runakuna niyanqa: «¡Niyanqaykinö katsun!»
16
«Pipis mamanta o papäninta mana respitaq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
17
«Runa mayinpa chakranta qechuyta munar mujunninta wititsiq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
18
«Nänipa qapra alli aywakuykaqta llutanpa pantakätsiq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
19
«Jäpa runakunata, waktsakunata y viüdakunata chikiq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
20
«Pipis papäninta penqakuyman churar mädistanwan kakuq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
21
«Ima ashmawanpis kakuq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
22
«Tsay mamallapita o tsay yayallapita paninwan kakuq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
23
«Pipis suegranwan kakuq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
24
«Traicionpa runa mayinta wanutsiq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
25
«Wanutsinanpä päguta chaskipakur jutsaynaq runata wanutsiq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
26
«Kay willanqä leykunata mana cumpliq kaqmi maldicionashqa kanqa». Tsaymi llapan runakuna niyanqa: «¡Niyanqaykinö katsun!»
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34