bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 17
Deuteronomy 17
Quechuan QXO (Biblia en Quechua del sur de Conchucos)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 18 →
1
«Töruta o üshata karpis däñashqata o mana allitaqa Tayta Diospä altarchö ama rupatsiyankitsu. Tsaynö rurayaptikiqa pasaypam rabyakun.
2
«Tayta Dios ruranqan pactuta manakaqman churar entregashunaykipä kaq markakunachö ollqupis o warmipis
3
juk dioskunata adorar qonqurikuptin o rupayta, killata o qoyllurkunata adoraptinqa
4
shumaq musyapakuyanki rasunpa adorayanqanta o mana adorayanqantapis musyayänaykipä. Israel nacionchö rasunpa tsaynö adorayanqanta musyarqa
5
tsay runata o warmita karpis markaykikuna yarqunanchö saqmar wanutsiyanki.
6
«Tsaynö wanutsiyänaykipäqa ishkay o kimsa testïgurämi kanman. Manam juk testïgu ninqallanwanqa wanutsiyankimantsu.
7
Tsay testïgukunarämi warmita o runata karpis puntata saqmar qallaykuyanqa. Tsaypitanam llapan runakuna saqmayanqa. Tsaynöpam mana alli ruraykuna qamkunachö kanqatsu.
8
«Markaykichö alläpa aja arreglaypä problëmakunam kanqa runa mayinta wanutsinqanpita, runa mayinwan rimanakuyanqanpita o runa mayinwan pelyanqanpita. Tsaykunata arreglayta mana puëdirqa Tayta Dios akranqan sitiuman aywaykur
9
levita sacerdötikunata o juezta karpis tapukuyanki. Paykunam tantiyatsiyäshunki imanö arreglayänaykipäpis.
10
Kutiykur paykuna tantiyatsiyäshunqaykinölla arreglayanki.
11
Paykuna yätsiyäshunqaykinölla imatapis mana qonqaypa llapanta arreglayanki.
12
«Tayta Diosta sirviq sacerdöti o juez imanö arreglananpä ninqanta mana cäsuq runataqa wanutsiyanki. Tsaynöpam llutan ruraq runakuna Israel nacionchö kayanqatsu.
13
Tsaynö wanutsiyanqanta musyaskirmi runakuna mantsapakur sacerdötikuna y juezkuna niyanqankunata cäsuyanqa.
14
«Tayta Dios entregashunaykipä kaq nacionchö tärar wakin nación runakunapa mandaqnin reykuna kayanqannö qamkunapis rey kananta capaz munayanki.
15
Tsaynö munarqa Tayta Dios akranqan Israel mayikita mandaqniki rey kananpä churayanki. Jäpa runataqa ama churayankitsu.
16
«Peru tsay reyqa ama rantitsuntsu atska caballukunata ni Egiptumanpis ama mandatsuntsu caballukuna rantimuq. Egiptuman mana kutinapämi Tayta Dios nirqan: «Egiptuman imaypis ama kutiyankitsu».
17
Tsay reyqa manam atska warmiyuq kanmantsu. Atska warmiyuq karqa Tayta Diostapis qonqaykunmanmi. Ni qoritapis ni qellaytapis alläpa manam qorinmantsu.
18
«Rey kananpä yaykuskir kay ninqä leykunata liyinanpä levita sacerdötikuna cuidar katsiyanqan röllupita juk rölluman copiatsinqa.
19
Tsay leykunatam reyqa qoyay qoyay liyinqa. Tsaynöpam Tayta Diosta mantsapakuyta yachakur llapan leykunata y estatütukunata cäsunqa.
20
Tsaynöllam marka mayinkunata manakaqman churanqatsu y ley ninqankunatapis qonqanqatsu. Tsaynö karqa kikinpis, tsurinkunapis y tsurinkunapita miraqkunapis Israel nacionchö imaypis reymi kayanqa.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34