bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Deuteronomy 28
Deuteronomy 28
Quechuan QXO (Biblia en Quechua del sur de Conchucos)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 29 →
1
«Kanan junaq willanqä mandamientukunata cumplir Tayta Diosta cäsuyaptikiqa maytsay nacionchö täraq runakunata yanapanqanpitapis masmi yanapayäshunki.
2
Niyäshunqaykita cäsuyaptikiqa Tayta Diosmi bendicionninta imaypis qamkunaman churamunqa.
3
«Markachö o chakrachö kayaptikipis bendicionnintam churamunqa.
4
Tsurikikunamanpis mikuynikimanpis bendicionnintam churamunqa. Wäkaykikunaman, üshaykikunaman, cabraykikunaman y wakin ashmaykikunamanpis bendicionnintam churamunqa.
5
Canastaykikuna y artisaykikuna llënu kananpäpis bendicionnintam churamunqa.
6
Wayikichö kayaptikipis o maypa aywayaptikipis bendicionnintam churamunqa.
7
«Contraykikunata vinciyänaykipäpis Tayta Diosmi yanapayäshunki. Tsaymi atacayäshunaykipä juk nänipa shamurpis qanchis nänipa mashtakaypa mashtakar qeshpiyanqa.
8
«Entregayäshunaykipä kaq nacionman chäyaptiki tröjaykikunamanpis y llapan aruyanqaykimanpis Tayta Diosmi bendicionninta churamunqa.
9
«Mandamientunkunata cumplir pay munanqannö kawayaptikiqa awniyäshunqaykinöllam Tayta Dios kuyanqan santu runakuna imaypis kayanki.
10
Pay kuyanqan runakuna kayanqaykita musyarmi maytsay nacionchö täraq runakunapis mantsayäshunki.
11
«Unay castantsikkunata awninqan nacionman chäyaptiki Tayta Diosmi bendicionninta churamunqa imaykaykikuna atska kayänanpä, tsurikikuna atskaq kayänanpä, chakraykikuna alli wayunanpä y ashmaykikunapis atskaman mirayänanpä.
12
Mikuynikikuna alli wayunanpämi tiempullanchö tamyatsimunqa. Llapan aruyanqaykikunamanpis bendicionnintam churamunqa. Tsaynöpam juklä nacionpita imatapis prestakayämunkitsu, sinöqa paykunata prestayänaykipäpis kanqam.
13
«Mandamientunkunata kanan junaq tantiyatsinqäta cäsukur cumpliyaptikiqa wakin runakunata yanapanqanpitapis masmi qamkunata Tayta Dios yanapayäshunki.
14
Kanan junaq willanqä mandamientukunata mana qonqaypa cumplir juk dioskunataqa ama adorayankitsu ni respitayankitsu.
15
«Tayta Diosta mana cäsur kanan junaq willanqä mandamientunkunata y estatütunkunata mana cumpliyaptikiqa maldicionmi chäyäshunki.
16
«Wayikichö kayaptikipis chakrachö kayaptikipis maldicionmi chäyäshunki.
17
Canastaykikuna y artisaykikuna jäkuqlla kananpämi maldición chanqa.
18
Tsurikikunaman, muruyanqaykikunaman, wäkaykikunaman, üshaykikunaman cabraykikunamanpis maldicionmi chanqa.
19
Wayikichö kayaptikipis o maypa aywayaptikipis maldicionmi chäyäshunki.
20
«Tayta Dios maldicionayäshuptikim ima rurayanqaykipis kamakanqatsu ni rurakanqatsu. Payta mana cäsur llutankunata rurayanqaykipitam manaräpis aykäta llapaykikuna ushakäyanki.
21
Nacionnikiman yaykur herenciata chaskiyaptikipis tukuy niraq qeshyakunawanmi Tayta Dios ushakätsiyäshunki.
22
Tsaymi mantsaypä qeshyawan, fiebri qeshyawan, qeri qeshyawan, alläpa usyawan, pasaypa achaywan y guërrawan ushakäyanqaykiyaq castigayäshunki. Llapan muruyanqaykikunamanpis tukuy niraq qeshyakunatam kachamunqa.
23
Mana tamyamuptinmi chakrachöpis ni ima mikuy wayunqanatsu.
24
Llapayki ushakäyanqaykiyaqmi tamyatsimunanpa rantin Tayta Dios polvutawan arënallata ciëlupita shushutsimunqa.
25
«Contraykikuna vinciyäshunaykipäpis Tayta Diosmi yanapanqa. Tsaymi atacayänaykipä juk nänipa aywarpis qanchis nänipa mashtakaypa mashtakar qeshpiyanki. Llapan nación runakunapitapis kuyapaypämi kayanki.
26
Pipis wajakunanpä mana kaptinmi ayaykikunatapis wiskurkuna y munti ashmakuna mikuyanqa.
27
«Egipto runakunata castiganqannömi Tayta Dios castigayäshunki tukuy niraq qeriwan, chupuwan, sarnawan y sheqshiwan. Tsay qeshya tsariyäshuptikiqa manam allïyankitsu.
28
Tayta Dios castigayäshuptikim wakiki löcuyäyanki, wakiki qaprayäyanki y wakiki pasaypa mantsakar ima ruraytapis puëdiyankitsu.
29
Qaprayashqa karmi junaqpapis tsakaypanö lamkaykachar puriyanki. Ima rurayanqaykipis wallällam kanqa. Qoyay qoyaymi ashnuntanörä arutsiyäshunki. Pipis janayki mana shäriptinmi suwakuna imaykitapis apakuyanqa.
30
«Churakäyänaykipä jipashwan parlashqana kaykaptikipis jukmi warminpä apakunqa. Wayita shäritsirpis manam täyankitsu. Üvata plantarpis wayuyninta manam mikuyankitsu.
31
Töruykita qechuyäshurniki puntaykichö pishtarpis manam aytsanta yawatsiyäshunkitsu. Ashnuykita aparpis manam kutitsiyäshunkitsu. Üshaykita y cabraykita apakuptinpis manam pipis qechuyiyäshunkitsu.
32
«Juk nacionpita shamurmi tsurikikunata ollqutapis warmitapis apakuyanqa. Qoyay qoyay tsurikikunapä pasaypa llakikurpis manam rikayankinatsu.
33
Mana reqiyanqayki jäpa runakuna shamur chakraykikuna wayunqanta apakuyaptinmi aruyanqaykipis wallälla kanqa. Qoyay qoyay mana kuyapaypa arutsiyäshuptikim pasaypa ñakayanki.
34
Llapan tsay päsashunqaykikunata rikarmi löcuyäyanki.
35
Tayta Diosmi qonqurnikikunachöpis chankaykikunachöpis qeriwan qeshyatsiyäshunki. Tsaynöllam chaki puntaykipita uma jirkaykiyaq qeri ushayäshunki. Tsay qerita imawan jampirpis manam allïyankitsu.
36
«Nacionnikipita Tayta Dios qarqushuptikim qamkunatapis y mandaqniki reytapis karu nacionman prësu apayäshunki. Tsay naciontaqa manam qamkunapis reqiyankitsu ni unay castantsikkunapis reqiyarqantsu. Tsaychömi qerupita y rumipita rurashqa ïdulukunallata adorayanki.
37
Tsaynö desgracia päsayäshuptikim tsay karu markakunachö täraq runakuna mantsakashqa rikapäyäshunki. Llapanpis asipäyäshurnikim manakaqman churayäshunki.
38
«Atskata mururpis chukllushkuna ushaptinmi wallkallatana qoriyanki.
39
Üvata plantar shumaq uryapaykäyaptikipis kurukuna ushaptinmi imatapis cosechayankitsu ni vïnuntapis upuyankitsu.
40
Täyanqaykichö olïvuskuna tsaytsika kaptinpis aceitünas manarä poqur shushuptinmi aceitinwan llushikuyänaykipäpis kanqatsu.
41
Ollqutapis warmitapis tsurikikunata karu markakunapa apakuyaptin manam mayqanpis läduykikunachö kanqatsu.
42
Plantayanqayki jachakunata y muruyanqayki mikuykunatapis chukllushkunam llapanta ushayanqa.
43
«Markaykichö täraq jäpa runakuna poderyuq kayaptinmi qamkunaqa poderniynaq kayanki.
44
Tsay jäpa runakuna prestayäshunaykipä kaptinpis qamkunapaqa manam paykunata prestayänaykipä imaykikunapis kanqatsu. Paykunam respitashqa runakuna kayanqa. Qamkunataqa manam pipis respitayäshunkitsu.
45
«Tayta Dios ninqankunata mana wiyakur willanqä mandamientunkunata y estatütunkunata mana cäsuyaptikim ushakäyanqaykiyaq llapan tsay desgraciakuna päsayäshunki.
46
Tsayta rikarmi pïmaypis tantiyakunqa qamkunaman y tsurikikunaman maldición imaypis chämunqanta.
47
Tayta Dios yanapaykäshuptikipis qamkunaqa manam llapan shonquykikunawantsu kushishqa sirviyarquyki.
48
Tsaymi contraykikunata Tayta Dios mandamuptin paykunapa sirviqnin kayanki. Llapan imaykikunapis ushakaptinmi pasaypa hambrünaman chäyanki. Tsaymi mikuyänaykipäpis ni upuyänaykipäpis ni jatikuyänaykipäpis kanqatsu. Tsaynö ñakayanki ushakäyanqaykiyaqmi.
49
«Tayta Dios karu nacionpita mandamuptinmi soldädukuna ankanörä illaqpita shamur ushakätsiyäshunki. Tsay runakuna parlayanqankunatapis manam tantiyayankitsu.
50
Paykunaqa mana alli karmi rukukunatapis respitayanqatsu ni wamrakunatapis kuyapäyanqatsu.
51
Tsaynöllam tsay soldädukunaqa ashmaykikunatapis mikuynikikunatapis chipyaq apakuyanqa. Llapanta ushar manam dëjapäyäshunkitsu trïgutapis, vïnutapis, aceititapis, ni ima ashmaykipa wawankunatapis. Llapanta ushayaptinmi pasaypa mallaqaywan wanuyanki.
52
«Tayta Dios entregayäshunqayki markaykikunatapis altuyaq murallashqa kaykaqtam tsay soldädukuna chipyaq juchutsiyanqa. Tsay alli murallashqa markakuna tsapäyäshunaykipä kanqanta yarpäyaptikipis llapantam ushakätsiyanqa.
53
Markaykikunata soldädukuna jiruruypa tsaparäyäshuptikim pasaypa mallaqäyanki. Tsaymi tsurikikunata ollqutapis warmitapis mallaqaywan mikuyanki.
54
Llapanpita mas kuyakuq runapis wawqinta ni warminta ni kawaykar quëdaq tsurinkunatapis manam kuyapanqatsu.
55
Tsaymi wanuq tsurinkunapa aytsanta kikillan mikunqa. Tsaynö kanqa contraykikuna llapan markaykikunata tumaypa tsaparäyaptin imapis mikuyänaykipä mana kaptinmi.
56
Llapanpita mas kuyakuq warmipis runanta y wamrankunata manam kuyapanqatsu.
57
Tsaymi qeshyakunqan wamranta y pärishnintapis pakayllapa mikunqa. Tsaynö kanqa contraykikuna markaykikunata tumaypa tsaparäyaptin imapis mana mikuyänaykipä kaptinmi.
58
«Poderösu Tayta Diosta mana mantsapakur kay libruchö qellqashqa kaykaq mandamientukunata mana cäsuyaptikiqa
59
espantaypä castïgukunawan y mana sänaq qeshyakunawanmi qamkunatapis tsurikikunatapis ñakatsiyäshunki.
60
Egipto runakunata espantaypä castiganqannömi qamkunatapis castigayäshunki.
61
Ushakäyänaykipämi kay libruchö mana qellqashqa kaq qeshyakunata y castïgukunata yuritsimunqa.
62
Ciëluchö qoyllurkunanörä tsaytsika kaykarpis Tayta Diosta mana cäsuyanqaykipitam wallkaqllana quëdayanki.
63
«Qamkuna alli kawayänaykipä y atskaman mirayänaykipä yanapayäshurniki Tayta Dios kushikunqannöllam mana cäsuyanqaykipita ushakätsiyäshurnikipis Tayta Dios kushikunqa. Mana munaykaqtam täyanqayki nacionpitapis qarquyäshunki
64
maytsay nacionkunaman mashtakäyänaykipä. Tsay nacionkunachömi qerupita y rumipita rurashqa ïdulukunata adorayanki. Tsay ïdulukunataqa manam qamkunapis reqiyankitsu ni unay castantsikkunapis reqiyarqantsu.
65
Tsay nacionkunachö täyaptikipis Tayta Dios manam jamayänaykipäpis dëjayäshunkitsu. Tsaymi pasaypa llakikur, mantsarir y waqallar täyanki.
66
«Ima desgraciapitapis manam libritsu kayanki. Imapis cadalla päsayäshuptikim paqaspa junaqpapis mantsa mantsalla kayanki.
67
Pasaypa mantsakurmi patsa waraskiptinpis «¿imay hörarä tsakaykunqa?» niyanki. Patsa tsakaskiptinnam «¿imay hörarä patsa waraykunqa?» niyanki.
68
Egiptupa imaypis mana kutiyänaykipä Tayta Dios nishqa kaykaptinpis büquikunawanmi kutitsiyäshunki. Chikishuqnikikunaman chaykatsir esclävu kayänaykipä rantikuyäshuptikipis manam pipis rantiyäshunkitsu».
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34