bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 11
Judges 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
1
Galaad partichö täraq juk allish chölupa jutinmi karqan Jefté. Papäninpa jutinmi karqan Galaad. Mamannam karqan prostitüta warmi.
2
Legïtimu warminchöpis Galaadpa tsurinkuna karqanmi. Paykuna jatunyarkurmi wayinkunapita Jeftéta qarqur niyarqan: «Qamqa papänïpa tsuripakuyllanmi kanki. Paypa kaqtaqa ima herenciatapis manam chaskinkitsu».
3
Tsaymi Tob partiman Jefté aywakur asaltantikunawan juntakaykur suwakur purirqan.
4
Tsay witsanmi amonita runakuna Israel runakunata atacayarqan.
5
Tsaymi Galaad partichö täraq Israel mayor runakuna Tob partiman aywaykur Jeftéta
6
niyarqan: «Taytay, amonita runakunawan pelyayaptï mandaqnïkuna kanaykitam munayä».
7
Tsaynö niyaptinmi Jefté nirqan: «Qamkunaqa ¿manaku chikiyämar papänïpa wayinpitapis qarqayämarquyki? Qarqaykäyämarqa ¿ima cäraykikunawantä shamuykäyanki yanapanäta munar?»
8
Galaadpita aywaq mayor runakunanam niyarqan: «Taytay, runakuna atacayämaptin ima ruraytapis mana puëdirmi qamman shäyämurqü. Aywaykulläshun amonita runakunawan pelyar yanapayämänaykipä. Pelyar yanapayämaptikiqa Galaad partichö mandaqnïkuna kanaykipämi churayäshayki».
9
Tsaynö niyaptinmi Jefté nirqan: «Amonita runakunata vincinäpä Tayta Dios yanapamaptinqa ¿rasunpaku mandaqnikikuna kanäpä churayämanki?»
10
Tsaymi Galaadpita aywaq mayor runakuna niyarqan: «Imatapis niyämanqaykita rurayänäpämi Tayta Dios rikaykämashqa awniyä».
11
Tsaynö niyaptinmi paykunawan Jefté aywarqan. Galaadman chaykuyaptinnam mandaqninkuna kananpä churayarqan. Tsaypita Mizpaman aywaykurmi Tayta Diospa puntanchö Jefté yapay Israel runakunata awnirqan mandaqnin kar guërrachö yanapananpä.
12
Tsaypitam amonita runakunapa mandaqnin reyman willakuqkunata Jefté mandarqan. Chaykurmi niyarqan: «¿Imanirtä nacionnïman yaykamur atacayämarquyki?»
13
Tsaynö niptinmi amonita runakunapa mandaqnin rey nirqan: «Egiptupita yarqakamurmi qamkunaqa Arnón mayupita Jaboc mayuyaq y hasta Jordán mayuyaq nacionnïpita chakräkunatawan markäkunata qechuyämarqayki. Kananqa imapis manarä kanqanyaq kutitsiyämay».
14
Tsaynö ninqanta willayaptinmi amonita runakunapa mandaqnin reyman willakuqkunata Jefté yapay mandarqan.
15
Chaykurmi tsay willakuqkuna niyarqan: «Jeftémi nin: «Noqakunaqa manam moabita runakunapa ni amonita runakunapa nacionninpita mayqan partitapis qechuyarqütsu.
16
Unay castäkunaqa Egiptupita yarqamur desiertupa päsamurmi Puka Lamarman chäyämurqan. Tsaypita päsamurnam Cadesman chäyämurqan.
17
Tsayman chaykamurmi Edom nacionpa mandaqnin reyta rugakuyarqan nacionninpa päsakuyänanpä. Tsaynö rugakuyaptinpis päsayänanta manam munarqantsu. Tsaynöllam Moab nacionpa mandaqnin reytapis rugakuyarqan. Paypis manam munarqantsu nacionninpa päsayänanta. Tsaynöpam Cadesllachö patsakuyarqan.
18
«Päsayänanta mana munaptinmi Edom y Moab nacionkunapa lindërunkuna lädun desiertupana tumayarqan. Rupay yarqamunan lädupa aywarmi Arnón mayuman chaykur campamentunkunata rurayarqan. Peru moabita runakuna täyanqanman manam päsayarqantsu.
19
«Tsaypitanam unay castäkunaqa willakuqkunata mandayarqan amorreo runakunapa mandaqnin rey Sehónman. Paymi Hesbónchö tarqan. Chaykurmi niyarqan: «Taytay, aywaykäyanqä kaqman chäyänäpä nacionllaykipa päsakuykuyälläshä».
20
«Tsaynö niyaptinpis mana confiakurninmi Sehónqa munarqantsu Israel runakuna nacionninpa päsayänanta. Tsaypa rantinmi soldädunkunawan aywar Jahazachö campamentunkunata ruraskir unay castäkunawan pelyayarqan.
21
Tayta Dios yanapaptinmi rey Sehónta y paywan kaykaq runakunata ushakätsiyarqan. Tsaynöpam tsay partichö täraq amorreo runakunapa markankuna y chakrankunapis noqakunapana kaykan.
22
Tsay partiqa Arnón mayupita Jaboc mayuyaq y desiertupita hasta Jordán mayuyaqmi karqan.
23
«Kikin Tayta Diosmi amorreo runakunata qechuskir tsay partita entregayämarqan. ¿Tsaynö kaykaptinku qamkuna qechuyämayta munaykäyanki?
24
Quemos diosniki entregayäshunqaykikunaqa qamkunapämi kanqa. Tsaynöllam Tayta Diosnï qarayämanqankunaqa noqakunapä kanqa.
25
«Moab nacionpa mandaqnin rey Ziporpa tsurin Balacpita ¿mas poderyuq kayanqaykitaku yarpaykäyanki? Payqa manam Israel runakunata imaypis atacashqatsu ni wajupashqatsu.
26
«Kimsa pachak (300) watanam Hesbón markapita Aroer markayaq llapan tsay chakrakuna y markakuna Israel runakunapa kaykan. Tsaynöllam taykäyä Arnón mayu kuchun markakunachöpis. Qoriyta munarqa ¿imanirtä kananyaq qoriyarquykitsu?
27
Noqakunaqa manam qamkunata wajupäyarqü, sinöqa qamkunam wajupaykäyämanki. Kananqa jueznintsik Tayta Dios juzgamäshun Israel runakunata o amonita runakunata karpis».
28
Jefté tsaynö willakatsiptinpis amonita runakunapa mandaqnin rey manam cäsurqantsu.
29
Tsaymi Tayta Diospa Espïritun valuratsiptin Jeftéqa Manasés trïbu runakuna täyanqan Galaad partipa aywar runakunata qorir tumamurqan. Tsaypitam Galaadchö Mizpaman kutiykur qorinqan runakunata pushakurkur amonita runakunawan pelyaq Jefté aywarqan.
30
Yarqunqan höram Tayta Diosta awnir Jefté nirqan: «Amonita runakunata vinciyänäpä yanapamaptikiqa
31
wayïman kutiptï chaskimänanpä punta yarqamuq kaqmi qampä rupatsina sacrificiu kanqa».
32
Tsaypita amonita runakuna täyanqan partiman chaykuptinmi Jeftéta Tayta Dios yanaparqan paykunata vinciyänanpä.
33
Aroer markapita Minitman y tsaypita Abel-queramimman chanqanyaqmi amonita runakunapa ishkay chunka (20) markankunata ushakätsiyarqan. Tsaynöpam tsaytsika amonita runakunata Israel runakuna vinciyarqan.
34
Mizpaman kutir wayinman Jefté chaykaptinmi jukllaylla warmi tsurin panderëtata tukarnin tushuraykar tariparqan. Jeftépa manam mas tsurinkuna karqantsu ollqupis ni warmipis.
35
Tsaymi tsurinta rikaskir Jefté pasaypa llakikur röpantapis rachirnin nirqan: «¡Ay hïja! ¡Kananqa pasaypa llakikuymanmi churaykamarquyki! ¿Imapärä yarqamurqaykipis? Tayta Diosta awninqätaqa imanöpapis cumplishämi».
36
Tsaynö niptinmi tsurin nirqan: «Papä, amonita runakunata vinciyänaykipä yanapaykäshuptikiqa Tayta Diosta awninqaykita imanöpapis cumpliy.
37
Peru rugakulläshayki. Manarä piwanpis kar wanukunäpä kaykaptinqa ishkay killa yanasäkunawan jallqakunapa waqar purimunäpä dëjaykallämay».
38
Tsaynö rugakuptinmi Jefté awnirqan. Tsaymi yanasankunawan ishkay killa jallqakunapa waqar purirqan. Tsaynö waqar purirqan piwanpis manarä kar wanunanpä kaptinmi.
39
Ishkay killa cumpliskir papänin kaqman kutiykuptinmi Tayta Diosta awninqannölla Jefté cumplirqan. Tsaynöpam Jeftépa tsurin piwanpis manarä kar wanukurqan.
40
Tsaynöpam Israel jipashkuna cada watachö chusku junaqyaq Jeftépa tsurinpä waqar puriyan.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21