bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 6
Judges 6
Quechuan QXO (Biblia en Quechua del sur de Conchucos)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
1
Israel runakunaqa Tayta Diosta mana cäsurmi yapay juk dioskunata adorar qallaykuyarqan. Tsaymi madianita runakunapa poderninchö Tayta Dios dëjaskirqan qanchis wata ñakatsiyänanpä.
2
Madianita runakuna pasaypa ñakatsiyaptinmi Israel runakuna mantsarirnin pakakuyänankunata rurayarqan qaqakunachö, machaykunachö y pipis mana yaykunankunachö.
3
Cada watam cosëcha witsan madianita runakuna, amalecita runakuna y rupay yarqamunan kaq läduchö täraq wakin runakunapis Israel runakunata atacayaq.
4
Tsaymi Israel runakunapa chakrankunachö campamentunkunata rurakuykur chakrachö wayunqankunata hasta Gaza partiyaq ushayaq. Manam ima mikuytapis Israel runakuna mikuyänanpä jaqipuyaqtsu. Tsaynöllam üshankunatapis cabrankunatapis wäkankunatapis ashnunkunatapis apakuyaq.
5
Tsay runakunaqa toldunkunata apakurkurmi ashmankunawan maypapis aywayaq. Yupayta mana atipaypä camëllunkunawan aywarmi chakrakunachö mikuykunatapis tsaytsika chukllushkunanörä ushayaq.
6
Madianita runakuna tsaynö rurayaptinmi Israel runakuna pasaypa hambrünachö kayarqan. Tsaynö ñakarmi Tayta Diosta mañakuyarqan salvananpä.
7
Madianita runakunapita salvananpä mañakuyaptinmi
8
Tayta Dios willakuqnin profëtata mandarqan. Tsay profëtam nirqan: «Israel runakunata kuyaq Tayta Diosmi nin: «Egiptuchö esclävu kar ñakaykäyanqaykipita noqam jipimurqü.
9
Tsaynöllam wakin nación runakuna ñakatsiyäshuptikipis qamkunata salvarqü. Contraykikunata ushakaskatsirmi paykuna täyanqan partita qamkunatana entregarqü.
10
Qamkunatam nirqä: «Noqaqa Tayta Diosnikim kä. Amorreo runakunapa markankunachö tärar paykuna adorayanqan dioskunata ama adorayankitsu». Tsaynö niptïpis manam cäsuyämarquykitsu».
11
Tsaypita juk kutichömi Tayta Diospa angelnin Ofrachö kaykaq encina jacha chakinchö jamaykurqan. Tsay jachaqa Abiezer castapita miraq Joáspa chakranchömi karqan. Tsaychömi madianita runakuna mana rikayänanpä Joáspa tsurin Gedeónqa üva jarukunan kaqchö trïguta pakayllapa wayraykarqan.
12
Tsaychö wayraykaptinmi Tayta Diospa angelnin yuripuykur nirqan: «Kallpayuq y geniuyuq runa, Tayta Diosmi yanapaykäshunki».
13
Tsaynö niptinmi Gedeón nirqan: «Ay, taytay. Tayta Dios yanapaykämaptinqa ¿imanirtä kay desgraciakuna päsayäman? Unay castäkunam niyarqan Egiptupita Israel runakunata jipiyämunqanta. Kananqa ¿imanirtä tsaynö yanapayämantsu? Yanapayämänanpa rantinmi Tayta Dios qonqaskayämar madianita runakunapa poderninchö dëjayämashqa».
14
Tsaynö niptinmi Gedeónta rikärir Tayta Dios nirqan: «Qam puëdinkim madianita runakunapa poderninpita Israel runakunata salvayta. Paykunata salvanaykipä kikïmi qamta mandaykä».
15
Tsaynö niptinmi Gedeón nirqan: «Ay, taytay. ¿Imanörä Israel runakunata salväman? Manasés trïbu runakunachö noqapa castäkunaqa pobrim kayan. Tsaynöllam noqataqa imapäpis cuentayämantsu».
16
Tayta Diosnam nirqan: «Tsaynö kaptinpis madianita runakunata juk runatanölla ushakätsinaykipämi kikï yanapashayki».
17
Gedeónnam nirqan: «Rasunpa yanapamänaykipä kanqanta musyanäpä ima milagrullatapis ruramuy.
18
Taytay, imanö kaptinpis kusinakamunqäyaq kaychö jamapaykay». Tsaymi Tayta Dios nirqan: «Tsaynö kaptinqa kayllachö shuyaykäshayki».
19
Tsaymi Gedeónqa malta cabrata pishtaskir kusinakurqan. Tsaynöllam ishkay chunka (20) kïlu jarinapita levadüraynaq tantata masararqan. Tsaypitam aytsata canastawan y calduntana mankawan encina jacha chakinman aparqan.
20
Chätsiptinmi Tayta Diospa angelnin nirqan: «Aytsata y levadüraynaq tantata kay jatun rumi jananman churaykur jananman calduta wiñay». Ángel ninqannöllam llapanta Gedeón rurarqan.
21
Tsaymi Tayta Diospa angelnin tukrunwan aytsata y tantata töpaskirqan. Töpaskiptinmi rumipita nina tsarir aytsata y levadüraynaq tantata rupar usharqan. Tsaypitanam Tayta Diospa angelnin illakaskirqan.
22
Tsaynö illakaskiptinmi Gedeónqa tantiyarqan Tayta Diospa angelnin kanqanta. Tsaymi nirqan: «¡Taytay, kayrächi kayllaqa! ¡ Tayta Diospa angelninta rikaykarqa wanukushächi!»
23
Peru Tayta Diosnam nirqan: «Ama llakikuytsu ni mantsakaytsu. Manam wanunkitsu».
24
Tsaynö niptinmi Gedeónqa Tayta Diospä altarta ruraskir jutitsirqan Yahweh-shalomta. Tsay altarqa kananyaqmi Abiezer casta runakuna täyanqan Ofrachö kaykan.
25
Tsay paqasmi Gedeónta Tayta Dios nirqan: «Papänikipa wäkanpita qanchis watayuq allinnin kaq töruta apamuy. Tsaypita Baalpä papäniki ruranqan altarta juchuskatsir ñöpanchö kaykaq Asera diösapä jawiyanqan raku qerutapis tseqtay.
26
Tsaypita qaqa jananchö noqapä juk altarta ruray. Apamunqayki töruta pishtaskir Asera diösapä jawitsiyanqan raku qeruta tseqtanqaykiwan altar jananchö rupatsina sacrificiupä rupatsiy».
27
Tsaymi Gedeónqa chunka sirviqninkunata pusharkur Tayta Dios ninqannölla llapanta rurarqan. Peru papäninpa castankunapita y marka mayinkunapita mantsapakurmi tsakayllapa rurarqan.
28
Waraynin wäraynam markachö täraq runakuna rikayarqan Baalpa altarnin juchushqa kaykaqta y altarpa ñöpanchö kaykaq Asera diösapä jawiyanqan raku qerupis illakashqa kaykaqta. Tsaynöllam mushuq altarchö allinnin kaq töru rupatsishqata tariyarqan.
29
Tsaymi runakuna juknin jukninpis niyarqan: «¿Pirä kaytaqa rurashqa?» Tsaynö tapukuyaptinmi Joáspa tsurin Gedeón ruranqanta willayarqan. Tsaymi Joásman aywaykur niyarqan:
30
«¡Tsuriki Gedeónta wanutsiyänäpä ras jipimuy! ¡Paymi Baalpa altarninta juchutsishqa y ñöpanchö Aserapä jawinqantsik qerutapis tseqtashqa!»
31
Tsaynö niyaptinmi Joásqa tsaychö juntaraykaq runakunata nirqan: «Qamkunaqa ¿imanirtä Baalpa favornin shäriyanki? ¡Pipis Baalpa favornin shäriq kaqqa manarä patsa waraptinmi wanutsishqa kanqa! Rasunpa dios karqa altarnin juchutsiqta kikin Baal castigatsun».
32
Baalpa altarninta juchutsinqan junaqpitam Gedeónta Jerobaal jutiwan reqiyarqan. Jerobaal ninanqa «kikin Baal castigatsun» ninanmi.
33
Tsay witsanmi madianita runakuna, amalecita runakuna y rupay yarqamunan kaq läduchö täraq wakin runakunapis qorikarnin Jordán mayuta päsaskir Jezreel pampachö campamentunkunata rurayarqan.
34
Tsaymi Tayta Diospa Espïritun Gedeónta valuratsiptin runakuna qorikäyänanpä cornëtata tukarqan. Tukaptinmi Abiezer casta mayinkuna Gedeónwan qorikäyarqan.
35
Mas runakuna qorikäyänanpämi entëru Manasés trïbu runakuna täyanqankunaman willakuqkunata mandayarqan. Tsaynöllam willakatsirqan Aser trïbu runakunaman, Zabulón trïbu runakunaman y Neftalí trïbu runakunamanpis. Tsaynö qayatsiptinmi Gedeón kaqman llapan qorikäyarqan.
36
Llapan qorikaskiyaptinmi Tayta Diosta mañakur Gedeón nirqan: «Nimanqaykinö Israel runakunata salvanäpä yanapamänayki kaptinqa
37
kanan paqasmi qaratsata ëraman churashä. Waray wäraypä qaratsa ushmashqa kaptinpis patsa tsakilla kaptinqa rasunpam musyashä nimanqaykinö Israel runakunata salvanaykipä kanqanta».
38
Tsaymi waraynin wäray Gedeón shärikuskir qaratsata qaptsiptin juk tazón junta shullya yaku yarqurqan.
39
Tsaynö kaptinpis yapaymi Tayta Diosta Gedeón nirqan: «Taytay, yapay mañakuptï ama rabyakuykullaytsu. Yapaymi qaratsata patsaman churashä. Patsa ushmashqa kaptinpis millwa tsakilla warämuptinqa yanapamänaykipä kanqantam musyashä».
40
Tsaymi Gedeón mañakunqannölla Tayta Dios warätsimurqan patsa ushmashqata y qaratsata tsakillata.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21