bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 5
Judges 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
1
Tsay vinciyanqan junaqmi Déborawan Abinoampa tsurin Barac cantayarqan:
2
«Contrantsikkunawan pelyayänanpämi Israel nacionchö mandaq runakuna aywayarqan. Wakin runakunapis llapan voluntäninwanmi guërraman aywayarqan. Tsaynö kayanqanpita Tayta Diosta alabashun.
3
Reykuna, wiyayämay. Markachö mandaqkunapis, wiyayämay. Israel runakunata kuyaq Tayta Diospämi cantayäshä. Salmukunawanmi alabayäshä.
4
«Tayta Dios, Seirpita yarqamur Edom nación chakrakunapa puriptikim entëru patsa kuyurqan. Ciëluchö kaqkunapis pasaypam kuyurqan. Pukutaypitam tamyamurqan.
5
Israel runakuna respitayanqan Tayta Diospa puntanchöqa jallqakunapis kuyurqanmi. Sinaí jirkapis kuyurqanmi.
6
«Anatpa tsurin Samgar kanqan witsanpis, Jael kanqan witsanpis mantsarirmi pipis jatun nänipa purirqannatsu. Jatun nänipa puriyänanpa rantinmi chaki nänillapana puriyarqan.
7
Mantsarirmi jallqakunachöpis runakuna täyarqannatsu. Tsaynö kaptinmi noqa Débora Israel runakunapa mamannöpis favorninkuna shärirqü.
8
«Israel runakuna juk dioskunata adorayaptinmi guërrapis janankunachöna karqan. Chusku chunka waranqa (40,000) karpis escüduta y espädata aptayta manam valurayarqantsu.
9
«Tsaynö kaptinpis kananqa Israel runakunawan mandaqninkuna llapan voluntäninkunawanmi guërraman aywayashqa. Tsaynö kayanqanpita Tayta Diosta alabaykulläshun.
10
Fïnu ashnun muntashqa rïcukunapis, silla jananchö aywaqkunapis, llapaykikuna cantayay. Chakillapa puriqkunapis, Diosta alabayay.
11
Pukyukunaman chaykur tsaychö runakuna Diosta alabaykaqta wiyayay. Paykunam contrantsikkunata Tayta Dios vincinqanpita cantaykäyan. Paytam alabaykäyan pelyashqa yanapamanqantsikpita. Tsaymi Tayta Dios kuyanqan runakuna mana mantsariypa markankunaman kutiyarqan.
12
«¡Kushikuy, Débora! ¡Pasaypa kushikur cantay! Abinoampa tsurin Barac, ¡kushikuy! ¡Prësu tsarinqaykikunata apay!
13
«Tabor jirkapitam mandaqnin runakunawan Israel runakuna uräyarqan. Pelyayta yachaq runakunawanmi Tayta Diosman yärakuq runakuna pelyayarqan.
14
Amalecita runakuna puntata täyanqan kaqpitam Efraín trïbu runakuna guërraman aywayarqan. Paykunapa qepantam Benjamín trïbu runakuna aywayarqan. Tsaymanmi Maquirpita mandaqkunapis aywayarqan. Zabulón trïbu autoridäkunapis tsaymanmi aywayarqan.
15
Isacar trïbuchö mandaqkunapis Déborawanmi aywayarqan. Paykunam Baracpa qepanta raqra kuchun pampaman aywayarqan. «Rubén trïbu runakunaqa shimillanmi karqan.
16
Guërraman aywayänanpa rantinmi üshankunata mitsikur quëdayarqan. Rubén trïbu runakunaqa rikayllanmi kayarqan.
17
«Galaad partichö täraq runakunaqa Jordán mayu tsimpanchömi quëdayarqan. Dan trïbu runakunaqa büquikuna ichiränanchömi quëdayarqan. Aser trïbu runakunapis lamar kuchunchö büquinkunata cuidarmi quëdayarqan.
18
Peru Zabulón trïbu runakuna y Neftalí trïbu runakunam sïqa wanuytapis mana mantsaypa jallqakunachöpis, pampakunachöpis pelyayarqan.
19
«Cananeo runakunapa mandaqnin reykunam Israel runakunata atacayänanpä Taanacman shäyämurqan. Meguiduchö kaykaq pukyukuna lädunchömi atacayarqan. Peru mana vincirmi qellayta ni ima riquëzatapis apayarqantsu.
20
Qoyllurkunapis Sísarapa contranmi ciëlupita pelyayämurqan.
21
Cisón raqrapa yaku bunyaypa bunyar aywarmi contrantsikkunata aparqan. Tsayta rikashqa kaykarqa mana qelanaypa ni mana mantsariypa yapaypis pelyashun.
22
«Sísarapa caballunkunaqa patatarrämi guërraman aywayarqan. Patatarrä cörriyanqanpis wiyakamurqanmi.
23
Tayta Diospa angelninnam willakur nirqan: «¡Merozchö täraqkuna castigashqa kayätsun! Paykunaqa manam aywayashqatsu Tayta Diospa soldädunkunata yanapayänanpä».
24
«Ceneo runa Heberpa warmin Jael llapan warmikunapitapis mas respitashqa katsun. Tolduchö täraq llapan warmikunapitapis payta Tayta Dios mas yanapaykutsun.
25
Yakuta Sísara mañakuptinmi Jaelqa lichita qararqan. Kuyayllapä tazonwanmi ritishqa lichita qararqan.
26
Itsuq kaq makinwanmi estäcata aptarqan. Derëcha kaq makinwanmi martilluta tsarirqan. Llapan kallpanwan takarmi sentïdunpa Sísarata uchkuskirqan. Uma tullunta pakiskirmi toqshunpa päsatsirqan.
27
Sísaraqa Jaelpa puntanmanmi ishkirqan. Nanaywanmi patsachö qoshpar jitararqan. Patpatshaykanqanchömi ushakaskirqan.
28
«Sísarapa mamannam llakikurnin ventänapa rikachakuykanqanchö nirqan: «¿Imanirtä carrëtan chämuntsu? ¿Imanirtä guërra carrëtan jeqarkamunnatsu?»
29
Tsaypitanam alli yachaq warmikunawan niyarqan:
30
«Pelyachö vinciskir imatapis qoriyanqankunatam may rakipänakuykäyan. Cada soldäduchi juk ishkay jipashkunata esclävunpä rakipanakuykäyan. Sísara qorinqanchöqa atska color tëlakunam kanqa. Bordashqa juk ishkay kuyayllapä päñukunatatsurä soldädukunapa mandaqninkuna wallqakuykäyan».
31
«Tayta Dios, llapan contraykikuna tsaynö ushakäyätsun. Kuyashuqnikikunaqa patsa waraptin rupay shumaq atsikyämunqannö kayätsun». Tsaypitaqa chusku chunka (40) watayaqmi Israel runakuna tranquïluna kawayarqan.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21