bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 20
Judges 20
Quechuan QXO (Biblia en Quechua del sur de Conchucos)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
1
Tsaymi llapan Israel runakuna Danpita Beersebayaq y Galaad partipitapis Mizpaman aywar Tayta Diospa puntanchö qorikäyarqan.
2
Llapan trïbunkunapitam Israel runakunapa mandaqninkunapis kayarqan. Chusku pachak waranqa (400,000) runakunam espädankunawan tsaychö qorikäyarqan.
3
Mizpaman Israel runakuna qorikäyanqanta musyarpis Benjamín trïbu runakunaqa manam aywayarqantsu. Mizpachömi Leví trïbu runata Israel runakuna tapuyarqan: «¿Imanöpatä concubïna warmikita wanutsiyashqa?»
4
Tsaymi wanuq warmipa runan nirqan: «Benjamín trïbu runakuna täyanqan Gabaa markamanmi patsakuyänäpä concubïna warmïwan chäyarqä.
5
Tsay paqasmi tsaychö täraq runakuna wanutsimayta yarpar patsakuyanqä wayiman qorikäyämurqan. Mana yarquptïmi concubïna warmillätana violarnin wanutsiyashqa.
6
Tsaynö pasaypa penqakuypä jutsata rurayanqanta musyayänaykipämi ayanta pedäzu pedäzu roquskir entëru Israel nacionpa apatsimurqü.
7
Llapantsikpis Israel runa kaykarqa kanan yarpachakushun imata ruranantsikpäpis».
8
Tsaynö niptinmi llapan runakuna juk yarpaylla niyarqan: «Kayta manarä arreglarqa ni mayqantsikpis manam wayintsikman kutishwantsu.
9
Kananqa suertiyashun Gabaa markata mayqan kaq trïbupis puntata atacananpä.
10
Tsaynölla cada chunka runapita juk runata akrashun mikuyta qorir apapämänantsikpä. Tsaypitam Gabaaman aywashun Israel nacionchö penqakuypä jutsata rurayanqanpita tsay runakunata wanutsinantsikpä».
11
Tsaynö nirmi Israel runakuna llapanpis tsay yarpaylla Gabaa markata atacayänanpä kayarqan.
12
Tsaymi Benjamín trïbu runakuna täyanqan partikunaman Israel runakuna willakuqkunata mandayarqan niyänanpä: «¿Imanirtä tsayläya jutsata qamkuna rurayarquyki?
13
Juklla entregayämay Gabaa markachö täraq jutsasapa runakunata wanutsiyänäpä. Tsaynöparämi Israelchö jutsa ruraqkunata illakätsiyäshä». Israel runakuna tsaynö niyaptinpis Benjamín trïbu runakunaqa manam cäsuyarqantsu.
14
Tsaypa rantinqa Israel mayinkunawan guërrata rurayänanpä markankunapita aywarmi Gabaa markaman qorikäyarqan.
15
Guërraman aywayänanpä qorikaq Benjamín trïbu runakunaqa ishkay chunka joqta waranqam (26,000) kayarqan. Tsayqa karqan Gabaa markachö täraq qanchis pachak (700) alli pelyay yachaq runakunata mana yupayllapam.
16
Tsaynöllam Benjamín trïbu runakunachö qanchis pachak (700) runakuna itsuq kaq makinwan warakakuy yachaqkuna kayarqan. Tsay runakunaqa juk aqtsallatapis mana fällaypam warakakuyaq.
17
Wakin trïbu Israel runakunanam guërrachö pelyay yachaq kaqlla chusku pachak waranqa (400,000) qorikäyarqan.
18
Manarä guërraman aywarmi Israel runakuna Tayta Diosta tapuyänanpä Bet-elman aywayarqan. Tsaychömi mayqan trïbu runakuna Benjamín trïbu runakunata puntata atacayänanpäpis tapuyarqan. Tsaymi Tayta Dios nirqan Judá trïbu runakuna puntata atacayänanpä.
19
Tsaymi Israel runakunaqa wäraylla aywar Gabaa markapa tsimpanchö campamentunkuna shäritsiyarqan.
20
Tsaypitanam tsay tsimpallanman guërrachö pelyayänanpä churanakuyarqan.
21
Peru Benjamín trïbu runakunaqa markapita yarqurmi Israel runakunata tsay junaq ishkay chunka ishkay waranqata (22,000) wanutsiyarqan.
22
Wanutsiyaptinpis Israel runakunaqa waraynin junaqmi valuratsinakuyarqan pelyayanqan kaqman kutiykur Benjamín trïbu runakunawan yapay pelyayänanpä.
23
Manarä pelyarmi Bet-elman yapay aywaykur Tayta Diospa puntanchö patsa tsakanqanyaq waqayarqan. Tsaychömi Tayta Diosta tapur niyarqan: «¿Yapayku Benjamín trïbu Israel mayïkunawan pelyayäshä?» Tsaynö tapuyaptinmi Tayta Dios nirqan: «Yapay paykunata atacayay».
24
Tsaynö niptinmi Benjamín trïbu runakunawan pelyayänanpä aywayarqan.
25
Atacayaptinmi Benjamín trïbu runakunaqa Gabaapita yapay yarqamur chunka puwaq waranqa (18,000) Israel runakunata wanutsiyarqan.
26
Tsaymi Israel runakunaqa Bet-elman yapay kutiykur Tayta Diospa puntanchö llapanpis waqayarqan. Qoyat ayunarninmi rupatsina sacrificiukunata y alli päsakuy sacrificiukunata Tayta Diospä rupatsiyarqan.
27
Israel runakuna tsaynö Bet-elman aywayarqan Tayta Diospa Pactu Babulnin tsaychö kaptinmi.
28
Tsaynöllam Aarónpa willkan y Eleazarpa tsurin Finees Tayta Diosta sirvir tsaychö kaykarqan. Tsaymi Israel runakuna tapuyarqan: «Benjamín trïbu Israel mayïkunawan ¿yapayku pelyayäshä o manaku?» Tsaymi Tayta Dios nirqan: «Pelyayänaykipä yapay aywayay. Waraymi yanapayäshayki qamkuna vinciyänaykipä».
29
Tsaynö niptinmi Israel runakunaqa aywar wakinkuna Gabaa marka lädunkunapa pakakuyarqan.
30
Wakinkunam atacayänanpä puntata churanakuyanqannölla Gabaa tsimpanman yapay churanakuyarqan. Tsayqa pelyayta qallayanqanpita kimsa junaqchömi karqan.
31
Yapaymi Benjamín trïbu runakunaqa markapita yarqur Israel runakunata wanutsir qallaykuyarqan. Chakrakunapa y Gabaapita Bet-elman aywaq nänikunapa qatipar kimsa chunka (30) Israel runakunata wanutsirmi
32
Benjamín trïbu runakunaqa yarpäyarqan puntata vinciyanqannölla yapaypis vinciyanqanta. Israel runakunaqa karu niraqman qeshpiq tukuyarqan Benjamín trïbu runakuna qatipäyänanta munarmi.
33
Baal-tamar partiman chaykurnam Israel runakuna tumapaykamur Benjamín trïbu runakunata atacayämurqan. Tsaynöllam Gabaa marka lädunkunachö pakaraqkunapis yarqurnin markachö quëdaq runakunata atacayarqan.
34
Tsay atacaq runakunaqa chunka waranqa (10,000) alli chölu runakunam kayarqan. Tsay junaq pelyar pasaypa tsarapänakurnin Benjamín trïbu runakunaqa vincikäyänanpä kanqanta manam musyayarqantsu.
35
Tsaynöpam Israel runakunata Tayta Dios yanaparqan Benjamín trïbu runakunata vinciyänanpä. Tsay junaqmi Benjamín trïbu runakunata ishkay chunka pitsqa waranqa pachakta (25,100) wanutsiyarqan. Llapanpis tsay runakuna espädata alli manijaqmi kayarqan.
36
Tsaynö wanutsiyaptinmi Benjamín trïbu runakunaqa cuentata qokuyarqan pelyachö perdiyanqanta. Tsaypitam paykunata vinciyänanpä Israel runakuna qeshpiq tukuyarqan. Tsaymi Benjamín trïbu runakuna paykunata qatipaykäyaptin Gabaa marka lädunkunaman pakakuq runakuna
37
markaman illaqpita yaykur espädawan llapanta tsaychö kaqta wanutsiyarqan.
38
Manarä atacarmi Israel runakuna willanakuyarqan: «Wakintsik marka waqtanchö pakakunqantsikpita markaman yaykur wayikunata rupatsishun. Wakintsiknam markapita qoshni shäriykaqta rikar Benjamín trïbu runakunata tumapaykur atacashun».
39
Willanakuyanqannöllam wakin Israel runakuna qeshpiptin Benjamín trïbu runakuna qatipäyarqan. Qatiparnin kimsa chunkatanö (30) Israel runakunata wanutsirmi Benjamín trïbu runakuna kushikur niyarqan: «Puntata vincinqantsiknöllam kananpis vinciykantsik».
40
Tsaynö nir qatiykäyanqanchömi tikraykur rikayarqan qoshnipis ninapis lunyaypa lunyar markapita shäriykaqta.
41
Israel runakunapis tsayta rikaykur tumapuyaptinmi Benjamín trïbu runakunaqa mantsakarnin ima ruraytapis puëdiyarqantsu.
42
Tsaymi tsunyaqman aywaq nänipa qeshpiyarqan. Nänipa qeshpiykaqtam Israel runakuna markapita yarqur wanutsiyarqan.
43
Tsaymi Benjamín trïbu runakunata tsapa tsapaykur Menúhapita Gabaa washa lädunyaq Israel runakuna wanutsir ushayarqan.
44
Tsaynöpam Benjamín trïbu runakunata chunka puwaq waranqa (18,000) alli pelyay yachaq runakunata wanutsiyarqan.
45
Desiertuchö kaykaq Rimón qaqaman qeshpiykaq runakunatapis pitsqa waranqatam (5,000) wanutsiyarqan. Tsaynöllam wakin runakunatapis hasta Gidomyaq qati qatiykur ishkay waranqata (2,000) wanutsiyarqan.
46
Tsay junaqmi Benjamín trïbu runakuna ishkay chunka pitsqa waranqa (25,000) mas allinnin pelyaq runakuna wanuyarqan.
47
Joqta pachakllanam (600) Benjamín trïbu runakunaqa Rimón qaqaman qeshpiykur chusku killa tsaychö täyarqan.
48
Israel runakunanam Benjamín trïbu runakuna täyanqan markakunaman aywar tsaychö kaykaq runakunatapis tariyanqan kaqta llapanta wanutsir ushayarqan. Tsaynöllam ashmankunatapis wanutsirnin markankunatapis kayar ushayarqan.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21