bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 2
Judges 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
Tayta Diospa angelninmi Gilgalpita Boquimman aywaykur Israel runakunata nirqan: «Egiptupita jipimurnikim Abrahamta, Isaacta y Jacobta awninqä nacionman pushamur nirqä: «Pactu ruranqantsiktaqa manam imaypis qonqashätsu.
2
Peru kay nacionchö täraq runakunawanqa ama ima pactutapis rurayankitsu. Tsaypa rantin altarninkunatapis chipyaq juchutsiyanki». Tsaynö nikaptïpis qamkunaqa manam cäsuyämarqaykitsu. ¿Imanirtä tsaynö mana wiyakuq kayanki?
3
Tsaymi kanan nï: Taykäyanqayki markakunachö taykaq runakunata manam qarqushätsu. Paykunam chakikikunachö kasha jatiraykaqnö kayanqa. Adorayanqan diosninkunallapämi shonquykikunapis yarparanqa».
4
Tayta Diospa angelnin tsaynö parlayta ushaskiptinmi llapan Israel runakuna pasaypa waqayarqan.
5
Tsaymi tsay partipa jutin churayarqan Boquim kananpä. Tsaychömi Tayta Diospä sacrificiukunata rupatsiyarqan.
6
Aywakuyänanpä Josué despachaptinmi Israel runakuna herenciankuna chaskiyanqan chakrankunaman kutikuyarqan.
7
Israel runakunata yanapar milagrukunata Tayta Dios ruranqantam Josué y Egiptupita wakin yarqamuqkunapis rikayarqan. Tsaymi paykuna kawayanqanyaq Israel runakuna Tayta Dios munanqannö kawayarqan.
8
Peru Tayta Diospa sirviqnin Josué pachak chunka (110) watayuq kaykarmi wanukurqan.
9
Wanuskiptinmi Timnat-serachö kikinpa chakranman pampayarqan. Tsayqa Gaas jirka norti kaq lädupa y Efraín jallqakunachömi karqan.
10
Josuépa yuriy mayinkunapis wanukuskiyaptinmi qepa yuriq runakunaqa musyayarqantsu Tayta Dios ninqankunata ni Israel runakunata imanö yanapanqantapis.
11
Tsaypitanam Tayta Diosta mana cäsur Israel runakunaqa Baal dioskunata adorayarqan.
12
Egiptupita jipimushqa kaykaptinpis unay castankuna criyikuyanqan Tayta Diosta mananam adorayarqannatsu, sinöqa ñöpan nacionkunachö täraq runakuna adorayanqan dioskunata adorarmi Tayta Diosta pasaypa rabyanätsiyarqan.
13
Tayta Diosta adorayänanpa rantinmi Baal diosta y Astarot diösata adorayarqan.
14
Tsaynö kayaptinmi Tayta Dios pasaypa rabyakur Israel runakunata yanaparqannatsu. Tsaymi ñöpan nacionkunachö täraq contrankuna yaykuskir imaykankunata apakuyaptinpis defiendikuyta puëdiyarqantsu.
15
Contran runakunawan pelyaq aywayaptinpis Tayta Dios ninqannöllam Israel runakunapa contran karqan. Tsaymi ima ruraytapis mana puëdir pasaypa llakikuyarqan.
16
Tsaypitanam juezkunata Tayta Dios churarqan contran runakunata vinciyänanpä.
17
Tsay juezkunata mana cäsurmi juk dioskunata adorayarqan. Unay castankuna Tayta Diospa mandamientunkunata cäsuyashqa kayaptinpis paykunaqa manam cäsukuyarqantsu.
18
Tsaynö kaptinpis contrankuna pasaypa ñakatsiyanqanta rikarmi Tayta Dios kuyapar juk juezta churarqan. Tsay juez kawanqanyaqmi contrankunata vinciyänanpä Israel runakunata Tayta Dios yanaparqan.
19
Peru juez wanuskiptinmi sïqa awilunkunapitapis mas peor yapay jutsa rurayman churakäyarqan. Tsaymi juk dioskunata adorar mana alli costumbrikunata dëjayta munayarqantsu.
20
Israel runakuna tsaynö kayaptinmi Tayta Dios pasaypa rabyar nirqan: «Unay castankunawan pactu ruranqäta manakaqman churarmi kay runakunaqa mandanqätapis cumpliyantsu.
21
Tsaymi paykunataqa yanapashänatsu Josué mana ushakätsinqan contran runakunata ushakätsiyänanpä.
22
Tsay contran runakunam jutsata rurayänanpä Israel runakunata inkitayanqa. Tsaynöpam musyashä Israel runakuna unay castankunanö cäsuyämanqanta o mana cäsuyämanqantapis».
23
Tsaynö nirmi Josué mana ushakätsinqan markakunachö täraq runakunata ushakätsiyänanpä Israel runakunata Tayta Dios yanaparqannatsu.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21