bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 14
Judges 14
Quechuan QXO (Biblia en Quechua del sur de Conchucos)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
1
Juk junaq Timnat markaman Sansón aywarmi filistea jipashta rikaykur pasaypa munapaskirqan.
2
Tsaymi wayinman kutiykur mamanta y papäninta nirqan: «Timnat markachömi kuyayllapä filistea jipashta rikarqü. Tsay jipashta warmïpä ashipayämay».
3
Tsaynö niptinmi mamanwan papänin niyarqan: «¿Imanirtä filistea jipashta warmikipä munanki? Filisteo runakunaqa manam Tayta Diosman criyiyantsu. ¿Manaku Israel mayintsikchö jipashkuna kan?» Sansónnam nirqan: «Tsay jipashtam kuyä. Warmïpä ashipayämay».
4
Sansónpa mamanwan papäninqa manam tantiyayarqantsu filisteo runakunata wajupänanpä Tayta Dios tsay yarpayta Sansónman churanqanta. Tsay witsanqa filisteo runakunapa poderninchömi Israel runakuna kayarqan.
5
Tsaynöpam mamanwan y papäninwan Timnatman aywar üva chakrapa päsaykaptin Sansónta juk malta león qayararrä atacarqan.
6
Tayta Diospa Espïritun yanapaptinmi llullu cabrata rachiqnö ishkayman rachiskirqan. Tsaynö wanutsinqanta manam mamanta ni papäninta willarqantsu.
7
Timnatman chaykurnam kuyanqan jipashwan parlar Sansón kushikurqan.
8
Markanman kutinqanpita juk ishkay junaqllatanam Timnatman yapay aywarqan jipashta apananpä. Nänipa aywaykanqanchömi Sansónqa yaqarqan wanutsinqan leonta rikaq. Tsaymi leonpa cuerpunchö maytsika abëjakunata y mishkinta tarirqan.
9
Tsay mishkita jipiskirmi mikuraykar aywarqan. Mamanta y papäninta taripaykur yawatsirpis manam willarqantsu maypita jipinqanta.
10
Timnatman chaykurnam jipashpa wayinman Sansónpa papänin aywarqan. Tsaychömi paykunapa costumbrin kanqannö casaray fiestata jövinkunawan Sansón rurarqan.
11
Sansónta rikaykurmi filisteo runakuna kimsa chunka (30) jövinkunata qayatsiyarqan paywan mikur upur kayänanpä.
12
Fiestaman chäyaptinmi tsay jövinkunata Sansón nirqan: «Juk adivinanzata niyäshayki. Qanchis junaq fiesta kanqanyaq ninqäta adivinayaptikiqa cada ünuykitam fïnu lïnupita rurashqa röpata y fiestaman aywayänaykipä röpatapis qarayäshayki.
13
Peru mana adivinarmi sïqa cada ünuyki fïnu lïnupita rurashqa röpata y fiestaman aywanäpä röpata qarayämanki». Paykunanam niyarqan: «Mä tsay adivinanzata niyämay. Noqakuna wiyayäshaykim».
14
Tsaymi Sansón nirqan: «¿Imatä imatäshi kallä? Mikukuq karpis mikuymi. Kallpasapa karpis mishkim». Tsay adivinanza ima kanqantapis manam tsay jövinkuna kimsa junaqchöpis tantiyayarqantsu.
15
Chusku junaqchönam Sansónpa warminta niyarqan: «Runayki Sansónta tapuy tsay adivinanza ima kanqantapis willayämänaykipä. Mana willayämaptikiqa wayikichö kaykaqtam llapaykita rupatsiyäshayki. ¡Qamkunaqa kay fiestaman qayatsiyämarquyki pobritsayämänayki raykurmi!»
16
Tsaymi Sansónta waqaparnin warmin nirqan: «¡Manam kuyamankitsu! ¡Chikiykämankim! Rasunpa kuyamarqa marka mayïkunata ninqayki adivinanza ima kanqantapis willamankimanmi». Tsaynö niptinmi Sansón nirqan: «Mamätapis papänïtapis manam willarqütsu. ¿Tsaytsurä qamta willäman?»
17
Adivinanza ima kanqantapis mana willaptinmi warmiqa fiesta ushakanqanyaq qoyay qoyay waqaparqan. Kutin kutin tapupaptinmi fiesta ushay qanchis junaqchörä Sansón willarqan ima kanqantapis. Willaykuptinmi warmin ras aywarqan marka mayinkunata willananpä.
18
Tsaymi fiesta ushanan qanchis junaqchöqa rupay manarä jeqaptin filisteo jövinkuna Sansónta niyarqan: «Abëjapa mishkinpita masqa imapis manam mishkintsu. Ni leonpita mas kallpasapaqa manam imapis kantsu». Sansónnam nirqan: «¡Ternëräta mana arutsirqa manam musyayankimantsu karqan!»
19
Tsaypitanam Tayta Diospa Espïritun yanapaptin Ascalón markaman aywaykur kimsa chunka (30) runakunata wanutsirqan. Tsay runakunapa röpankunata apaykurmi adivinanza ima kanqantapis niq jövinkunata qararqan. Tsaynö ruraskirnam pasaypa rabyashqa papäninpa wayinman kutikurqan.
20
Tsayyaqmi jipashpa papäninqa Sansónpa warminta tsay fiestaman aywaq jövinta entregarqan warmin kananpä. Tsay jövinqa Sansónpa amïgunmi karqan.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21