bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 21
Judges 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
1
Mizpachö kaykarmi Tayta Diospa jutinchö jurarnin Israel runakuna niyarqan Benjamín trïbu runakunawanqa mayqanpis warmi tsurinkunata mana churakätsiyänanpä.
2
Peru tsaypitanam Bet-elman aywaykur Tayta Diospa puntanchö llakikur qoyat waqarnin niyarqan:
3
«Ay Tayta Dios, ¿imatä päsaykayämashqa? Kananqa Israel runakunachö juk trïbu entëru manam kannatsu».
4
Tsaypita waraynin wäraynam altarta ruraskir rupatsina sacrificiukunata y alli päsakuy sacrificiukunata rupatsiyarqan.
5
Tsaypitanam niyarqan: «Benjamín trïbu runakunawan manarä pelyar Mizpachö qorikashqa ¿mayqan marka runakunatä noqantsikwan qorikäyashqatsu?» (Mizpachömi Israel runakunaqa Tayta Diospa jutinchö jurar niyarqan mayqanpis tsayman mana qorikaq runakunataqa wanutsiyänanpä.)
6
Benjamín trïbu runakuna ushakäyanqanpita llakikurmi Israel runakuna niyarqan: «Kanan junaqmi Israelpita juk trïbu entëru ushakashqa.
7
Kawaykar quëdaq Benjamín trïbu runakuna warmiyuq kayänanpä ¿imatatä rurashun? Noqantsikqa Tayta Diospa jutinchömi jurarquntsik warmi tsurintsikkunawan paykunata mana churakätsinantsikpä».
8
Tsaynö tapunakurmi niyarqan: «Mizpachö sesionta rurashqa ¿mayqan marka runakunatä Tayta Diospa puntanchö noqantsikwan qorikäyashqatsu?» Tsaymi Jabes-galaadpita mayqanpis mana aywayanqanta yarpaskiyarqan.
9
Tsay sesionchö listata qayayaptinmi Jabes-galaadpita pipis contestarqantsu.
10
Tsaymi Israel runakunaqa chunka ishkay waranqa (12,000) allinnin soldädukunata Jabes-galaadman mandar niyarqan: «Jabes-galaadman aywar tsaychö kaq runakunata, warmikunata y wamrakunatapis espädawan llapanta wanutsiyämuy.
11
Peru doncëlla jipashkunata sïqa ama wanutsiyankitsu».
12
Tsaynö niyaptinmi Jabes-galaadman aywar llapanta wanutsir chusku pachak (400) doncëlla jipashkunata tariyarqan. Tsay jipashkunatam Silo markachö kaykaq campamentuman apayarqan. Siluqa Canaánchömi kaykan.
13
Tsaypitanam Rimón qaqachö kaykaq Benjamín trïbu runakunaman aywar Israel runakuna alli shiminkunallapa markankunaman kutiyänanpä niyarqan.
14
Tsaymi markankunaman kutiyaptin Jabes-galaadpita apayanqan jipashkunata warminkunapä entregayarqan. Tsaypis manam llapan runakunapäqa ayparqantsu.
15
Benjamín trïbu runakunata wanutsiyänanpä Tayta Dios yanapaptin cäsi llapanta ushakaskatsirmi Israel runakuna pasaypa llakikuyarqan.
16
Tsaymi mayor runakuna niyarqan: «¿Imanöpatä warmita tarishun wakin Benjamín trïbu runakunapä? Paykuna castaqa warmikunapis chipyaqmi ushakäyashqa.
17
Wakin quëdaq Benjamín trïbu runakunapa tsurinkuna mana kaptinqa Israel runakunapita chipyaqmi illakanqa.
18
Tsaynö kaptinpis llapantsikmi Tayta Diospa jutinchö jurar willanakurquntsik Benjamín trïbu runakunata warmi tsurintsikwan churakätsirqa maldicionashqa kanantsikpä. Tsaymi warmi tsurintsikkunata entregashwantsu warminkuna kayänanpä».
19
Tsaynö nikäyanqanchömi yarpaskiyarqan Siluchö Tayta Diosta adorayänanpä jatun fiesta chaykämunqanta. Siluqa karqan Bet-elpita norti kaq lädupa, Lebonapita sur kaq lädupa y Bet-elpita Siquemman näni aywaqpa rupay yarqamunan kaq lädupam.
20
Tsaymi warmiynaq kaq Benjamín trïbu runakunata mayor runakuna niyarqan: «Siluman aywar üva chakrakunaman pakakuykur
21
rikachakuqnölla shuyaräyanki. Silo marka jipashkuna tushuyta qallaykuyaptin cada ünuyki jukta apakurkur chaskiyanqayki herenciaykikunaman aywakuyanki.
22
Jipashpa maman o taytan o turinkuna noqakunaman quejakayämuptinmi niyäshä: «Paykunata perdonaykuyällay. Jabes-galaadchö pelyaskir noqakunaqa warmita manam llapanpäqa tariyarqütsu. Tsaynölla paykunapa warminpä kikikikuna mana entregaykarqa jurashqa karpis manam jutsayuqtsu kayanki».
23
Israel mayor runakuna yätsiyanqannöllam Benjamín trïbu runakunaqa llapantapis rurayarqan. Tsaymi tushuykäyanqanman aywar cada ünun juk jipashta suwaskir warminpä apakuyarqan. Tsaypitam chakrankunaman kutirnin juchutsishqa kaykaq markankunata shäriskatsir tsaychöna täyarqan.
24
Tsaypitaqa Israel runakunapis trïbunkunaman, castankunaman y chakrankunamannam kutikuyarqan.
25
Tsay witsanqa Israel runakunapa mandaqnin rey manam karqanrätsu. Tsaymi imatapis yarpäyanqanta rurakuyaq.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
All chapters:
1
2
3
4
5
6
7
8
9
10
11
12
13
14
15
16
17
18
19
20
21