bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 13
Judges 13
Quechuan QXO (Biblia en Quechua del sur de Conchucos)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
Tsaypitanam Israel runakuna mana cäsukur Tayta Diosta yapay rabyanätsiyarqan. Tsaymi Tayta Dios manana yanapaptin filisteo runakuna chusku chunka (40) wata ñakatsiyarqan.
2
Tsay witsanmi Dan trïbupita Manoa jutiyuq runa Zora markachö tarqan. Warmin qolluq kaptinmi wamrankunapis karqantsu.
3
Peru juk junaqnam Tayta Diospa angelnin yuripaykur Manoapa warminta nirqan: «Qolluq kaykarpis qeshyaq rikakurmi ollqu wamrata qeshyakunki.
4
Wamrayki yurinqanyaq vïnuta ni ima machätsikuqtapis ama upunkitsu. Tsaynölla impüru kaq ashmakunatapis ama mikunkitsu.
5
Pachaykichö kaykaptillanmi wamraykita Tayta Dios akranqa nazareo kananpä. Tsaymi aqtsanta imaypis rutukunqatsu. Paymi Israel runakunata filisteo runakunapa poderninpita salvar qallaykunqa».
6
Ángel tsaynö ninqantam runanta willarqan: «Tayta Diospa willakuqninmi chämushqa. Kikin Tayta Diospa angelnin rikuqmi mantsariypä kashqa. Manam maypita kanqanta ni pï kanqantapis tapurqütsu, ni kikinpis manam willamashqatsu.
7
Paymi nimashqa wamrantsik ollqu kananpä kanqanta. Kananpitaqa manash upushätsu vïnuta ni ima machätsikuqtapis. Impüru kaq ashmakunatapis manash mikushätsu. Manaräpis yuriptinshi wamrantsikta Tayta Dios akranqa yurinqanpita wanunqanyaq nazareo kananpä».
8
Tsaynö niptinmi Tayta Diosta mañakurnin Manoa nirqan: «Tayta Dios, yapay tsay runata mandaykamuy tsurï yuriptin imanö wätanäpä kanqantapis tantiyaykatsimänanpä».
9
Tsaynö mañakuptinmi Manoapa warminta ángel yapay yuripurqan chakrachö kikillan kaykaptin.
10
Tsaymi warmiqa cörrilla aywaykur Manoata nirqan: «¡Jukpin yuripamaq runam yapay chämushqa!»
11
Tsaymi Manoaqa jinan höra aywarqan runa kaykanqan kaqman. Chaykurmi nirqan: «Taytay, ¿qamku warmïta nirquyki qeshyaq rikakunanpä?» Tsaynö niptinmi nirqan: «Awmi, noqam kä».
12
Tsaymi Manoa tapurqan: «Ninqaykinö tsurï yuriptin ¿imanötä wätashä?»
13
Tayta Diospa angelninnam nirqan: «Llapan yätsinqäkunata warmiki cumplitsun.
14
Ama mikutsuntsu üvata ni päsastapis. Tsaynölla ama uputsuntsu vïnuta ni ima machätsikuqtapis. Impüru kaq ashmakunatapis ama mikutsuntsu. Ninqänölla llapanta cumplitsun».
15
Tsaymi Tayta Diospa angelninta Manoa nirqan: «Taytay, shuyaskillay malta cabrata pishtaskir kusinakamunqäyaq».
16
Peru angelnam nirqan: «Kusinakamuptikipis manam mikushätsu. Qaramänaykipa rantin malta cabrata Tayta Diospä rupatsina sacrificiuta rupatsiy». Tsaynö niptinpis Manoaqa manam tantiyarqantsu Tayta Diospa angelnin kanqanta.
17
Tsaymi angelta nirqan: «Taytay, jutikita willaykamay nimanqaykikuna cumpliptin agradëcikuyänäpä».
18
Peru angelnam nirqan: «¿Imapätä jutïta musyayta munanki? Jutïtaqa manam pipis tantiyayta puëdintsu».
19
Tsaymi Manoaqa malta cabrata y tsaki mikuyta jatun rumi jananman churaykur Tayta Diospä rupatsirqan. Rupaykätsiptinmi Manoata y warminta imaypis mana rikayanqan milagruta Tayta Dios rikatsirqan.
20
Tsaymi altarpita nina lunyaptin warminwan Manoa rikayarqan Tayta Diospa angelnin nina chawpinpita ciëluman witsaykaqta. Tsayta rikaykurmi mantsakarnin ishkanpis patsaman juklla lätakuykuyarqan.
21
Nina chawpinpita witsaykaqta rikarmi Manoaqa tantiyarqan Tayta Diospa angelnin kanqanta. Tsaypitaqa mananam mayqantapis ángel yuripurqannatsu.
22
Tsaymi warminta Manoa nirqan: «¡Tayta Diostam rikarquntsik! ¡Kananqa wanushunchi!»
23
Tsaynö niptinmi warmin nirqan: «Wanutsiyta munamarnintsikqa Tayta Dios manam chaskimashwantsu karqan rupatsina sacrificiutawan mikuyta rupatsinqantsiktapis. Manam imatapis rikatsimashwantsu karqan ni willamashwantsu karqan».
24
Tsaypita killan tinkuskiptinnam ollqu wamrata qeshyakur jutinta churarqan Sansónta. Wamra shakshayllantam Tayta Dios llapanchöpis yanaparqan.
25
Zora y Estaol markakunachö kaykaq Mahané-dan partichö taykäyaptinmi Tayta Diospa Espïritun Sansónta yanapanqanta runakuna tantiyayarqan.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21