bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 19
Judges 19
Quechuan QXO (Biblia en Quechua del sur de Conchucos)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 20 →
1
Israel runakunachö rey manarä kaptinmi Efraín jallqakunachö Leví trïbupita juk runa tarqan. Payqa wakin runakunapita karuchömi tarqan. Juk kutim Judá partichö kaykaq Belén markaman aywaykur concubïna warmin kananpä warmita aparqan.
2
Tsaypitanam tsay warmiqa runanta dëjaskir papänin kaqpa Belénman kutikurqan. Papänin kaqchömi chusku killa tarqan.
3
Tsaymi runanqa juk sirviqninta pushakurkur y ishkay ashnunta qatikurkur alli shimillanpa parlapar kutitsimunanpä aywarqan. Chäyaptinmi warminqa papäninpa wayinman yaykatsirqan. Mashanta rikaykurmi suegrunpis kushikurqan.
4
Quëdananpä niptinmi suegrunpa wayinchö mikur y upur kimsa junaq quëdayarqan.
5
Chusku junaqchönam kutikuyänanpä wärayllana shärikuyarqan. Yarquykäyaptinnam suegrunqa nirqan: «Mallaqllaqa aywayankimanräku. Imallatapis mikurkushunrä».
6
Tsaymi jamaykur ishkan mikuyarqan y upuyarqan. Tsaychömi tsay paqaspis quëdananpä suegrun rugarqan.
7
Tsaynö rugaptinmi aywakunanpäna alistakushqa kaykarpis tsay paqaspis tsaychö quëdakurqan.
8
Pitsqa junaqchönam aywakunanpä tsaka tsakallana shärikurqan. Tsay junaqpis suegrun yapay rugarmi nirqan: «Mikur upur jamapärishunrä. Mas tardinam aywakuyanki». Tsaymi mikur upur jamaräyarqan.
9
Tsaypita concubïna warmintawan sirviqninta pushakurkur aywakuyänanpä alistakuptinmi suegrun nirqan: «Taytay, rupaypis jeqaykannam. Kayllachö quëdakuyay. Waray wäraynam tsaka tsakalla kutikuyanki».
10
Tsaynö niptinpis Leví trïbu runaqa tsaychö punuyta mana munarmi concubïna warminta y sirviqninta pushakurkur y ishkay sillashqa ashnunkunata qatikurkur aywakuyarqan. Tsaynö aywarmi Jerusalén niyanqan Jebús marka frentinman chäyarqan.
11
Jebús markaman tardina chaykarmi sirviqnin nirqan: «Taytay, ¿manaku jebuseo runakunapa markallanmanna patsakuykushwan?»
12
Tsaymi patronnin nirqan: «Jäpa runakuna täyanqan markamanqa manam yaykushwantsu. Tsaypa rantinqa Gabaa markayaqrämi chäshun.
13
Mas bien empëñu aywashun Gabaachö o Ramáchö karpis patsakunantsikpä».
14
Tsaynö aywarmi rupay jeqaykaptinna Benjamín trïbu runakuna täyanqan Gabaa marka lädunman chäyarqan.
15
Tsaymi nänipita yaqar patsakuyänanpä Gabaa markaman yaykuyarqan. Pipis mana patsatsiptinmi pläzallaman jamaskiyarqan.
16
Patsa tsakaykaptinnam chakrachö arunqanpita kutir juk ruku runa päsaykarqan. Tsay rukuqa Efraín jallqakunapita karpis tsay witsan Gabaa markachönam taykarqan. Gabaa markachöqa Benjamín trïbu runakunam täyarqan.
17
Pläzachö jamaraykaq runata rikaykurmi rukuqa nirqan: «¿Maypitatä shamuykäyanki? ¿Maypatä aywaykäyanki?»
18
Leví trïbu runanam nirqan: «Judáchö kaykaq Belénman aywanqäpitam kutiykämü. Efraín karu jallqakunachörämi wayï kaykan. Tsaymi wayïpa kutikuykä. Pipis mana patsatsimaptinmi kayllachö jamaraykä.
19
Ashnükuna mikuyänanpä qewatapis päjatapis apaykämi. Kikïkunapäpis kanmi tantapis vïnupis. Manam imapis faltäyämantsu».
20
Tsaynö niptinmi rukuqa nirqan: «Imanö kaptinpis manam kay pläzachöqa waräyankimantsu. Wayïman aywakushun patsakuyänaykipä. Noqanam imata munayanqaykitapis alistamushä».
21
Tsaynö nirmi rukuqa wayinman pushaykur ashnunkunata qewata qararqan. Qorpankunanam chakinkunata mayllakuskir mikuyarqan y upuyarqan.
22
Kushishqa kaykäyaptinmi tsay markachö täraq runakuna mana alli kar wayiman juntapaskiyarqan. Tsaymi punkuta jinchipa takakurnin rukuta niyarqan: «¡Wayikiman patsakamuq runakunata waqtaman qarqamuy! Tsay runakunata violaytam munayä».
23
Tsaymi wayiyuq yarquskir nirqan: «Taytakuna, wayïchö patsakushqa kaykaptinqa ama ari tsayta ruraykuyällaytsu. Tsayqa pasaypa penqakuypä jutsam.
24
Munayaptikiqa virginllarä warmi tsurïta y qorpäpa concubïna warminta jipimushä munayanqaykita rurayänaykipä. Peru kay runata sïqa ama violaykuyällaytsu».
25
Tsay runakunaqa imata niptinpis rukuta manam cäsuyarqantsu. Tsaymi Leví trïbu runaqa concubïna warminta waqtaman qarqurqan. Tsay warmitam runakuna warat violaskir patsa waraskiptin dëjaskir aywakuyarqan.
26
Dëjaskiyaptinnam warmiqa runan patsaraykanqan wayi punkuman kutiykur wanuskirqan.
27
Aywakuyänanpä punkuta wäraylla kichanqanchömi runaqa concubïna warminta tarirqan punku marcunman makin churashqa jitaraykaqta.
28
Tsaymi nirqan: «Shäriy. Aywakushunna». Tsaynö niptinpis warminqa mananam parlarqannatsu. Tsaymi wanushqata ashnunman chaqnakurkur wayinman apakurqan.
29
Wayinman chaykatsirmi chunka ishkay pedäzuman roqurqan. Tsaypitanam entëru Israel runakuna täyanqan kaqpa cada trïbuman juk pedäzuta apatsirqan.
30
Tsayta rikaykur warmita runakuna violaypa wanutsiyanqanta musyaskirmi llapanpis niyarqan: «Egiptupita yarqamunqantsikpita hasta kananyaq manam imaypis wiyarquntsiktsu tsaynö jutsata rurayanqanta. Tsaynö rurayanqanpita imata ruranantsikpäpis shumaq yarpachakushun».
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21