bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 3
Judges 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
Kaychömi qellqashqa kaykan Canaánchö mayqan marka runakunatapis Tayta Dios mana ushakätsinqan. Tsay runakunam quëdayarqan qepa yuriq Israel runakunata jutsa rurayman inkitayaptin Tayta Dios pruëbaman churananpä.
2
Tsaynöllam tsay runakunata Tayta Dios ushakätsirqantsu qepa yuriq Israel runakuna pelyayta yachakuyänanpä.
3
Tsay runakunam kayarqan filisteo runakunapa pitsqa mandaqninkuna, cananeo runakuna, sidonio runakuna y Líbano jallqakunachö täraq heveo runakunapis. Tsay heveo runakunam täyarqan Baal-hermón jallqapita hasta Hamatyaq.
4
Tsay runakunataqa Tayta Dios manam ushakätsirqantsu Israel runakunata jutsa rurayman inkitayänanpä. Tsaynöpam musyayta munarqan unay castankunata Moisés yachatsinqan leykunata cäsuyänanpä o mana cäsuyänanpä kanqantapis.
5
Tsaynöpam Israel runakuna juntu täyarqan cananeo, heteo, amorreo, ferezeo, heveo y jebuseo runakunawan.
6
Tsay runakunapa tsurinkunawanmi warmi tsurinkunata y ollqu tsurinkunata tätsiyarqan. Paykunawan tarnam diosninkunata adorayarqan.
7
Tayta Diosta mana cäsurmi Baal dioskunata y Asera diösapä jawiyanqan raku qerukunata adorar Israel runakuna Tayta Diosta pasaypa rabyanätsiyarqan.
8
Tsaymi Mesopotamia nacionpa mandaqnin rey Cusan-risataimpa poderninchö kayänanpä Israel runakunata Tayta Dios jaqirirqan. Tsaynöpam Israel runakuna puwaq wata payta sirviyarqan.
9
Tsaymi Tayta Diosta mañakuptin paykunata salvananpä Calebpa sobrinun Otonielta Tayta Dios yanaparqan. Otonielpa papänin Cenazqa Calebpa qepa wawqinmi karqan.
10
Tayta Diospa Espïritun Otonielta yanapaptinmi Israel runakuna churayarqan juezninkuna kananpä. Tsaymi runakunata pushakurkur pelyayänanpä aywaptin Cusan-risataimta vinciyänanpä Tayta Dios yanaparqan.
11
Tsaypitaqa Otoniel wanunqanyaqmi chusku chunka (40) wata Israel runakuna tranquïlu kawayarqan.
12
Israel runakuna Tayta Diosta mana cäsur yapay rabyanätsiyaptinmi Moab nacionpa mandaqnin rey Eglónta Tayta Dios yanaparqan poderninchö tsararänanpä.
13
Tsaymi amonita y amalecita runakunawan Israel runakunata vinciskir Palmëra Markata qechuyarqan.
14
Tsay junaqpitam Israel runakuna rey Eglónta chunka puwaq wata sirviyarqan.
15
Tsaymi Tayta Diosta mañakuyaptin Gerapa tsurin Aodta Tayta Dios yanaparqan Israel runakunata salvananpä. Aodqa itsuq makinwanmi imaykatapis ruraq. Payqa Benjamín trïbu runam karqan. Paywanmi Israel runakuna impuestu qorinqanta rey Eglónman apatsiyarqan.
16
Impuestuta manarä aparmi Aodqa mediu metru largutanö ishkan lädunpa afilashqa espädata rurarqan. Tsay espädatam röpan rurinpa derëcha kaq tseqllanman jatirkurqan.
17
Tsaypitanam impuestu qoriyanqanta apar rey Eglónman chätsirqan. Eglónqa pasaypa wera runam karqan.
18
Apanqanta entregaskirmi Aodqa compañaqninkunawan kutikuyarqan.
19
Kutikuykäyanqanchömi Gilgalchö kaykaq rumipita rurashqa ïdulukunaman chaykur rey Eglónman Aod yapay kutirqan. Chaykurnam nirqan: «Taytay, pakayllapa willashayki». Ninqanta wiyananpämi rey Eglónqa yanapaqninkunata nirqan waqtaman upällalla yarquyänanpä.
20
Yarquriyaptinnam jamaräkunan cuartunchö Aodwan rey Eglón ishkallanna kaykäyarqan. Tsaymi rey Eglónpa ñöpanman witiykur Aod nirqan: «Taytay, Tayta Dios nimanqanta willashayki». Niptinmi jamaranqan trönunpita Eglón shärirqan.
21
Tsaypitanam derëcha kaq tseqllanpita itsuq kaq makinwan espädanta jipiskir Aodqa Eglónta pachanpa tuksiskirqan.
22
Eglón pasaypa wera kaptinmi espädaqa tsarikunantin yaykuskirqan. Tsaymi jipiyta mana puëdir jaqiskiptin rakchanpis yarqaskamurqan.
23
Tsaypitanam Aodqa punkuta alli siguraskir ventänapa qeshpirqan.
24
Aod aywaskiptinnam rey Eglónpa yanapaqninkuna kutir punku wichqaraykaqta tariskir niyarqan: «Cuartunman yaykuskirchi ishpakuykan».
25
Rey Eglón mana yarqamuptinmi unay shuyaraykäyanqanchö lläviwan kichaskir patsachö wanushqa jitaraykaqta tariyarqan.
26
Rey Eglónpa yanapaqninkuna shuyaräyanqanyaqmi Aodqa Gilgalchö kaykaq ïdulukuna ñöpanpa päsaskir Seirat läduman aywar pakakurqan.
27
Tsaypita aywar Efraín jallqakunaman chaykurmi cornëtata tukarqan Israel runakuna tsayman qorikäyänanpä. Qorikaskiyaptinnam llapanpa puntanta Jordán mayuman Aod urarqan.
28
Manarä urarmi nirqan: «Kananmi contrantsik moabita runakunata vincinantsikpä Tayta Dios yanapamäshun». Tsaymi Jordán mayu väduman aywaykur pitapis päsananta dëjayarqannatsu.
29
Moabita runakuna pelyayänanpä shamuptinnam chunka waranqanö (10,000) alli pelyaq soldädukunata wanutsiyarqan. Manam jukllayllapis kawaykar quëdayarqantsu.
30
Tsaynömi Israel runakunaqa moabita runakunata vinciyarqan. Tsaypitaqa puwaq chunka (80) watam Israel runakuna tranquïlu kawakuyarqan.
31
Aod wanuskiptinnam Anatpa tsurin Samgarna Israel runakunata contrankunapita salvarqan. Paymi yuntata qatikuna ayjallawan joqta pachak (600) filisteo runakunata wanutsirqan.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21