bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Judges 9
Judges 9
Quechuan QXO (Biblia en Quechua del sur de Conchucos)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
1
Juk junaqmi Jerobaalpa tsurin Abimelec Siquem markaman aywarqan tiyunkunawan y castankunawan parlaq. Chaykurmi paykunata nirqan:
2
«Musyayankim castaykikuna kanqäta. Tsaymi rugakü marka mayintsikkunata qoriskir niyänaykipä: «Jerobaalpa qanchis chunka (70) tsurinkuna mandamaqnintsik kayänanpa rantin mas allim kanman Abimeleclla mandamaqnintsik kaptin».
3
Abimelec ninqannöllam marka mayinkunata tiyunkuna niyarqan: «Abimelecqa marka mayintsikmi». Tsaymi llapan willanakuyarqan mandaqninkuna kananpä.
4
Tsaynö willanakurmi Baal-beritpa templunpita qanchis chunka (70) qellayta jipiskir Abimelecta entregayarqan. Tsay qellayta wanutsikuq runakunata pägaykurmi Abimelec pusharqan
5
papänin Jerobaal tanqan Ofra markaman. Tsaychömi juk rumi jananchö qanchis chunka (70) wawqinkunata wanutsiyarqan. Peru qepa kaq wawqin Jotammi sïqa pakakuyninpa salvakurqan.
6
Tsaypitanam Siquem y Bet-milo runakuna Siquemchö kaykaq encina jacha kaqchö sagrädu rumi kaqman qorikaskir rey kananpä Abimelecta churayarqan.
7
Rey kananpä Abimelecta churayanqanta musyaskirmi Gerizim jirkaman Jotam witsarqan. Tsaypitam jinchipa qayakur nirqan: «Siquem runakuna, kanan nimunqäta shumaq wiyayay. ¡Wiyayämaptikiqa capazchi qamkunatapis Tayta Dios wiyayäshunkiman!
8
«Juk kutish llapan jachakuna qorikäyänä mandaqnin reyta churayänanpä. Tsayshi olïvusta niyänä: «Mandamaqnïkuna rey kanaykitam munayä».
9
«Peru olïvusnash ninä: «Rey kaptïqa Tayta Diosta adorayänanpä y runakunata respitayänanpä ¿maypitatä aceitita jipiyanman?»
10
«Mana munaptinshi jachakunaqa hïgustana mandaqnin rey kananpä niyänä.
11
Tsayshi hïgus ninä: «Rey kaptïqa ¿maypitatä mishkiq hïguskunatapis jipiyanman?»
12
«Tsaypitanash jachakunaqa üvatana mandaqninkuna rey kananpä niyänä.
13
Tsayshi üvapis ninä: «Rey kaptïqa ¿maypitatä Tayta Dioswan runakuna kushikuyänanpä vïnupis kanman?»
14
«Mana munaptinshi jachakunaqa shirakatana mandaqninkuna rey kananpä niyänä.
15
Tsayshi shiraka ninä: «Rasunpa mandaqnikikuna rey kanäta munarqa rämäkuna rurinman yaykayämuy. Mana yaykayämuptikiqa noqapita nina tsarirmi Líbanuchö jatusaq cedrukunatapis rupar ushanqa».
16
Tsaypitanam Jotam nirqan: «Kanan tapuyäshayki. ¿Allitaku rurayarquyki Abimelecta mandaqnikikuna rey kananpä churar? ¿Qamkunata alli rikayäshunqaykinöllaku papänïtawan wawqïkunata rikayarquyki?
17
Madianita runakunapa poderninpita salvayäshunaykipämi wanuytapis mana mantsaypa papänï pelyarqan.
18
Tsaynö salvaykäyäshuptikipis papänïpa contran shärirmi qanchis chunka (70) ollqu tsurinkunata rumi jananchö wanutsiyarquyki. Tsaymi castaykikuna kaptin papänïpa concubïna warminpa wamran Abimelecta mandaqnikikuna rey kananpä churayarquyki.
19
«Jerobaalta y tsurinkunata allita rurashqa kayaptikiqa qamkunawan Abimelec alli kawatsun y qamkunapis paywan alli kawayay.
20
Peru llutanta rurashqa kayaptikiqa Abimelecpita nina yarqamur Siquemchö y Bet-miluchö täraq runakunata rupayäshuy. Tsaynölla Siquem y Bet-milo markaykikunachö täraq runakunapita nina yarqamur Abimelectapis rupar ushatsun».
21
Tsaynö niskirmi Beer markaman Jotamqa qeshpir aywakurqan. Tsaychömi täkurqan wawqin Abimelec wanutsinanta mantsarnin.
22
Kimsa watana Israel runakunapa mandaqnin Abimelec kaykaptinmi
23
Siquem runakunawan chikinakuyänanpä mana alli yarpayta paykunaman Tayta Dios churarqan.
24
Tsaynöpam Abimelecta Tayta Dios castigarqan Jerobaalpa qanchis chunka (70) ollqu tsurinkunata wanutsinqanpita. Siquem runakunatapis tsaynöpam castigarqan wawqinkunata wanutsinanpä Abimelecta yanapayanqanpita.
25
Tsaymi Siquem runakunaqa jallqakunaman runakunata churayarqan tsaypa päsaqkunata asaltayänanpä. Tsaynö rurayanqantam Abimelecta willayarqan.
26
Juk junaqmi Ebedpa tsurin Gaal wawqinkunawan Siquem markaman chäyarqan. Tsaychö täraq runakunam paykunawan amistäta rurayarqan.
27
Tsaypitanam chakraman aywar üvata qoriskamur vïnuta rurayarqan. Tsaypitanam diosninkunapa templunchö mikur upur fiestata rurarnin Abimelecpä rimayarqan.
28
Tsaymi Ebedpa tsurin Gaal nirqan: «¿Pitä Abimelecqa alläpa payta cäsunantsikpä? Siquem runakuna kaykarqa ¿imanirtä paypa poderninchö kaykantsik? Abimelecqa ¿manaku Jerobaalpa tsurillan? Markantsikta mandaq Zebulpis ¿manaku paypa yanapaqllan? Abimelecta sirvinantsikpa rantin Siquempa taytan Hamor casta runakunallata sirvishun.
29
¡Qamkunapa mandaqnikikuna karqa maynam Abimelecta ushakäratsïman karqan! Tsaynöllam payta nïman: «Soldäduykikunata qoriskir noqakunawan pelyanantsikpä shayämuy».
30
Ebedpa tsurin Gaal tsaynö ninqanta wiyaykurmi Siquem markapa mandaqnin Zebul pasaypa rabyakurqan.
31
Tsaymi pakayllapa willakuqkunata mandarqan Abimelecta willar niyänanpä: «Ebedpa tsurin Gaalmi wawqinkunawan chaykamur runakunata willapaykäyan contrayki shäriyänanpä.
32
Imapis manarä kanqanyaq soldäduykikunawan paqaspa shamur marka waqtankunaman pakakuyay.
33
Tsaypita patsa waraskiptin tsay markata atacayay. Gaal y paywan kaykaq runakuna pelyayänanpä yarqayämuptin llapanta ushakätsiyay».
34
Tsaymi Abimelec tsay paqas chusku grüpu soldädunkunawan aywaykur Siquem marka lädunkunaman churanakuyarqan.
35
Ebedpa tsurin Gaal marka punkuchö ichiraykanqan höram soldädunkunawan Abimelec pakaraykäyanqanpita yarquyarqan.
36
Tsayta rikaykurmi Zebulta Gaal nirqan: «¡Rikay jirkakunapita runakuna uraykäyämuqta!» Tsaynö niptinmi Zebul nirqan: «Jirkakunachö llantuykunatam runakunatanö rikapakuykanki».
37
Tsaynö niptinpis Gaalqa yapaymi nirqan: «Patsapa Pupun niyanqan jirkanpitapis soldädukuna shamuykäyanmi. Adivinaqkunapa Encinan niyanqan jachaman aywaq nänipanam juk grüpu soldädukunapis shamuykäyan».
38
Tsaymi Zebul nirqan: «¡Kananmi rikashayki, palëru! «Pitä kantsik Abimelecta cäsunantsikpäqa» ¿manaku nirqayki? Manakaqman churanqayki runakunam yaykaykäyämun. ¡Kanan mä, runa karqa paykunawan pelyaq ayway!»
39
Tsaymi Siquem runakunawan Gaal aywarqan Abimelecwan pelyayänanpä.
40
Abimelec vinciptinmi Gaal y paywan kaykaq runakuna qeshpir markaman kutiyarqan. Tsaynö qeshpiyaptinpis marka punkuman chäyanqanyaqmi atskaqta wanutsiyarqan.
41
Tsaypitam Abimelec Aruma markaman kutikurqan. Zebulnam Gaalta wawqinkunatawan Siquempita qarqurqan.
42
Waraynin junaqnam Abimelec musyarqan Siquem runakuna chakrankunaman yarquyanqanta.
43
Tsayta musyaskirmi yanapaqnin runakunawan kimsa grüpuman rakinakuskir Siquemman aywayarqan. Marka yaykunaman churanakuskirmi runakuna yarqamuqta illaqpita atacayarqan.
44
Markaman kutir mana qeshpiyänanpämi Abimelecqa tröpanchö kaykaq runakunawan marka yaykuna punkuman llallipäyarqan. Ishkay kaq grüpu runakunanam chakrakunachö kaykaq runakunata wanutsiyarqan.
45
Tsay junaqqa qoyatmi Siquem runakunawan Abimelec pelyayarqan. Vinciskirmi tsay markachö kaykaq runakunata wanuskatsir wayinkunatapis juchuskatsir kachita mashtayarqan.
46
Abimelec tsaynö ruranqanta musyaskirmi Siquem törrichö täraq runakuna El-berit templuman amparakuyarqan. Tsay templuqa alli sigurashqam karqan.
47
Tsayman amparakushqa kaykäyanqanta musyaskirmi
48
paywan kaykaq runakunata pushakurkur Salmón jirkanman Abimelec aywarqan. Tsaypita fïlu jächawan jachapa rämanta mutuskirmi umrurkur wakin runakunatapis nirqan: «¡Rämakunata mutuskir llapayki noqanö umrukuyay!»
49
Tsaynö niptinmi rämata cada ünun mutuskir Abimelecpa qepanpa aywar templuta rupatsiyarqan. Tsaynö rupatsirmi törrichö kaq runakunata warmita ollqutapis waranqatanö (1,000) wanutsiyarqan.
50
Tsaypitanam Tebes markaman aywaykur Abimelec y paywan kaykaq runakuna jiruruypa churanakuyarqan. Atacarmi tsay markaman yaykuyarqan.
51
Marka chawpinchömi alli sigurashqa jatun törri karqan. Abimelec y paywan kaykaq runakuna markaman yaykuyaptinmi tsay markachö täraq runakuna warmipis ollqupis törriman yaykuskir ruripita punkuta trancaskamur törri jananman llapan yarkuyarqan.
52
Tsaymi Abimelecqa törrita rupatsiyta munar ninata tsaritsinanpä kaykaptin
53
törri jananpita tunaywan juk warmi Abimelecta umanpis pakiqpä saqmaskamurqan.
54
Tsaymi armanta puritsir yanapaqnin runata jinan höra qayaskir Abimelec nirqan: «Juk warmillam wanutsishqa» nir runakuna mana parlayänanpä espädaykiwan juklla tuksiramay». Tsaynö niptinmi espädanwan yanapaqnin wanuqpä tuksiskirqan.
55
Abimelec wanushqa jitaraykaqta rikaykurmi Israel runakuna wayinkunapana kutikuyarqan.
56
Tsaynömi Abimelecta Tayta Dios ushakätsirqan papäninta chikirnin qanchis chunka (70) wawqinkunata wanutsinqanpita.
57
Tsaynöllam Siquem runakunatapis Tayta Dios ushakätsirqan Jerobaalpa tsurinkunata wanutsiyanqanpita. Tsaynöpam Jerobaalpa tsurin Jotam maldicionanqanta cumplirqan.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21